конте – Kurir.mk

Ренци: Конте не може да обезбеди мнозинство во Парламентот

Тале Кристо — Fri, 15 Jan 2021 11:33:09 +0000

Поранешниот италијански премиер Матео Ренци денеска изјави дека премиерот Џузепе Конте верува оти нема доволно поддршка од пратениците и оти ќе се изгласа недоверба на Владата. – Не верувам дека Конте го има потребниот број пратеници за победа на гласањето, посочи Ренци. Тој пред два дена предизвика нова политичка криза во Италија откако ги повлече министрите од Владата од неговата партија Италија вива незадоволен како Владата се справува со пандемијата со Ковид-19 и економијата. Со повлекувањето на министрите, владејачката коалиција остана без потребното мнозинство во Парламентот. На 18 јануари ќе се гласа доверба на Владата во Долниот дом на италијанскиот Парламент, а еден ден подоцна ќе се гласа во Горниот дом (Сенатот). За Kонте да остане на премиерската функција треба околу 25 опозициски пратеници во Долниот дом и околу 18 од Сенатот да му дадат поддршка. Ако Конте не ги добие потребните гласови, италијанскиот претседател Серџо Матарела ќе го распушти Парламентот и ќе распише вонредни избори.

Анкета: Италијаните ја поддржуват владата на премиерот Конте

Магдалена Андонова — Sun, 10 Jan 2021 10:34:45 +0000

Речиси 80 проценти од анкетираните Италијанци, без оглед на партиската припадност, сметаат дека „сега не е време за политичка криза“, пишува весникот „Ил Фато Котодиано“, којги објавува резултатите од последното истражување на јавното мислење во Италија. Весникот пишува и дека анкетата покажува пад на бројот на приврзаници на поранешниот премиер Матео Ренци, а процентот на оние кои го поддржуваат сегашниот премиер Џузепе Конте, 38 проценти, е стабилен. Исто така, весникот потсетува дека во екот на пандемијата во март и април минатата година, премиерот Конте имаше поддршка од 49 проценти од анкетираните Италијанци, и дека тој, врз основа на анкети на јавното мислење, беше прогласен за најпопуларен премиер во последните 20 години. (МИА)

Конте: Резултат 0:2 би убил некого, но Интер има карактер

Тале Кристо — Sun, 22 Nov 2020 20:59:24 +0000

Шефот на стручниот штаб на Интер, Антонио Конте, даде свое видување на натпреварот од 8. коло во Серија А против Торино. До 64-та минута „нероазурите“ губеа со резултат 0:2, а потоа постигнаа четири гола за само дваесетина минути. – Уште еднаш покажавме дека имаме нешто важно во смисла на карактер, бидејќи резултатот 0:2 би убил некого, но ние имаме карактер. Не ни беше лесно. Среќен сум затоа што направивме кам-бек, но разбирам дека треба да работиме, да го подигнеме нивото на будност и спортски гнев. Во споредба со крајот на минатата сезона, изгубивме многу. Ако не инвестирате на лично ниво, ситуацијата станува посложена. Лукаку рече дека не сме врвен клуб? Драго ми е што тој ја оцени ситуацијата на следниов начин. И јас зборувам за работи што мора да се решат за да бидеме на високо ниво, истакна Конте. Интер по 8. коло има 15 бода и се наоѓа на 6. место.

Конте пред дербито со Милан: Важните натпревари се бесконечни од сега до крајот на сезоната

