коњ – Kurir.mk

Приведени три лица од Скопје поради мачење на коњ

Ивана Ефремовски — Thu, 02 Mar 2023 18:42:49 +0000

Денеска (02.03.2023) на улица „Благоја Стефковски“ во Скопје од страна на полициски службеници од ЕВР Гази Баба лишени се од слобода С. С. (24), Р. С. (20) и А.С. (54) од Скопје поради основано сомнение за сторено кривично дело по чл. 233 од КЗ (мачење на животни). Делото е сторено на 01.03.2023 околу 13:00 часот на ул. „Коце Металец“ во Скопје , при што измачувале коњ. Известен е јавен обвинител и по документирање на случајот ќе биде поднесена кривична пријава.

ДАЛИ КОЊОТ ОДИ НАНАПРЕД ИЛИ НАНАЗАД? Одговорот ќе ве изненади! (ВИДЕО)

Ристе Здравков — Sun, 26 Feb 2023 14:26:33 +0000

Начинот на кој го гледате движењето на коњот ви кажува која страна од вашиот мозок ја користите повеќе. На интернет можете да видите секакви оптички илузии, но една од нив всушност открива нешто интересно за вашиот мозок. Еден терапевт објави видео од коњ во движење, но она што го истакна е дека треба да обрнете внимание на начинот на кој го гледате движењето на коњот. – Ако видите дека коњот се движи напред, тоа значи дека повеќе ја користите левата страна на мозокот. Додека пак, ако видите коњ кој се движи наназад, тоа значи дека десната страна на вашиот мозок е подоминантна – објасни терапевтот. Коментарите веднаш почнаа да се нижат, каде луѓето пишуваа како тие го гледаат коњот, а имаше и такви кои тврдеа дека во зависност од тоа како се концентрирале, може да го видат движењето и напред и назад. Што гледате вие? Видеото може да го погледнете ТУКА.

Нуркање на коњ бил вистински спорт (ВИДЕО)

Ристе Здравков — Mon, 26 Dec 2022 11:10:30 +0000

Иако денеска делува неверојатно, некогаш јавачите и коњите скокале од скокалници и нуркале, а често доаѓало и до повреди. Нуркањето на коњ прв пат се појавило во 1880-тите години како идеја на Вилијам „Доктор“ Карвер, човек повеќе познат како стрелец отколку како олимписки нуркач. Карвер наводно дошол до идејата кога минувал мост преку реката Плат во Небраска. Додека Карвер сè уште бил на мостот, коњот скокнал од мостот во водата, инспирирајќи го на идејата за коњи за нуркање. Повреди се случувале често, а почесто бил загрозен јавачот отколку коњот. До 1970-тите, нуркачките коњи почнале да ја губат својата популарност меѓу активистите за права на животни, кои барале да се прекине оваа пракса. Постоел мал напор нуркачките коњи да се вратат во Атлантик Сити во 2012-та година, но активистите за правата на животите веднаш го задушиле. Како изгледало сето тоа, можете да видите на приложеното видео.

View this post on Instagram

A post shared by History In Pictures (@historyphotographed)

КРАЛИЦАТА ПАК ЈАВА! Елизабета не ги послушала ЛЕКАРИТЕ, па повторно е снимена на КОЊ (ФОТО)

Ристе Здравков — Fri, 24 Jun 2022 12:52:42 +0000

Кралицата Елизабета Втора (96) решила да не го слуша советот на докторот кој пред неколку месеци и рекол да престане да јава, па е фотографирана на коњ во Виндзор Кралицата Елизабета поради здравствени проблеми отсуствуваше од многу настани, а јавноста имаше можност да ја види како оди со бастун. Меѓутоа, кога оваа недела се појави во Виндзор без бастун, многумина почувствуваа дека нејзината здравствена состојба е подобрена. Извор за „The Sun“ изјавил дека кралицата не јавала во последните девет месеци, па уживала повторно да биде на коњот. – По сите грижи за нејзиното здравје, добар знак е повторно да ја видиме како јава. Сосема е извонредно да се прави тоа на 96 години – рекол изворот. Кралицата е активен јавач од 1929 година. Кога имала 3 години, добила пони, а во текот на животот одгледувала и тркачки коњи. Планот е кралицата да оди на своето годишно патување во Шкотска за неделата на „Holyrood Week“, но како што рекоа од Бакингемската палата, таа одлука ќе биде донесена подоцна. Да се потсетиме, кралицата Елизабета својата долговечност и добриот изглед ги должи на своите здравствени навики. Личниот готвач на кралицата, Дарен Мекгрејди, во својата книга „Eating Royally: Recipes and Remembrances from a Palace Kitchen“ откри кои се нејзините навики во исхраната. Мекгрејди наведува дека она што кралицата Елизабета го јаде секој ден не се променило во последните 60 години.

Коњот кој преседе на тераса во зграда во Дебар Маало згрижен во ЗОО Скопје

Дарко Андоновски — Mon, 23 May 2022 08:41:19 +0000

Вчера на неколку портали беше објавено дека во Дебар Маало има коњ на тераса од стан во напуштена зграда, а полицијата добила и неколку пријави од граѓани. -Колегите од Скопје ЗОО, заедно со директорот Кристијан Стаменов, МВР и инспектор на АХВ излегоа на терен и ја започнаа спасувачката мисија на коњчето кое за жал било врзано во руинираниот објект и оставено без храна и вода. Доцна вечерта коњот беше пренесен во Скопје ЗОО каде што ќе му обезбедиме ветеринарна грижа и најдобра нега. Апелираме да не се измачуваат овие најпрекрасни животни и што поскоро да се направи план на централно ниво за што поголема благосостојба на коњите, напишаа на Фејсбук од ЗОО.

