КОНМЕБОЛ – Kurir.mk

КОНМЕБОЛ и предложи на УЕФА да биде домаќин на натпревар помеѓу Аргентина и Италија

Ивона Петрова — Tue, 13 Jul 2021 09:27:22 +0000

Фудбалската конфедерација на Јужна Америка (КОНМЕБОЛ) ја покани Европската асоцијација (УЕФА) да одржи натпревар помеѓу репрезентациите на Аргентина и Италија. Аргентина го освои Купот на Америка пред два дена, додека Италија стана европски шампион. КОНМЕБОЛ верува дека таков натпревар ќе стане традиционален „дуел на шампионите“. Поради проблеми со календарот, исклучително е тешко да се организира ваков натпревар во 2021 година. Средбата може да се одржи во 2022 година, пишува новинарот на „TyC Sports“, Цезар Луис Мерлот.

На Копа Америка 41 заразен со Ковид-19

Ивона Петрова — Tue, 15 Jun 2021 05:46:15 +0000

Триесет и еден играч и членови на делегациите на Копа Америка се позитивни на КОВИД-19 до неделата, првиот ден на фудбалскиот турнир во Јужна Америка со 10 нации, соопшти бразилското Министерство за здравство. Други 10 случаи на инфекција се потврдени меѓу вработените кои работат во хотели каде што престојуваат играчи и делегации, изјави министерот за здравство Марсело Квеирога. Потврдата за новите случаи на инфекција доаѓа додека административното и раководното тело на јужноамериканскиот фудбал КОНМЕБОЛ (Конфедерасион судамерикана де футбол) се бранат од обвинувањата за организирање на турнирот. Бразил беше прогласен за домаќин на шампионатот со помалку од две недели известување откако беше одземено од домаќините Колумбија и Аргентина поради бранот граѓански протести и зголемениот број случаи на КОВИД-19.

Финалето на Купот на Америка ќе се игра на „Маракана“

Ивона Петрова — Thu, 03 Jun 2021 10:44:46 +0000

Последниот натпревар од Купот на Америка ќе се одржи на 10 јули на стадионот „Маракана“ во Рио де Жанеиро, соопштено е на веб-страницата на Јужноамериканската фудбалска конфедерација (КОНМЕБОЛ). Турнирот ќе се одржи во Бразил од 13 јуни до 10 јули. Воведниот натпревар ќе се одржи на стадионот „Гаринча“ во главниот град на Бразилија. Во него домаќините на турнирот ќе се сретнат со репрезентацијата на Венецуела. Првично, Купот на Америка требаше да се одржи во Колумбија и Аргентина. Колумбија беше лишена од ова право поради масовните протести во земјата, а Аргентина поради неповолната епидемиолошка состојба со коронавирус.

КОНМЕБОЛ ги одложени мартовските квалификации за СП 2022

Тале Кристо — Sat, 06 Mar 2021 21:32:49 +0000

Фудбалската конфедерација на Јужна Америка (КОНМЕБОЛ) донесе одлука за одложување на квалификациските натпревари во март 2022 година, објави прес-службата на организацијата. Тренери на голем број европски клубови изјавија дека не сакаат да ги ослободуваат своите играчи во своите репрезентации поради ограничувањата за преминување на границите низ целиот свет, предизвикани од пандемијата на коронавирус. Претходно, една од опциите беше одржувањето на натпреварите на селекциите од Јужна Америка во услови на таканаречениот „меур“ во еден од европските градови.

КОНМЕБОЛ ги откажа мартовските квалификации за СП 2022 во Катар

Бошко Тасиќ — Sat, 06 Mar 2021 20:50:41 +0000

Фудбалската федерација на Јужна Америка (КОНМЕБОЛ) одлучи да ги откаже мартовските квалификации за Светското првенство во Катар и засега не се знае кога ќе се играат тие средби. Оваа одлука е донесена откако многу европски клубови одбија да ги пуштат своите фудбалери за репрезентативните обврски, па поради неможноста селекциите да играат во своите најдобри состави, одлучено беше квалификациите да се одложат. ФИФА во соработка со КОНМЕБОЛ ќе се обиде да најде нови термини за одигрување на мартовските дуели, а можно е да има и промена во системот на квалификации. Квалификациите во Јужна Америка за пласман на Мундијалот во Катар започнаа во октомври минатата година, а по четири одиграни кола, моментно на позициите кои водат пласман на планетарниот собир се Бразил, Аргентина, Еквадор и Парагвај.

Финалето на Копа Либертадорес префрлено во Перу

Ивона Петрова — Wed, 06 Nov 2019 11:22:22 +0000

Финалето на Купот Либертадорес помеѓу Фламенго и Ривер Плејт е префрлено од главниот град на Чиле, Сантијаго, во перуанската престолнина Лима, информира прес-службата на КОНМЕБОЛ. Датумот на финалниот натпревар останува ист – 23 ноември. Оваа одлука е донесена како мерка на безбедност, бидејќи во Чиле се одржуваат големи протести веќе неколку недели. Немирите започнаа на 14 октомври откако властите ги зголемија трошоците за патување со метрото.

Позната казната од КОНМЕБОЛ за Меси, сепак е дисквалификуван

Ивона Петрова — Wed, 24 Jul 2019 06:50:21 +0000

Напаѓачот на Барселона и Аргентина, Лионел Меси, доби мала казна од Јужноамериканската фудбалска конфедерација за неговите негативни коментари за време на Копа Америка. По поразот од Бразил со 0:2 во полуфиналето, Меси ја критикуваше работата на судијата, ја обвини корупцијата во фудбалот за поразот, а подоцна не се појави на церемонијата за доделување на бронзениот медал. Од КОНМЕБОЛ се заканија со брутални санкции за Аргентинецот, но по добивањето на официјалното извинување, тие беа омекнати до парична казна од 1.500 долари и дисквалификација за еден натпревар. Претставниците на аргентинската федерација објаснија дека под „корупција“ Меси мислел на конкретни судии, а не високи функционери во организацијата.