Тале Кристо — Fri, 16 Oct 2020 15:37:15 +0000

Тренерот на Интер, Антонио Конте е категоричен дека утрешното дерби со Милан е само првиот од многуте важни натпревари на тимот, кои ќе ги има до крајот на сезоната. Тој исто така го истакна зафатениот распоред на „нероазурите“ во наредните месеци и повика на повторно обединување за време на пандемијата, што утре ќе остави аут шестмина негови играчи – Се обидуваме да се претставиме добро на сите натпревари. Секоја победа вреди по три бода. Дербито носи повеќе потешкотии. Пред нас е силен Милан, на кој му оди добро после последните месеци од минатата сезона. Ова е уште еден силен тим како Лацио, но ние сакаме да го продолжиме патот. Ние сме само на почетокот. Важните натпревари се бесконечни од сега до крајот на сезоната. Јас секогаш очекувам раст, особено во однос на одговорноста. Важен аспект е да се направи нов чекор. Ако можам да изберам, би претпочитал уште еден ден на подготовка. Знаеме дека мора да ги почитуваме и меѓународните календари и ќе се прилагодиме, изјави Конте. Тој вели дека тимот ќе даде се од себе, без да бара премногу од играчите кои само што се вратија. – Алексис Санчез има замор во мускулите. Денес ќе направиме проценка за време на тренингот и ќе бидеме внимателни, бидејќи ќе одиграме седум натпревари за три недели. Ако тој е достапен, тоа ќе биде затоа што тој ни даде гаранции со преземање одговорност. Инаку, претпочитам да го чекам следниот натпревар, но не исклучувам ништо. Сите ние мора да соработуваме и да бидеме проактивни во прифаќањето на моменталната состојба со коронавирусот. Спортот воопшто и државата го прифаќаат. Ни треба трпеливост и подготвеност, поминавме многу тежок период. Многу ми беше жал што брзо го заборавивме. Се чини дека доаѓа нова комплексна фаза, затоа ни треба обединување за да се соочиме со тоа на најдобар можен начин и да одиме напред. Да се запре би било погубно. Нема смисла да се жалиме на отсутни луѓе или кој е најпогоден, вели Италијанецот. Додаде дека има помалку проблеми во споредба со другите периоди во однос на опциите со кои располага. – Утре ќе биде првиот натпревар од седум во рок од три или четири дена. Размислуваме и за Лигата на шампионите, затоа ќе бидат потребни ротации. Јас сум мирен, можеби утре ќе започнеме со тројца играчи од средниот ред, а во среда со други, а потоа и во сабота. Секој ќе учествува, јас работам добро со секого, сè додека има достапност, што ќе биде клучно оваа сезона. Важно е да излезете на терен и да имате влијание веднаш. Не знам дали Кристијан Ериксен игра многу или малку. За мене, тој игра доволно додека ја почитува екипата. Можам да направам грешки, но задоволен сум од тоа како Кристијан придонесува за тимот. Мислам дека и тој е задоволен. Ќе има место и за него, како и за сите други. Ќе биде долга и исцрпувачка сезона, рече Конте на својата прес-конференција пред натпреварот.

Конте: Шахтјор е еден од најсилните противници на Интер во ЛЕ, но ние сакаме да играме во финалето

Тале Кристо — Sun, 16 Aug 2020 18:44:49 +0000

Тренерот на Интер, Антонио Конте, ги искажа своите очекувања за полуфиналниот натпревар од Лигата на Европа со Шахтјор. Ние мора да го почитуваме Шахтјор. Играме со тим кој се покажа добро во последните неколку години и е добро подготвен. Тие се најсилниот тим со кој ќе се сретнеме оваа сезона бво Лига Европа. Но, имаме намера да покажеме дека не случајно стигнавме до полуфиналето и сакаме да одиме во финале, изјави Конте. Натпреварот ќе се одржи утре, 17 август во Дизледорф со почеток во 21 часот. Во првото полуфинале, вечерва Манчестер јунајтед се среќава со Севиља.

Конте сака да го привлече Канте во Интер

Тале Кристо — Sat, 15 Aug 2020 13:17:18 +0000

Интер го дефинираше играчот од средниот ред на Челси, Н’Голо Канте како главна трансфер цел за летото, објави денес „Газета дело спорт“. „Сините“ се подготвени да ги разгледаат предлозите за 29-годишниот Французин, тврди италијанското издание, иако тој беше дел од плановите на Френк Лампард во неговата прва сезона на „Стемфорд Бриџ“. Тренерот на Интер, Антонио Конте инсистира на привлекување на Канте, кој беше составен дел на италијанскиот стручњак во Челси, кога тимот од Лондон триумфираше со титулата во Премиер лигата. Во сезоната 2019/20, играчот од средниот ред одигра 28 натпревари за англискиот тим и постигна 3 гола. Порталот Transfermarkt.com ја проценува вредноста на играчот на 80 милиони евра.