27 годишен гостиварец со поло удрил во коњ – потешко повреден сопатникот, еве ги несекојдневните детали

Дарко Андоновски — Wed, 29 Dec 2021 15:11:23 +0000

Гостиварец се задобил со тешки повреди откако возилото со кое возел налетало на коњ, што слободно се движел по коловоз. Според СВР Тетово, ноќеска (29 декември), половина час по полноќ, во СВР Тетово пријавено е дека на магистралниот пат Гостивар-Кичево патничко моторно возило „фолксфаген поло“, со гостиварски регистарски ознаки, управувано од З.Н. (27) удрило во животно. Во несреќата, сопатникот во возилото, Г.М.(48) од Гостивар, се здобил со тешки телесни повреди. Помош му била прижена во гостиварската болница „Ферид Мурад“. Увид на местото на несреќата извршила екипа од Одделението за внатрешни работи Гостивар. Годинава, по гостиварските сообраќајници имало 16 несреќи предизвикани од животни. Од нив најмногу, десет биле со кучиња, две со коњи. Возачите имале и “блиски средби“ со дива свиња, јазовец, срна и една овца.

Кривична пријава за „предизвикување општа опасност“ за сопственикот на коњот што се движеше по автопат

Тале Кристо — Wed, 06 Oct 2021 14:05:29 +0000

Тетовската полиција поднесе кривична пријава за жител на градот чиј коњ се движеше неконтролирани долж автопатот Тетово-Скопје минатиот месец. Сопственикот треба да одговора за кривично дело „предизвикување на општа опасност“. -Секторот за внатрешни работи Тетово до Основното јавно обвинителство Тетово поднесе кривична пријава против 34-годишниот тетовец Н.К., поради основи на сомнение дека сторил кривично дело „предизвикување општа опасност“, казниво по член 288 од Кривичниот законик, се вели во информацијата од портпаролот на СВР Тетово, Марјан Јосифоски. Пријавениот се сомничи дека на 21 септември годинава, во периодот од 14 до 14:30 часот, без надзор и контрола го оставил неговиот коњ со запрега, кој почнал да бега по автопатот Тетово-Скопје, односно да се движи во спротивна насока и да ја загрозува безбедноста на учесниците во сообраќајот.

Полицијата поднесе пријава против сопственикот на коњот кој се движеше во спротивна насока на автопат

Магдалена Андонова — Thu, 23 Sep 2021 10:41:31 +0000

Тетовската полиција ќе поднесе пријава за 53-годишник од градот чиј коњ без контрола се движеше во спротивна насока на автопатот Тетово-Скопје. Во вторникот околу 14 часот граѓани пријавиле во СВР Тетово дека забележале како животното само се движи на автопатската делница. На снимка која се појави на социјалните мрежи се гледа како полицијата со возило успева да го сопре коњот, а потоа и да го отстрани од автопатот. Од СВР Тетово потврдуваат дека нивните службеници го тргнале коњот од автопатот со цел безбедно одвивање на сообраќајот. -Во СВР Тетово беше пријавено дека по автопатот Тетово-Скопје, на потегот од клучката за Брвеница кон Требошки натпатник, во спротивна насока, без надзор и контрола, сам се движи коњ со запрега. Kоњот со запрега е фатен и однесен во Полициската станица за безбедност на патниот сообраќај Тетово. Набрзо е идентификуван и повикан сопственикот Н.К.(53) од Тетово, информира Марјан Јосифоски, портпарол на СВР Тетово. Се расчистува случајот, по што против Н.К. ќе следува соодветен поднесок.

Коњ трча во спротивна насока на автопатот Скопје –Тетово, неколку полициски патроли не можат да го сопрат (ВИДЕО)

Дарко Андоновски — Thu, 23 Sep 2021 09:27:21 +0000

Видео снимка од незауздан коњ кој со впрегната приколка трча во спротивен правец на автопатот Скопје – Тетово беше споделено синоќа на социјалните мрежи. Во „потерата“ по животното се вклучиле и повеќе полициски возила, кои исто така морале да возат во спротивна насока. Како дошло животното до автопатот не е познато, но се претпоставува дека побегнало од сопственикот од некое од соседните села За среќа во целата бркотница не се случи сообраќајна несреќа.

Угина највисокиот коњ во светот

Ивона Петрова — Tue, 06 Jul 2021 07:54:35 +0000

Големиот Џејк, коњ стар 20 години и воедно највисокиот коњ во светот, угина на фарма во Висконсин. Коњот бил тежок 1.136 килограми. Гинисовата книга на светски рекорди во 2010 година го потврди како највисок коњ на светот. Неговиот сопственик, Џери Џилберт изјавил дека Големиот Џејк бил супер ѕвезда и навистина величенствено животно. Кога се родил, коњот имал 109 килограми, што е 45 килограми повеќе од просечно ждребе.