Советник на Трамп осуден за непочитување на Конгресот, неговиот адвокат најави жалба

Магдалена Андонова — Sat, 23 Jul 2022 08:04:32 +0000

Советникот на поранешниот американски претседател Доналд Трамп, Стив Бенон вчера е осуден за непочитување на Конгресот, бидејќи одби да учествува во истрагата за нападот врз Капитол Хил на 6 јануари. По четиридневно судење, американскиот Федерален суд го осуди Банон затоа што одбил да сведочи и да достави одредени документи до конгресната комисија. Нему му се заканува затворска казна од две години. Изрекувањето на пресудата е закажана на 21 октомври. Адвокатот на Банон најави жалба. (МИА)

За време на упадот во Конгресот на САД на Твитер имало 430 пораки во секунда

Магдалена Андонова — Thu, 07 Jan 2021 17:37:15 +0000

За време на упадот во американскиот Конгрес на приврзаници на американскиот претседател во заминување Доналд Трамп вчера, на Твитер имало 23,46 милиони пораки, односно во просек 430 во секунда, објави денес порталот Визибрејн. Инцидентот произведе 2,5 пати повеќе твитови отколку за време на претседателските избори на 3 ноември минатата година, наведува порталот. Последните избори во ноември произведоа шестпати повеќе твитови од претходните, во 2016 година. Твитер и Фејсбук привремено ги блокираа профилите на Трамп поради неговите пораки, а Твитер му се закани со трајно суспендирање на неговиот налог. Одлуката е донесена поради коментарите на Трамп, кои предизвикаа насилство при упадот на неговите приврзаници во Конгресот на САД. Социјалните мрежи Фејсбук и Инстаграм ќе ја продолжат блокадата на профилот на американскиот претседател Доналд Трамп најмалку уште две недели додека не заврши трансферот на власта на новиот претседател Џо Бајден, објави Марк Закерберг, шеф на Фејсбук компанијата на која припаѓаат тие мрежи. (МИА)

конгрес на САД – Kurir.mk

Советник на Трамп осуден за непочитување на Конгресот, неговиот адвокат најави жалба

За време на упадот во Конгресот на САД на Твитер имало 430 пораки во секунда