Макрон, Меркел и Конте се заканија со санкции поради оружјето за Либија

Тале Кристо — Sun, 19 Jul 2020 07:24:44 +0000

Лидерите на Франција, Германија и Италија се заканија дека ќе воведат санкции за земјите што продолжуваат да го кршат ембаргото на Обединетите нации за извоз на оружје во Либија. „Ние, исто така, ги повикуваме сите странски актери да го прекинат нивното се поголемо мешање и целосно да го почитуваат ембаргото на Советот за безбедност на ОН за извоз на оружје во Либија“, се вели во заедничкото соопштение на Емануел Макрон, Ангела Меркел и Џузепе Конте, издадено од француското претседателство. Европските лидери исто така наведуваат дека тие се подготвени да прибегнат кон санкции доколку се продолжи со кршење на ембаргото на море, на копно или во воздух.

Конте одговори на критиките во медиумите за играта во Интер

Тале Кристо — Sat, 18 Jul 2020 15:43:44 +0000

Тренерот на Интер, Антонио Конте смета дека италијанските медиуми премногу го критикуваат тимот. Педесетгодишниот специјалист увери дека работи на интегрирање на играчот од средниот ред на Кристијан Ериксен во формацијата на екипата. – Сега има позитива, јасно е дека работата е признаена. Момците конечно се ценети. Во претходниот период, екипата беше премногу критикувана. Санчез имаше повреда и беше отсутен пет месеци. Оваа година е многу бурна во однос на повредите. Повредени се 3-4 фудбалери. Интер претрпе загуби, но во исто време гледаме дека чашата е половина полна….. најдовме замени во Брозовиќ, Борха Валеро и Ериксен, кои се во процес на интеграција, изјави Конте. За утрешниот дуел со Рома вели дека ќе биде многу тешко: „Рома е добар тим, со одлични играчи и добар тренер. Не чека многу тежок натпревар“. Интер ќе игра против Рома утре во Рим со почеток во 21:45 часот.

Шкрињар и Конте казнети по мечот со Сасуоло

Тале Кристо — Thu, 25 Jun 2020 13:59:12 +0000

Дисциплинската комисија го казни со забрана од 3 натпревари дефанзивецот на Интер, Милан Шкрињар и со 1 натпревар тренерот Антонио Конте по вчерашниот натпревар со Сасуоло. Шкрињар беше избркан во дополнителното време, откако доби два жолти картони и според тоа нема да може да учествува во следниот натпревар на неговиот тим. Сепак, острата реакција на дефанзивецот му донесе уште 2 натпревари, како и парична казна од 10.000 евра. Тренерот на „нероазурите“, Антонио Конте го доби своето петто официјално предупредување и Комисијата донесе одлука дека тој не може да го води својот тим на следниот натпревар против Парма. Играчот од средниот ред на Сампдорија, Јакуб Јанкто, исто така, ќе го пропушти следниот натпревар на неговиот тим, откако го доби својот петти жолт картон во сезоната на натпреварот против Рома.

Конте: Од понеделник постепено укинување на рестриктивните мерки

Тале Кристо — Sun, 17 May 2020 07:10:12 +0000

Италијанскиот премиер Џузепе Конте синоќа соопшти дека од понеделник ќе следи олеснувањето на рестриктивните мерки во земјата, воведени поради епидемијата на коронавирусот, бидејќи бројот на починати опадна на најниското ниво од 9 март. Според британските медиуми, тој на прес-конференцијата предупреди на опасноста епидемиолошката крива, поточно бројот на заболени и мртви, повторно да се зголеми. Конте кажа дека во Италија, која е меѓу најтешко погодените земји од пандемијата на коронавирусот, ќе бидат преземени мерки за заживување на економскиот живот и укинување на ограничувањата за движење на граѓаните. Од понеделник, 18 мај, повторно се отвораат продавниците, а од 25 мај спортските сали, базените и спортските центри. Од 3 јуни ќе се отворат границите меѓу регионите во земјата и на граѓаните на земјите од Европската унија ќе им биде дозволено да се движат без ограничувања, без задолжителната карантин на оние што влегуваат во Италија. Отворањето на театарите и кината е закажано за 15 јуни.