коњи – Kurir.mk

Мицковска за отруените коњи во ЗОО: Ова можеби е одмазда на бивши вработени кон нас кои ги сакаме животните

Ристе Здравков — Fri, 11 Aug 2023 07:21:48 +0000

Тина Мицковска, познатата вљубеничка во животните и активистка за заштита на нивните права, инаку вработена во скопската Зоолошка градина, видно револтирана од случајот со угинатите коњи во градината. - Сортните коњи во скопската Зоолошка се отруени со брзоделувачки отров, соопштија вчера надлежните. - Да скапаат во затвор монструмите! Малце е и тоа за вакви болни умови... - напиша Мицковска на својот фејсбук профил како реакција на оваа трагедија. - Ние што сме таму за животните и претрпевме се, нема да не спречат со вакви умоболни и монструозни чинови да продолжиме со борбата... Имам прекрасни колеги, кои животот го дале и оставиле таму... Ветувам дека ќе го/ја/ги фатиме кои се психопатите... Никогаш веќе да не се повтори... Што би рекол колегата Војо и пред Бога и пред судот ќе одговараат... Ете сега и јавноста виде со што се соочуваме... - додава таа. - За да се отрујат коњите на таков начин, не е возможно посетител или некој обичен вработен да го направи тоа (вработени кои би изгинале попрво за животните). Ова е мое лично мислење, а имаме бивши вработени со медицински познавања и пристап до отрови, па не би ме чудело ова да е одмазда кон сите нас што ги сакаме животните, на сметка на тие што земале плата, а мразеле животни... Верувам истрагата ќе покаже се и ќе се докаже кој стои зад ова монструозно дело, вели Мицковска. - Треба тие луѓе веќе никогаш да немаат пристап до животни, а богами и до луѓе... Опасни се! - видно револтирана вели Мицковска.

Македонско девојче на кое треба да сме горди: Запознајте ја Андреа – ја создаде најубавата фотографија на Илинден и има моќна порака за Македонците

Ивана Ефремовски — Fri, 04 Aug 2023 11:39:42 +0000

Андреа Данаиловска е 14-годишно девојче од гостиварското село Здуње. Ученичка е во основното училиште „Мустафа Кемал Ататурк“ и од септември ќе биде деветто одделение. Но за разлика од многу нејзини врсници, Андреа распустот не го минува само низ игра и користење на мобилен телефон, таа пред себе си постави една мисија – да ја промовира љубовта кон татковината. Таа е девојчето од фотографијата која ги разбуди емоциите кај секој Македонец на Илинден. Беше дел од кичевската коњаница, Богородица пречиста. КУРИР стапи во контакт со Андреа и нејзините родители, кои се најголема поддршка за секој чекор кој го превзема. Веднаш препознавме дека е храбра, горда, решителна, посветена, вљубеник во коњите и природата, почитувач на традицијата и важните денови од историјата.

ФОТО: БОБАН КОШИНОВ

Ја прашавме чија беше идејата качена на коњ да го развиори македонското знаме и со тоа да се создаде најубавата фотографија на Илинден.

