констракта – Kurir.mk

За наградата „Милан Младеновиќ“ и Констракта ја бара наследничката на Дина Јашари

Ивана Ефремовски — Tue, 02 May 2023 06:59:29 +0000

Задужбина на Милан Младеновиќ објави дека на 1 мај е отворен конкурсот за најдобра песна на територијата на поранешна Југославија, за наградата која го носи името Милан Младеновиќ - легендарниот водач на белградската група „Екатарина Велика“. Конкурсот (по правилото: еден автор - една песна) е отворен до 31 мај 2023-та година. Задужбината им препорачува на кандидатите да обрнат посебно внимание и на текстот и на музиката. „Лично, многу внимавам на текстот и на темата што е избрана и на начинот на кој тој текст е поткрепен со музика: што е аранжман, што е драматично, што е продукција, што е жанр“, вели Ана Ѓуриќ Констракта, една од членовите на стручното жири. Секоја година жирито е регионално. Оваа петта година, освен Констракта, членуваат и авторката и уредничка на емисијата „Бунт“ Бранка Главоњиќ (Србија), музичарот Борис Лејнер (Хрватска), музичарот Зоран Предин (Словенија) и писателот и музичар Марко Шелиќ Марчело (Србија). Сите тие се вклучени во потрага по наследничка на македонската пејачка Дина Јашари, која престижната награда ја доби лани, за песната „Дома“. Повеќе инфо околу конкурсот и наградата ќе ги најдете на официјалната интернет страница на Задужбина на Милан Младеновиќ. Милан Младеновиќ секако е една од најзначајните фигури на регионалниот рокенрол, бидејќи успешно го пренесе книжевниот модел на романтичен поет, загрижен за судбината на светот, всадувајќи го длабоко во домашната рок иконографија. Групата Екатерина Велика, така судбински стана дел од општата уметничка бохемија на 20 век, тоа верување во проклетството на уметниците, кое на свој начин уби доволно сликари и поети пред нив, дури и на нашите простори. И тоа е целата вистина за нив, надвор од музиката... Од друга страна, останува само музиката, бидејќи сето тоа немаше да функционира доколку Милан не пееше толку опасно и не свиреше на гитара толку добро; ако Маги не беше толку смела на клавијатурите и добар аранжер од сенка; доколку Бојан не ги свирел тие мелодии на бас; доколку не секогаш имале одлични тапанари... Од денешна перспектива, јасно е - во сето тоа совршено свирење на целиот бенд, во неверојатната страст за пеење на Милан, се криеше сериозна намера: Екатерина Велика беше сон за поинаква мејнстрим култура во Југославија, пред сè поцивилизирана. Нивната музика е сведоштво дека беше можно...

„Креветот ненаместен 5 дена, насекаде книги и чорапи“: Констракта раскажа каков е животот со деца тинејџери

Ивана Ефремовски — Mon, 27 Feb 2023 08:17:23 +0000

Минатогодишната претставничка на Србија на Евровизија во Торино, Констракта, е во брак со Милан Ѓуриќ и е мајка на две деца. Таа сега проговори за родителството во емотивна исповед. -Моите деца сега влегуваат во пубертет. Времето ќе покаже што направив со мојот пристап. Секогаш ги гледам и ги третирам со почит, ги почитувам сите нивни потреби. Кога станува збор за поставување на граници, таму сум многу слабa. Секогаш одам на тоа дека се способни да разберат кога ќе седнеш со нив и ќе им објасниш зошто нешто е во ред, а нешто не, вели Ана и додава: -Креветот останува ненаместен пет дена, насекаде има книги, чорапи, фармерки. Верувам дека не сме единствените во таква ситуација со тинејџерите. Тешко е да се прошета кучето, а на крајот јас го шетам. Немам постигнато ништо таму, но претпоставувам дека имам уште малку време да ги натерам да преземат одредена одговорност кон својата околина, рече таа.

