концентрација – Kurir.mk

Кафето не е решение: Со овој напиток до поголема концентрација на работа

Ивана Ефремовски — Fri, 06 May 2022 20:57:00 +0000

Луѓето кои пијат чаевите се покреативни и пофокусирани на работа отколку оние кои практикуваат да пијат кафе. Ова го покажа истражувањето кое било реализирано со две групи млади луѓе кои се во работен однос. Едната група пиела црн чај, а другата вода и на крајот двете групи решавале когнитивни и креативни тестови. Резултатите покажаа дека првата група имала поголем наплив на креативност и можела подобро и подолго да се држи фокусирана на задачите од онаа која пиела вода. -Причината лежи во кофеинот присутен во чајот. Двете природни состојки на чајот, кофеин и танин, позитивно влијаат на конценрацијата, која е неопходен дел од когнитивните функции на мозокот, тврдат авторите на истражувањето. Кафето иако може да ве расони, не ви е голема помош кога станува збор за концентрација.

АКО СТЕ УМОРНИ И НЕМАТЕ КОНЦЕНТРАЦИЈА: Испијте само една чаша од овој чај – подобар е од кафе, делува директно на мозокот!

Ристе Здравков — Fri, 08 Apr 2022 06:06:51 +0000

Ако ви е важно да се концентрирате на учење или работа, наместо кафе можете да испиете шолја чај. Многумина истакнуваат дека чајот ги успива, но зависи од тоа кој чај го пиете, бидејќи чајот од мача го подобрува фокусот, когнитивните функции и го стимулира вашиот мозок. Без разлика дали цела ноќ се подготвувате за испит или сакате само шолја од нешто што ќе ви помогне да ја подобрите менталната јасност и фокус, овој чај е здрава алтернатива за кафе, енергетски пијалоци и други пијалоци со кофеин. Matcha е направен од листовите зелен чај одгледувани во сенка кои се мелат во фин прав. Matcha потоа може да се конзумира самостојно кога ќе се промеша со топла вода, или може да се додаде во лате, смути или колачи. Бидејќи е толку концентриран, matcha има повеќе кофеин од повеќето други видови на чај, бидејќи содржи речиси исто толку кофеин како кафе по шолја. Matcha исто така има висока содржина на l-theanine, уникатно соединение кое го намалува стресот и промовира смиреност и фокусирање. Заедно, кофеинот и л-теанинот присутни во matcha работат на подобрување на когнитивната функција и јасност, правејќи го matcha идеален чај кој помага при учењето, ви помага полесно да се концентрирате на работа, да го намалите заморот и да ја зајакнете функцијата на мозокот. Покрај мачата, за концентрација се препорачуваат и чај мате, чај од нане, ѓумбир, куркума, зелен и црн чај.