-Идејата беше моја. Сакав додека го јавам мојот коњ на големиот празник Илинден, да бидам со македонското знаме. Сакав да ја испратам пораката дека Македонија е држава на сите луѓе и дека треба да сме горди на нашето државно знаме и секаде да го промовираме, вели Андреа за КУРИР. Иако во годините мала, во чувствата многу голема. Емоциите не ја совладале во решителноста. -Моите чувства додека се подготвував беа силни. Имав за цел храбро да го совладам теренот, на плус 40 степени. Заедно со коњот Зекан успеавме да ја исполниме мојата цел, истакнува девојчето. Јавањето го започнува на многу мала возраст. Кобилата Беба била нејзината прва љубов во оваа активност или спорт. Не било лесно, но со голема љубов и помош од најблиските Андреа денес може гордо да каже дека успеала. -За вештините околу кобилата Беба ме тренираше мојот соселанец, чичко Адем. Моите родители го препознаа мојот талент и редовно ме носеа на часови во Скопје. Сè околу јавањето ме тренираше Андреј Мишев кој е државен првак, рече Андреа во разговорот со КУРИР. Слободното време го користи за јавање и вели дека усовршува вештини. Ни ги покажа сите нејзини “пријатели на четири нозе“ со кои поминува доста време јавајќи. КОБИЛАТА ЦУРА КОЊОТ СОКОЛ ШАМПИОНОТ ЗЕКАН КОЊОТ ЈАДРАН КОБИЛАТА КОБИЛЧЕ БИСЕР ЈУНИОР Андреа за себе вели дека е горда Македонка, а тоа го докажа и со пораката која преку интервју за КУРИР ја испраќа до македонскиот народ. -Мојата порака до целиот народ кој живее во нашата Македонија е да си ја чуваме државата. Мајка е една и една е татковина, вели Андреа. Бидејќи Андреа е малолетна, одобрение за објава на текстот и фотографиите добивме од нејзините родители. Горди на своето дете, посветени на секој нејзин успех и како што самата вели, нејзина најголема поддршка. -Многу сум им благодарна на моите родители. Тие ме поддржуваат во сè. Даваат сè од себе за јас да дојдам до целта. Благодарам бескрајно до нив, но и до чичко Адем, Ици, Ертан, Андреј....

Коњите што угинаа во Зоолошката градина се ретки и скапи, дали угинале од труење или третман ќе покаже обдукцијата

Ристе Здравков — Sun, 30 Jul 2023 19:56:08 +0000

Двата коња кои вчера угинаа во скопската Зоолошка градина се од видот Пржевалскиев коњ, што важи за многу ретка и скапа раса која што потекнува од Монголија. Коњите во скопската Зоолошка градина биле донесени од Национален парк од Австрија, а до неодамна важеле за изумрен вид во дивината и нивната вредност е голема. Скопје ги загуби. МВР претходно денес ја објави жалната вест дека два од овие коњи угинале. Смртта на животните во полицијата ја пријавил вработен во ЗОО Скопје, кој се сомневал дека биле отруени. Сепак, се’ уште нема официјална потврда за причините за смртта, а ќе биде познато по обукцијата на животните. Неофицијално, денес угинал уште еден коњ, дознава „Макфакс“. Од МВР велат дека се работи на расчистување на случајот.

Биле отруени – два коња угинаа во скопската Зоолошка градина

Ристе Здравков — Sun, 30 Jul 2023 16:42:01 +0000

Два коња угинаа вчера во скопската Зоолошка градина. Смртта на животните во полицијата ја пријавил вработен во ЗОО Скопје, кој се сомневал дека биле отруени. Од полицијата велат дека се работи на расчистување на случајот.

ФОТО: Дизајнирани патики за коњи, почетната цена е вртоглава

Ивона Петрова — Mon, 31 Oct 2022 08:27:49 +0000

Маркус Флојд, уметник од Кентаки (САД), работи на развој на патики за коњи, како дел од соработката со „Визитлекс“ – туристичка агенција од Лексингтон. „Обувките“ ќе бидат продадени на аукција за собирање средства за добротворни цели, на 12-ти ноември. – Нивната иницијатива е да се подигне свеста во целата „кантри-џез“ држава, т.е. Кентаки како целина, објасни Флојд за Си-ен-ен. Во иднина, тој планира да донира 10 отсто од приходите од продажбата на обувките на околните непрофитни организации. Почетната цена на патиките за коњи е 1.200 долари.