На плажа дојде без костим за капење – луѓето гледаа во неверување во Констракта што прави среде бел (ФОТО)

Дарко Андоновски — Thu, 29 Sep 2022 09:18:21 +0000

Иако со месеци беше под будното око на јавноста поради учеството на Евровизија, пејачката Ана Ѓуриќ, позната по уметничкото име Констракта значително се повлече по завршувањето на овој фестивал. Да потсетиме, Ана по Евровизија даде само неколку интервјуа, нагласувајќи дека едвај чека да се врати на своето многу помирно секојдневие. Токму еден момент од тоа, таа самата сподели на социјалните мрежи, што предизвика лавина од воодушевени реакции, и поради тоа што ретко објавува фотографии, и затоа што уште еднаш покажа колку е единствена. Имено, Ѓуриќ на Инстаграм објави фотографија од плажа, но за разлика од повеќето нејзини колешки, таа не позираше во предизвикувачки костим за капење, туку напротив, беше облечена во црно од глава до пети, додека две девојчиња лежеа покрај неа во бикини. .

Настап на Констракта за почеток на „Звукот на Скопје“ на 16 и 17 септември во Скопје

Катерина Бојаџиева — Wed, 07 Sep 2022 11:53:20 +0000

На 16 и 17 септември на повеќе локации во Скопје ќе се одржи најновото издание на фестивалот „Звукот на Скопје“, кое во петок (16 септември) на платото пред Филхармонија го организира концертот на Констракта и земља грува. Следуваат настапите на Дина Јашари и бендот „Хајка“, низ чаршијата ќе бидат бендот „Вива стрингс“ и германскиот бенд „Дијаз војтас дуо“ ( Diaz Wojtas Duo), а во галериите на КИЦ ќе може да се погледне изложбата „Македонија“ (MASEDONIA) од бразилските уметници Даниел Kастинет ( Daniel Chastinet) и Вилсон Нето (Wilson Neto). На Плоштадот „Мајка Тереза“, на платото пред зградата на Филхармонија, паркот Ибни Пајко и неколку локации во чаршијата и следниот ден ќе бидат локациите на кои ќе се одржат музички настапи, изложби, театарски претстави, поетски читања. -„Љубојна“, Тони Китановски и Черкези, „Бла, бла, бла“, „Foolish Green“, „Брука бенд“ ќе настапат на плоштадот „Мајка Тереза“ ( пред Филхармонија), а во паркот Ибни Пајко ќе се претстават бендовите „Баклава“, Дориан и Добрила, „Перија“. Во рамките на таа сцена ќе се одржи и поетско читање, ќе биде изведена и детската претстава „Куферко, светскиот патник од Македонија“, а публиката ќе има можност да ја погледне и изложбата на колажи на Игор Калц, истакна Антонио Димитров, директор на КИЦ, кој го најави најновото издание на Фестивалот. „Звуците на чаршијата“ е фестивал кој се реализира 16 години наназад и чија функција беше заживување на чаршијата како културна локација. Сметаме дека фестивалот по 16 години како да ја исполни својата улога и чаршијата денеска е едно живо културно и туристичко јадро и сега малку по малку ќе се префлриме на некои други локации во градот кои би ги заживеале во културен контекст. На првата вечер на плоштадот „Мајка Тереза“ ќе се развива еко-концептот заедно со компанијата „Пако-мак“. -Убаво е чувството кога две традиции ќе се спојат во една, „Звуците на чаршијата“, сега „Звукот на Скопје“, се одржува веќе 16 години, а нашиот концерт „Sound of green“ се реализира по десетти пат годинава и одлучивме заедно и партнерски да работиме со КИЦ. Идејата е да има добра забава, но и едукација на младите за екологија и за селекција на отпад. Влезницата за тој концерт ќе биде едно пластично шише или една лименка. Бендовите, добрата музика и забавата ветуваат дека ќе привлечеме публика и да испратиме еколошка порака од целиот фестивал, рече Ико Брдароски од „Пако-мак“. За Вера Милошевска од „Љубојна“ ова е прекрасен настан бидејќи тие како бенд биле дел од првите издание на „Звуците на чаршијата“, сега „Звукот на Скопје“. -Чаршијата има пошироко значење и ми се допаѓа дека чаршија всушност не е белег за локација, туку е белег на тоа каде е собиралиштето на луѓето, а „Љубојна“ е секогаш тука да ги обедини луѓето, епохите, времињата, стиловите, жанровите, рече Вера поканувајќи ја публиката. На прес конференцијата присуствуваа и членовите на бендот „Хајка“ Скопје кои повикаа на дружење и забава следниот викенд.

