конор мекгрегор – Kurir.mk

Конор Мекгрегор се враќа во рингот во 2024 година

Бошко Тасиќ — Sun, 17 Sep 2023 05:50:49 +0000

Контроверзниот ирски борец Конор Мекгрегор последната борба ја имаше во јули 2021 година кога ја скрши ногата против Дастие Порие, а се очекуваше во рингот да се врати до крајот на оваа година, но очигледно тоа нема да се случи. Директорот на УФЦ, Дена Вајт кажа дека Мекгрегор најрано би можел да се бори во април 2024 година, доколку месецов влезе во Американската анти-допинг програма (УСАДА). „Мекгрегор се врати во теретана и тренира. Сакам да го видам во рингот следната година. Човек се менува кога има многу пари, а некои борци се борат помалку кога имаат богатство. Еден од нив е Конор“, вели Вајт.

Првиот човек на УФЦ го прозва Конор Мекгрегор: „Тешко е да се биде борец кога си по цел ден на јахта“

Ристе Здравков — Fri, 15 Sep 2023 12:12:39 +0000

По тешката повреда на ногата која ја доживеа Конор Мекгрегор во мечот против Дастин Порие во јули 2021 година, тој не влезе во рингот. Како еден од најголемите „магнети“ за пари, тоа не го воодушевило првиот човек на УФЦ, Дана Вајт, кој не е задоволен од моменталната состојба. „Штом ќе заработите одредена сума на пари, не можете да останете личноста којашто сте биле на почетокот, да бидете гладни, да работите напорно и да бидете посветени на спортот - или на било која вештина со која се занимавате - парите менуваат сè и Конор Мекгрегор заработи таква сума на пари“, изјавил Вајт. „Гладта и мотивацијата не се исти. Сè за кое Конор некогаш сонувал и она за кое никогаш не можел ни да сонува, сега го име. Тешко да се биде на јахта по цел ден и потоа да се каже: 'Ох, морам да се вратам во теретана и повторно да почнам да се борам'“. Мекгрегор во 2021 година заработи околу 180 милиони долари и од тој момент започна да живее целосно поинаков живот. Ирецот честопати беше забележуван во јавноста во алкохолизирана состојба, во друштво на непознати жени како и на разни приватни забави. Засега не делува дека наскоро ќе го гледаме во октагонот.

Конор Мекгрегор го нападна Волкановски, Македонецот веднаш возврати

Ристе Здравков — Mon, 11 Sep 2023 09:36:15 +0000

Конор Мекгрегор продолжи со провокациите кон австралискиот борец со македонско потекло, Александар Волкановски. За време на УФЦ 293 настанот Мекгрегор даде свој коментар за борбите, а притоа го навреди Волкановски. Австралиецот веднаш одговори и го предизвика Мекгрегор на борба на следниот настан на УФЦ.

Let’s do it at #UFC300 @TheNotoriousMMA https://t.co/KNzXUAd6gT
— Alex Volkanovski (@alexvolkanovski) September 10, 2023

Конор Мекрегор се враќа во УФЦ, познато со кои тројца ривали ќе се борат против него

Бошко Тасиќ — Tue, 15 Aug 2023 04:20:25 +0000

Еден од најпопуларните борци во историјата на ултимејт фајтот, Ирецот Конор Мекрегор, потврди дека ќе се реактивира. Конор, кој се нема борено од 2021 година, во декември годинава ќе се бори со Мајкл Чендлер, а во текот на следната 2024 година има закажано борби против Џастин Гејтџи и Нејт Диаз, со кого ќе комплетира трилогија. Пред да добие дозвола да се бори во октагонот, 34-годишниот мора да помине шест месеци во САД на антидопинг тестови и мора да има два негативни теста.

ВИДЕО: Конор Мекгрегор прегазен од автомобил додека возел велосипед

Ивона Петрова — Fri, 27 Jan 2023 16:52:28 +0000

Ирскиот ММА борец Конор Мекгрегор бил удрен од автомобил додека возел велосипед. Тој објави видео на Инстаграм по несреќата велејќи дека „можел да биде мртов“, додека човекот кој го прегазил му се извинува велејќи му на Мекгрегор дека му е жал. Тој му одговара дека „се е во ред“ додека човекот го враќа дома по судирот. -Ме удри автомобил одзади. Блокада со сонце, возачот не можеше да ме види. Со полна брзина помина низ мене. Фала ти Боже, не беше мое време, вели Мекгрегор кој се чувствува добро.

View this post on Instagram

A post shared by Conor McGregor Official (@thenotoriousmma)

Конор Мекгрегор се враќа во октагонот

Бошко Тасиќ — Wed, 25 Jan 2023 07:30:30 +0000

Ирскиот ММА борец Конор Мекгрегор е подготвен да се врати во УФЦ УФЦ подготвува неколку спектакуларни настани за 2023 година, а тоа го вклучува и враќањето на Џон Џонс во борбата против Сирил Гана во март. Сепак, Конор Мекгрегор е најголемата ѕвезда на УФЦ и неговото враќање во 2023 година привлекува големо внимание, како што потврди и тренерот Џон Кавано. Кавано беше гостин во подкастот на Ариел Хелвани и откри дека Конор Мекгрегор се враќа. „Би се обложил во сè што имам дека Конор ќе се врати наскоро. Мислам дека во моментов се водат многу интересни преговори и не ми е дозволено да кажам ништо друго освен тоа, но прилично сум сигурен дека Конор ќе се врати наскоро во октагонот“, објасни ирскиот тренер.