Се огласи разрешениот директор на Зоо Скопје: Директен и лицемерен напад врз мене, невиноста ќе ја докажам пред институциите

Ивона Петрова — Fri, 15 Jul 2022 11:56:35 +0000

Директорот на Зоо Скопје, Кристијан Стаменов се огласи денеска по случајот со убиените коњи чие месо се користело како храна во дивите животни во Зоо Скопје. Стаменов објаснува што се случило и најостро ги демантира наводите дека е „убиец“ на животни. Вели, тоа е постапка која отсекогаш се спроведувала во Зоо Скопје, односно економско искористување на животи кои не можат да бидат рехабилитирани. Додава дека е лицемерно да биде осудуван од лица кои пред него биле на истата позиција и исто постапувале, а како пример го наведе случајот со угинатата жирафа Тобого. -Најпрво би сакал да изразам жалење за информациите кои се пласираа во јавноста овие два дена. Во Зоолошката градина работам повеќе од 12 години како самостоен зоо негувател, остро ги демантирам наводите во јавноста дека сум некаков „убиец“ на животни како и лажните информации за наводните мои изјави. Со Одлука за отстапување на стока од 11.07.2022 година од Управата за извршување на санкциите КПУ – Идризово Скопје според Решение за отстапување на стока од Агенцијата за управување со одземен имот бр. 09-2328/1 од 08.06.2022 година и Решение за отстапување на стока бр. 09-2201/1 од 31.05.2022 се отстапија вкупно 12 коњи од КПУ Идризово во Зоолошката градина, поради немање на соодветни услови за чување на истите. Овие животни биле претходно запленети од дрвокрадци, шверцери на наркотични средства итн. Според важечка одлука на Управниот одбор на Зоолошката градина Скопје од кои последните 20год или откако постои оваа установа се врши таканаречено „економски искористување“ на животни кои во консултација со стручните лица од Зоолошката градина се во состојба пред умирање, болни, со видливи неизлечиви рани, инфекции и крајно изнемоштени животни кои не можат да бидат рехабилитирани. Наспроти сите јавни пишувања на поединци морам да истакнам дека ова не е прв случај, вакви случаи во минатото се бројни лично сум учествувал како зоо негувател во ваква постапка и во времето на претходниот директор на Зоолошката градина. Крајно лицемерна е осудата која доаѓа кон мене токму од истите лица кои ова економско искористување го имаат и самите правено и тоа не само на коњи, туку и на останати животни, пример за тоа е жирафата која е дадена како храна за лавовите. За разлика од претходни години сега над животните кои не можат да се спасат или боледуваат се спроведува навистина хуман третман. Можеби во јавноста овие теми не се популарни, но предметите на јавни набавки за месо кои ги спроведуваат сите зоолошки градини во светот доаѓаат дури и од здрави животни. Во Хамбург, Љубљана, Загреб, Дрезден и многу други европски метрополи спроведуваат ваков вид на хуман третман на болни животни, кои се во опасност од умирање. Сакам изрично да одговорам на сите напади - Никогаш ниту сум имал намера ниту сум помислил да мачам изнемоштувам или убивам животни. Како зоонегувател сум посветил над 12 години од мојот живот на само на заштита на животните. Во претходниот период имавме добар пример, коњот кој го спасивме од Дебар маало беше животно во тешка состојба, но успеавме да го рехабилитираме да биде само дополнителна вредност на зоолошката градина, така сум постапувал со сите животни. Од самиот почеток на моето назначување за в.д директор на зоолошката градина бев мета на разни напади, физички пресметки, закани, притисоци и опструкции за кои дел од нив бевте сведоци самите. Ова што се случи и фамата која се крена во јавноста ги оценувам како злоупотреба на постапката за хуман третман која ја спроведува со години истава институција, а вклучително и секој директор на истата. Ова е директен атак против мене и моето добро работење кое резултираше со досега невидени позитивни ефекти за оваа институција, ова е напад кој можеби е и дополнителен политички притисок за мое обезвреднување. Морам да истакна дека запазени се сите законски процедури во оваа постапка која не е нималку популарна, но која е одраз само на правилно спроведување на заштитата на животните. Јас мојата невиност ќе ја докажам пред институциите, и секогаш ќе имам неизмерна љубов кон сите животни, пишува Стаменов.

