коњички турнир – Kurir.mk

Викендов четири натпревари на Хиподромот во Маџари

Тале Кристо — Fri, 23 Sep 2022 17:36:30 +0000

На Хиподромот во скопската населба Маџари утре и в недела ќе се одржи првиот и вториот Септемвриски коњички турнир, како и 2. коло од Отворениот куп на Република Македонија во прескокнување пречки и 4.коло – финале од Лига првенството на РСМ Почетокот на натпреварувањата е закажан за 10 часот. Организатори на турнирот и купот се Федерацијата за коњички спортови на РС Македонија и Коњичките клубови Илинден и Вивакс од Скопје. За утре (сабота) предвидени се три натпревари во прескокнување на пречки: Избери го својот пат; Поголеми и побрзи и ревијален натпревар. Височина на пречките ќе биде од 0,90- 1,10/1,20м. На прогрмата в недела се натпревари во прескокнување на пречки во класите А,Б,Ц и ревијален натпревар. Височина на пречките ќе биде од 1 до 1,2 метра/1,35м.

Гроздановска најуспешна на првиот Октомвриски коњички турнир и трето коло од Отвореното лига-првенство

Катерина Бојаџиева — Sat, 02 Oct 2021 20:55:39 +0000

Леонида Гроздановска од клубот Анималс доминираше на денешниот, прв Октомвриски коњички турнир и 3. коло од Отвореното лига-првенство во прескокнување пречки одржан на терените во Дрма, скопско. Резултати на натпреварот „Одбери свој пат“ висина на пречките 0,95 м.: 1. Леонида Гроздановска со грлото Нур од КК Анималс 2. Силја Дуковска со грлото Најтингел од КК.Анималс и 3. Цветанка Георгиев со грлото Чарли од КК Бравадос. Втор натпревар „Растечки потешкотии“ од 0,95 – 1,25 м со Џокер: 1. Леонида Гроздановска со грлото Прециоус од КК Анималс 2. Леонида Гроздановска со грлото Нур од КК Анималс 3. Силја Дуковскиа со грлото Најтингел од КК Анималс. Според натпреварувачкиот календар на Федерацијата за коњички спорт на Македонија остануваат уште два Октомвриски турнири.

Бидете дел: Во недела коњички турнир „Златна потковица“ во општината Ѓорче Петров

Дарко Андоновски — Wed, 01 May 2019 10:22:03 +0000

Здружение на фармери „Златна потковица“ организира меѓу општински коњички турнир на 5 мај 2019 година во атарот на Ново Село кај црквата св. Арангел Михаил, општина Ѓорче Петров. Од Здружението информираат дека манифестацијата ќе започне во 11 часот. Повеќе детали околу настанот можете да најдете на Фејбсук страната „Златна потковица“ ТУКА.