МекГрегор потврди дека сака да го купи Ливерпул

Ристе Здравков — Wed, 09 Nov 2022 11:59:32 +0000

УФЦ ѕвездата Конор МекГрегор преку објава на социјалните мрежи потврди дека има интерес да го купи Ливерпул само неколкку дена откако газдите од Fenway Sports Group објавија дека го продаваат славниот клуб. Ирецот нема влезено во октагонот од тешкиот пораз од Дастин Поире во јули 2021 година и се чини дека веројатно тој пораз е причината зошто се интересира за други бизниси. Со веста дека FSG сака да го продаде премиерлигашот, поранешниот УФЦ првак во лесна и прелесна категорија беше запрашан дали тој би можел да биде човекот кој ќе го преземе водството на „Енфилд“, а се чини дека Ирецот е заинтересиран за такво нешто. На прашање од еден фан дали би бил заинтересиран за купување на клубот од Мерсисајд, Конор напиша: „Многу би сакал! Побарав инфгормации за тоа, да. Веднаш штом слушнав. Каков развој на настаните! Каков клуб!“, твитна тој.

I WOULD LOVE IT! I requested my information on this, yes. Soon as I heard. What a turn of events! What a club! @LFC https://t.co/HD0ELlhKOH
— Conor McGregor (@TheNotoriousMMA) November 8, 2022

УФЦ легендата е само уште едно име на долгиот список на потенцијални купци кои се појавија откако излезе веста дека FSG бара нови сопственици. Првично фаворит беше најбогатиот Британец, Сер Џим Ратклиф, но тој објави дека не е заинтересиран за купување на Ливерпул и наместо тоа парите сака да ги вложи во француска Ница.

Конор Мекгрегор ја избричи брадата и го „вжешти“ Инстаграм

Ристе Здравков — Tue, 01 Nov 2022 12:24:54 +0000

ММА борецот Конор Мекгрегор се појави на Инстаграм во непрепознатливо издание. Ирецот за Ноќта на вештерките одлучи да се облече во пилотски костум, а може да се забележи дека ја избричил брадата што е еден од неговите заштитни знаци. „Небото е граница. Летајте со мене“, напиша Конор на својот Инстаграм. Тој истакна дека се преправил во Френк Абингејл, измамникот кој беше тема на филмот „Фати ме ако можеш“.

View this post on Instagram

A post shared by Conor McGregor Official (@thenotoriousmma)

Конор уапсен во Даблин, привремено му е конфискувано Бентлито!

Ристе Здравков — Thu, 24 Mar 2022 07:14:01 +0000

УФЦ мегаѕвездата Конор Мекгрегор очигледно не може да престане сам да си прави непотребни проблеми, откако во Даблин бил уапсен поради опасно возење, а неговото Бентли од 170.000 евра му е привремено запленето. 33-годишниот Ирец бил сопрен во западен Даблин вчера навечер со своето Бентли Континентал ГТ, по што ирската гарда (полиција) го уапсила поради опасно возење, и бил однесен во полициската станица во Лукан, од каде што подоцна бил пуштен на слобода со кауција. Казната за „опасно возење“ според ирските закони е до 5.000 евра, а постои и опција за затворска казна до шест месеци. Тој веќе во 2017 година се појави пред истиот суд, каде што му беше изречена казна од 400 евра за пребрзо возење. Во 2019 година, пак, тој доби казна од 1.000 евра откако се изјасни како виновен за напад по удирањето на еден старец во неговиот паб поради тоа што тој не сакал да го проба неговото виски. На тоа судење се откри дека тој има 18 претходни пресуди, од кои 16 за сообраќајни прекршоци, но и еден за напад и еден за нарушување на јавниот мир.

Мекгрегор сака да го купи Челзи?!

Ристе Здравков — Thu, 03 Mar 2022 08:22:59 +0000

Ирскиот борец Конор Мекгрегор повторно се најде во центарот на вниманието после негова објава на друштвените мрежи. Мекгрегор дојде во центарот на вниманието откако се вклучи игра за купување на Челзи. Имено, рускиот милијардер Роман Абрамович објави дека го продава клубот после скоро 20 години. Јасно е дека Абрамович ќе бара многу пари затоа што од Челзи направи фантастичен клуб. „Сините“ пред доаѓањето на Абрамович беа просечен англиски клуб, а од кога тој дојде станаа и еден од најдобрите клубови во Европа. Ирецот објави на Твитер порака на Ватсап која му ја испратил на еден од своите соработници – одиме да го купиме! Гласи кратката порака на Конор.

I wish to explore this. @ChelseaFC pic.twitter.com/ABEjjCqhD7
— Conor McGregor (@TheNotoriousMMA) March 2, 2022

Ќе потсетиме Мекгрегор минатата година привлече внимание кога објави дека размислува да го купи Манчестер Јунајтед.

Hey guys, I’m thinking about buying Manchester United!
What do you think?
— Conor McGregor (@TheNotoriousMMA) April 20, 2021