комуналец – Kurir.mk

Тешко повреден работник од „Комуналец“ Кичево

Ивана Ефремовски — Wed, 16 Aug 2023 19:20:03 +0000

На 15.08.2023 околу 11:00 часот во ОВР Кичево било пријавено дека Б.Ч.(54) од Кичево се здобил со тешки телесни повреди при извршување работни задачи за Јавното претпријатие „Комуналец“ Кичево на улицата „Магистрален пат“ во Кичево. Тој бил пренесен во Општа болница Кичево за укажување лекарска помош. Увид на местото извршила екипа од Полициската станица Кичево.

Екипи на „Охридски комуналец“ ги чистат плажите од цврст отпад

Ивона Петрова — Thu, 02 Feb 2023 09:21:53 +0000

Екипи на ЈП „Охридски комуналец“ спроведуваат активности за чистење на источниот брег на Охридското Езеро, поточно крајбрежниот појас на потегот од населбата „Даљан“ во градот до Свети Наум. Од претпријатието посочуваат дека се подигнува тешко разградлив комунален отпад оставен од несовесни граѓани, како и отпадот што го исфрла езерото на брегот, во најголем дел пластична амбалажа, лименки, најлонски кеси и слично. Акцијата за чистење на крајбрежејто ќе продолжи и наредните денови.

Комуналец почна со пролетно чистење на дивите депонии

Матеја Петровски — Mon, 23 Apr 2018 13:26:18 +0000

Едномесечна акција за чистење на дивите депонии почна денеска прилепски „Комуналец“ по повод 22 април, денот на планетата Земја. Според директорот на ЈКП „Комуналец“, Ѕвонко Јованоски ќе се чистат 10 детектирани диви депонии на подрачјето на општината. Јованоски со апел до граѓаните да бидат совесни и да не создаваат депонии, зашто инспекциски редари ќе ја контролираат состојбата со исфрлањето смет, градежен шут и отпад па ќе се казнуваат поединци и фирми. - Битката со дивите депонии ќе ја добиеме само тогаш кога граѓаните и градежните фирми од градот ќе бидат наши сојузници, а не наши противници. Депонијата „Алинци“ стои на располагање за одложувањето на секаков смет и шут и да се депонира таму. Апелирам до комуналните инспектори и редари да излезат на терен, да ги увидат овие девијантни појави и да ги спречат. Воедно да ги насочуваат граѓаните и градежните фирми својот градежен шут да го депонираат во депонијата „Алинци“, а оние несовесните и неодговорните да бидат казнети. Само така ќе можеме да си ја заштитиме животната средина, да си го заштитиме градот и планетата Земја, изјави Јованоски. По чистењето на дивата депонија кај надвозникот, надвор од Прилеп на патот за Битола, на која се натрупани над 350 метри кубни инертен и комунален отпад, ќе се чистат дивите депонии над касарната „Мирче Ацев“, Заполшки мост, на патот спрема селото Оревоец, над населбата „Кузман“, кај патот за Маркова чешма и Ленишки мост, на патот кон вештачкото езеро, и на повеќе локации во населбата Тризла. Минатата година на депонијата „Алинци“ се одложени 3.228 тони градежен шут и 323 тони неупотреблива земја, од вкупниот отпад однесен на депонијата или 26 500 тони комунален отпад одложен на депонија. (Миа)