Констракта за Бекстејџ: Среќна сум што ја сплотив Југославија (Видео)

Катерина Бојаџиева — Fri, 08 Jul 2022 06:17:50 +0000

Ана Ѓуриќ, попозната под уметничкото име Констракта, е членка на бендот “Земља Грува” од нивното основање. Регионалната слава ја стекна, речиси преку ноќ, победувајќи на Евровизија, што ја направи српска претставничка на фестивалот Евросонг во Торино (Италија) 2022 година со песната “In corpore sano”. Се занимава со музика 20 години и влече корени во бендот “Mistake Mistake” со кој настапувала до 2007 година. Истата година, членовите на бендот “Mistake Mistake”, Зои Кида, МЦ Милован и Констракта го формираат бендот “Земља Грува”, Грувленд Публишинг и Грувленд продукција студио, кое станува столбот на сите понатамошни проекти на овој колектив. Бендот “Земља Грува” досега има издадено два ЛП албума (“WTF is Gruvlend?” – 2010 годинa и “Шта стварно желиш“ – 2016 година), ЕП издание посветено на Дино Дворник и неколку синглови, на кои песните на Констракта постигнаа голем успех. Од најголемите хитови на бендот, со кои таа ја обиколи цела поранешна Југославија, се издвојуваат песните „Нисам знала да сам ово хтела“, „Џанго“, „Плодни дани“, „Једном је сада“, „Туга“, , „Мама“… Таа започна да објавува соло песни под етикетата Грувленд во 2019 година и веднаш го привлече вниманието на публиката со жанровските иновации во песните „Жваке“ и „Неам шамана“. „Триптих“, концептуален спој на три различни композиции, е прв на трендинг листите со недели, ја освои официјалниата хрватска билборд листа и стана вирален хит со над милион прегледи на YouTube. Покрај “In corpore sano”, „Триптих“ се состои од уште две песни – „Мекано“ и „Нобл“. Летово ќе настапува на речиси сите фестивали во регионот заедно со бендот “Земја Грува”, со која ќе ги известува и своите соло проекти и најголемите хитови на овој бенд. Пред својот настап на Д-фест ексклузивно зборуваше за естрадниот магазин “Бекстејџ”, прво телевизиско интервју на најпопуларната уметница во моментов, во продолжение погледнете го интервјуто:

КОНСТРАКТА ИМА ДВОЈНИЧКА: За неверојатната сличност зборува цел Балкан (ФОТО)

Катерина Бојаџиева — Thu, 26 May 2022 11:24:36 +0000

Популарноста што ја стекна Констракта, доведе и до откривање на нејзината двојничка, која по потекло е од Словенија и има многу слични карактеристики како овогодинешната претставничка на Србија на Евровизија. Станува збор за Јерца Леган Цвикл, сестрана јавна личност во Словенија. Јерци освен што е антрополог и доктор на науки, се занимава и со новинарство и публицистика, пренесува порталот „женскикутак.рс“ На Балканот веќе на големо се зборува за нејзината сличност со Констракта, а и самата го забележала тоа. Во една од објавите на својот Инстаграм профил таа напиша: „Констракта, можеби сме во роднинска врска“. Тие две имаат бенка на иста страна од лицето, што е сосема неверојатно, но имаат и ист ексцентричен и авангарден стил на облекување.

