Конор Мекрегор – Kurir.mk

Конор Мекгрегор: Оној Волкановски е Полјак? Одговорот кој го доби го замолче Ирецот (ФОТО)

Ристе Здравков — Sun, 09 Jul 2023 10:09:40 +0000

Борецот Александар Волкановски кој настапува под австралиско знаме, има македонско потекло (татко му е од Македонија), рано утрово во Лас Вегас потврди дека е број 1 во моментов во перолесна категорија, а после неговиот триумф над Јаир Родригес, се јави и легендата Конор Мекгрегор кој е познат како провокатор и остар на јазик. Мекгрегор не го сака многу Волкановски, и во минатото го има потценувано и навредувано, а утрово Ирецот се јави преку Твитер со прашање: „Она момче Волконовски е Полјак?“ Не само што не му го погоди точно презимето, туку ја утна и земјата на потеклото. Има луѓе кои знаат зошто Александар има словенско презиме и го подучија Конор дека не е Полјак туку Македонец.

МекГрегор ќе се соочи против Пакиао следната година

Магдалена Андонова — Sat, 26 Sep 2020 08:57:23 +0000

Големата ѕвезда на мешани воени вештини Конор МекГрегор може следната годинада се соочи со еден од најсилните боксери во својата категорија во последните неколку децении – Мани Пакиао. Двајцата борци разговарале за организирање на сличен судир. – Во име на сите филипински жртви на КОВИД-19, сенаторот Мани Пакиао следната година ќе се бори против суперѕвездата на УФЦ, Конор МекГрегор, рече помошникот на Пакиао, Џејк Џосон, кој додаде дека двете страни разговараат. Триесет и две-годишниот МекГрегор исто така потврди дека е близу до натпревар со Филипинецот. – Ќе боксувам со Пакиао на Блискиот исток. За мене ќе биде вистинска чест да се соочам со двајца од најголемите боксери во модерната ера, рече Ирецот на социјалните мрежи. Во 2017 година, МекГрегор се соочи со боксерскиот ринг против легендата Флојд Мејведер и загуби, како што се очекуваше, но и двајцата заработија огромни приходи од шоуто во Лас Вегас. – Нашите адвокати ги финализираат деталите за договорот, но и двајцата борци се подготвуваат за епски последен натпревар во боксот, додаде Џонсон. Четириесет и едно-годишниот Пакиао последен пат боксуваше во јули минатата година кога го победи Кит Турман во Лас Вегас, додека на почетокот на оваа година, 32-годишниот МекГрегор го запре Доналд Сероне на УФЦ 246 и наскоро објави дека ја завршува својата борбена кариера. (МИА)

Нурмагомедов бара 100.000.000 долари за реванш со Мекгрегор

Дарко Андоновски — Thu, 23 Jan 2020 19:13:19 +0000

Се помалку сигурно е дека ќе гледаме реприза на „борбата на векот“ во УФЦ помеѓу Хабиб Нурмагомедов и Конор Мекгрегор. Дагестанецот го совлада Ирецот во 2018 година во најгледаниот ММА настан во историјата (2.400.000 платени гледања), а првиот човек на УФЦ, Дана Вајт, одамна најавува реванш. Сепак, тој во моментов се соочува со нешто поголема пречка од 100.000.000 американски долари. Имено, таткото на Нурмагомедов, Абдулманап, кој истовремено е и тренер на дагестанскиот борец, бара неговиот син да биде платен толку многу за да учествува во тепачката. – Се чини дека кажуваат најмногу за моите зборови и за 100-те милиони американски долари, но добро, нека зборуваат. Повторувам, нема борба без тоа, рече таткото на Нурмагомед. Хабиб во моментов се подготвува да се бори против Тони Фергусон во април, против кого ќе го брани шампионскиот ремен во лесна категорија по трет пат. „Парите не се важни за мене, туку спортската страна, и бидејќи е така, тогаш треба да зборуваме за борбата помеѓу Тони и Хабиб. Во овој спорт, се само зборува само за пари и бројки, многу помалку за борбите. Што повеќе можам да кажам од тоа дека тие сакаат натпреварите да им се исплатат?“, прашува Абдулманап. Хабиб славеше против Конор во октомври 2018 година, решавајќи ја борбата во своја полза со гушење во четвртата рунда. Борбата имаше контроверзно „продолжување“. Мекгрегор неодамна ја имаше својата прва борба од овој натпревар, во која успешно се врати во октагонот. Нурмагомедов има 28 победи во кариерата во исто толку натпревари. Се шпекулира дека по оваа борба, 31-годишниот борец би можел да стави крај на неговата ММА кариера.

„Кралот“ се врати: Конор Мекгрегор со спектакуларен нокаут влезе во – историјата (ВИДЕО)

Ивана Ефремовски — Sun, 19 Jan 2020 07:58:14 +0000

Еден од најдобрите борци во Ултимејт-фајт серијата (УФЦ), Конор Мекрегор, рано утринава по македонско време имаше спектакуларно враќање во рингот и тоа со нокаут по само 40 секунди борба во пресметката со Доналд „Каубој“ Серон. Ова беше прв меч за контроверзниот Ирец по тешкиот пораз од Хабиб Нурмагомедов пред 15 месеци, што кај него донесе желба за крв што најдобро се виде со фактот што само по неколку секунди му го скрши носот на противникот, односно при првото влегување во клинч. Со овој триумф, Мекгрегор влезе во историјата на УФЦ, како прв борец кој победил со нокаут во три различни тежински категории. Овој триумф на Ирецот му ги отвора вратите и долго посакуваниот реванш со Нурмагомедов, борба која со нетрпение ја очекува целиот свет.

Conor McGregor combusts Donald "Cowboy" Cerrone in 40 seconds proper. Setting aside my thoughts on the man, the "Notorious" one is a damn thrilling fighter. pic.twitter.com/IIdIljGdhz
— Kyle Johnson (@VonPreux) January 19, 2020

Извор: Спорт 1