Сестрите Родиќ објавија прва фотографија од својот татко откако доживеа голема несреќа – еден детаљ речиси не можеше да се сокрие, сите се загрижени

Дарко Андоновски — Wed, 09 Mar 2022 10:56:51 +0000

Бојана Родиќ на социјалната мрежа Инстаграм објави фотографија од својот татко и предизвика лавина на коментари. Имено таа објави прва фотографија од татко и Боган кој неодамна имаше несреќа, паѓајќи од коњ и прегазувајќи го истиот. Дедото на Вељко Ражнатовиќ и Мирко Шијан излезе од болница, па веднаш му се впушти на алкохолот и цигарите. Инаку за потсетување Богдан доживеа тешка несреќа во февруари откако падна од коњ, а друг коњ го прегази и му нанесе тешки повреди на главата.

Тешко повреден таткото на Богдана Ражнатовиќ: Примен е во болница oткако го згазиле коњи

Магдалена Андонова — Sat, 19 Feb 2022 15:45:28 +0000

Богдан Родиќ, таткото на Богдана Ражнатовиќ, доживеал тешка несреќа. Како што дознава „Новости“, Богдан го згазиле коњи, тој е повреден и се наоѓа во болница. - Можно е да има операција на главата - открил извор за споменатиот медиум.

Фудбалерот заедно со сопругата имаат фарма и заработуваат брдо пари од тоа што им го прават на овие животни – здруженијата на нозе (ФОТО)

Дарко Андоновски — Mon, 14 Feb 2022 09:38:38 +0000

Стандардниот првотимец во дресот на актуелниот шампион на Германија, тимот на Баерн (М), Томас Милер, не крие дека одгледува коњи и зајци, заедно со својата сопруга, Лиса. Тие двајца се сопственици на голема фарма, а најмногу пари заработуваат од продажба на коњска сперма. Една таква замрзната доза ја продаваат за околу 200 евра и тоа најчесто преку интернет.

View this post on Instagram

A post shared by Lisa Müller (@lisa.mueller.official)

Пред неколку дена репрезентативецот на Германија откри дека еден коњ сериозно се има повредено: „За жал, имаме лоша вест. Нашиот омилен коњ Д’Авие нема да биде достапен во следните неколку месеци. Тој се лизна за време на тестирањата кои се потребни пред почетокот на сезоната за парење. Се лизна и доживеа незгодна повреда во пределот на копитото и затоа ќе мора да мирува во следните неколку месеци. Можеше да помине уште полошо, откри Милер.

View this post on Instagram

A post shared by Lisa Müller (@lisa.mueller.official)

Таквата негова изјава предизвика реакција од страна на здружението за заштита на животните. Срамно е што самопрогласениот љубител на коњите ги принудува истите животни на неприродни сексуални обврски се со цел да има максимална финансика заработка од нив. Повредата која ја има добиено Д’Авие под надзор за Лиса и Томас, можеше да биде избегната, изјави потпаролот на ПЕТА, Јана Хогер.

View this post on Instagram

A post shared by Lisa Müller (@lisa.mueller.official)

Коњи пасат трева на сред булевар во Ѓорче Петров (ФОТО)

Магдалена Андонова — Wed, 18 Aug 2021 09:47:57 +0000

На социјалните мрежи кружат фотографии од коњи кои пасат трева сред булеварот „Партизански Одреди“ во населбата Ѓорче Петров, во непосредна близина на пазарчето. Таа околина се смета за многу прометна така што коњите за себе но и за околината претставуваат опасност. Шегите на сметка на овие фотографии не престануваат да се шират. Луѓето коментираат дека коњите се можеби замена за машините со кои се коси тревата. Ова не е прва ситуација коњи сами и слободно да шетаат во овој дел на Скопје. И претходно, во населбата Даме Груев имаше слична глетка.