Не пејачка или уметник, еве што сака да биде Констракта по големиот успех на Евровизија

Ивана Ефремовски — Wed, 18 May 2022 13:32:13 +0000

Пред да замине за Торино, Констракта се претставуваше како домаќинка и претседател на Куќниот совет, а сега ја прашаа, по големиот успех на „Евровизија“, која е “уметничка“ по ред на листата нејзини “професии“. -Во суштина и кога велам уметник има некое отстапување, всушност јас не сум член на ниту едно здружение, јас сум самопрогласен уметник, има некој сарказам во тоа. Не знам што сум во моментов. Сакам да бидам домаќинка, рече таа и откри дали имала некои очекувања од престижното натпреварување. -Во Торино немав очекувања, никогаш не си го приредувам тоа на себе. Она што го сакав и мислев дека е добро да се пласираме во финале и ми се чини дека тука имаше мало обединување, не само во Србија. Кога стигнавме до финалето, не ми беше грижа, рече таа.

Вака изгледа сопругот на Констракта, српската преставничка на Евровизија (ФОТО)

Ристе Здравков — Sun, 15 May 2022 21:48:55 +0000

Ана Ѓуриќ Констракта е победничка на „Песната за избор на Евровизија“ и со „In corpora sano“ ќе ја претставува Србија на Евровизија. Таа е победничка по гласовите на жирито и на публиката. Таа за „Glossy.rs“ откри дека не се оптеретува со бројот на прегледи, но по првата полуфинална вечер заврши на прво место во трендинг. Иако на сцената е подолго време, дури сега успеа да го привлече вниманието на јавноста. Пејачката завршила архитектура и мајка на две деца. Ана од 2009 година е во брак со Милан Ѓуриќ. Како што пишува на социјалните мрежи, тој исто така е архитект.

Ја засени и Констракта – еве што и пишуваше на раката на придружбата на пејачката на сцената, оваа порака ја виде цела Европа (ФОТО)

Дарко Андоновски — Fri, 13 May 2022 13:51:01 +0000

Никогаш понапната не била атмосферата од вчерашното полуфинале на Евровизија каде се чекаше дали соседна Србија ќе влезе во финале, откако јасно беше дека Македонија е последна на сите обложувалници во Европа. По прочитувањето на земјата, Констракта се фати за глава, а девојка која е член од нејзината екипа имаше посебна порака испишана на својата рака. Станува збор за водителката и актерка Кристина Раденковиќ на чија рака било испишано имено „Никола Т ❤Р “. Имено оваа порака е емотивна и посветена на нејзиниот партнер Никола, додека Т и Р се за ќерката Тара и за синот Рогона.

ОВА МИРИСА НА САБОТАЖА – еве како јутјуб ја преведуваше песната на Констракта додека пееше во живо, Србија на нозе по оваа неправда! (ВИДЕО)

Дарко Андоновски — Fri, 13 May 2022 11:27:05 +0000

Во синоќешното емитување на второто полуфинале на Евровизија на јутјуб, се случија низа грешки кога е во прашање преводот на српската песна „In corpore sano“ на англиски јазик. Имено, оние кои кои на јутјуб ја вклучиле опцијата за преводи на српски јазик, можеле да забележат огромни грешки во преводот од српски на англиски јазик. Латинскиот некако помина. Меѓутоа, со српскиот очигледно беше малку потешко. Поднасловот на рефренот се појави како: „ Artists must be healthy“, но се останато беше доста дискутабилно. Веќе почетокот, познатото: „Koja li je tajna zdrave kose Megan Markl, koja li je tajna?“ беше преведен како: „ Plenty of time” проследено со бесмислени реченици како: „Time with on your ear“, „ I’m gonna cost even more time“ и слично. Социјалните мрежи веднаш се разгореа поради овој голем пропуст, особено ако се земе предвид дека голем број луѓе ја следеа евровизија токму преку јутјуб. „ова мириса на саботажа“, „нечуено, каква грешка“, „нормални ли се, каков превод е ова?“… се само дел од пораките под официјалното видео од второто полуфинале на овој сајт. Во меѓувреме, опцијата за титл е оневозможена на преносот во живо, па сега може да се види само официјалниот превод, кој можеше да се види и во преносот во живо на телевизија.