Ако имате проблеми со концентрација и се будите уморни – еве што треба да јадете

Ивана Ефремовски — Mon, 11 Jan 2021 13:56:17 +0000

Дали понекогаш се будите уморни? Дали чувствувате дека ви е тешко да се сконцентрирате повеќе од неколку минути? Иако, најлесно е да се обвинат годините, или недостатокот на сон, одговорот за бистра глава и чисти мисли можеби буквално се наоѓа во чинијата. Ако внесувате храна која на вашиот мозок му обезбедува доволно витамини и хранливи материи, ќе му помогнете да се „разбистри“. Еве кои намирници треба да ги консумирате: Авокадо Авокадото е добар извор на здрави маснотии и прави чуда во поттикнувањето на циркулацијата. Ова е важно кога станува збор за силата на мозокот бидејќи е поврзано со протокот на крвта во мозокот кој е неопходен за негово нормално функционирање. Сардина Есенцијалните Омега 3 масни киселини кои ги има во сардините имаат голема концентрација на DHA масна киселина која е клучна за одржување на здрав нервен систем. Ниското ниво на оваа супстанца го зголемува ризикот од Алцхајмеова болест и губење на помнењето. Оваа риба исто така содржи и јод кој помага да се одржи менталната бистрина. Интегрални жиратици Ова се намирници кои ја подобруваат циркулацијата и помагаат да се одржи нивото на глукоза во крвта, а што е постабилно нивото на глукоза во крвта, полесно се концентрираме. Поради ова е важно да појадуваме, бидејќи овој оброк не го придвижува само метаболизмот туку и го одржува нивото на шеќер во крвта избалансирано. Шеќер Шеќерот му е омилена храна на мозокот и извор на гориво, но пред да посегнете по омиленото благо сетете се дека глукозата е она што му треба на вашиот организам. Чаша сладок пијалак многу бргу ќе ви го прочисти умот и ќе ви помогне да се сконцентрирате. Сепак премногу шеќер може да резултира со успорување на меморијата, па затоа бидете умерени. Кофеин Исто како и шеќерот и кофеинот ја подигнува мозочната активност, но ако се претера со него, би можел да влијае на менталното здравје. Кофеинот кој го има во кафето, чоколадото, енергетските пијалаци и некои лекови, го дава она препознатливо чувство на разбуденост. Имајте предвид дека неговите ефекти се краткотрајни, а ако претерате мозокот може да се префорсира и да ве направи повеќе напнати, отколку способни бргу да размислувате. Јаткасто овошје и семки Ова е одличен извор на витамин Е кој делува когнитивните способности со годините помалку да опаѓаат. Добра порција на витамин Е треба да делува многу позитивно на меморијата. Други одлични извори на витамин Е се зелениот зеленчук, интегралните житарици, јајцата и жолтиот ориз. Семките од тиква исто така ја згоелмуваат силата на мзоокот, а со нив се внесува и дневната доза на цинк кој исто така помага при размислувањето. Боровинки Боровинките и јагодите содржат антиоксиданси кои ги штитат невроните на мозокот од оштетување, градат рецептори за комуникација помеѓу мозочните клетки и од мозокот го исфрлаат вишокот. Боровинките содржат и витамин Ц кој веќе подолго време се смета за поттикнивач на менталната агилност. Жалфија Жалфијата одамна има репутација на голем сојузник на мозокот и меморијата. Иако се препорачува да се проба масло од жалфија, неговата употреба во исхраната во сите облици, нема да ви наштети. Домат Ова растение содржи ликопен, силен антиоксиданс кој штити од слободни радикали кои со своето дејство на клетките од мозокот може да го забрзаат развојот на деменција, особено Алцхајмерова болест. Брокула Брокулата е одличен извор на витамин К кој е познат по тоа што ги поправа мозочните функции и ја зајакнува мозочната активност.

Сакате подобра концентрација? Еве со што треба да се храните

Предраг Кукиќ — Mon, 27 Aug 2018 19:43:48 +0000

Научници откриваат колку кафе ни е доволно за будност и концентрација

Дарко Андоновски — Fri, 08 Jun 2018 11:21:26 +0000

Кофеинот не секогаш го има ефектот на будност кај човекот, па така, понекогаш може да испиеме и неколку шолји една по друга. Меѓутоа, новата формула за којашто научници тврдат дека може да ја одреди правата доза кофеин, многу е веројатно дека ќе помогне. Жак Рајфман, директор на американскиот воен Институт за биотехнологија, во списанието „Џурнал оф Слип Рисрч“ објави и своја статија за новиот алгоритмот со кој се пресметува вистинската доза кофеин и вистинското време за кафе. - Овој алгоритам го подобрува ефектот на будност за 64 отсто, а притоа се внесува истата количина кофеин... Но и доколку го намалиме вносот на кофеин до 65 отсто, ефектот повторно ќе биде ист, во најголем број случаи, истакнува Рајфман. Формулата е сложена, и на некој начин, варира од случај до случај. Но, генералниот заклучок е дека се потребни само две така намалени дози во времето кога сме будни. Едната - скоро веднаш по станувањето од кревет, а другата - неколку часа подоцна.