контејнери – Kurir.mk

Речиси два милиони евра собрани од продажбата на пластични кеси, ќе се набават над 7.000 контејнери

Ивона Петрова — Sun, 10 Sep 2023 08:18:43 +0000

Од 1 декември 2021 година употребата на пластични кеси за еднократна употреба на пазарот во земјава е забранета, а во маркетите и на пазарите дозволени се само биоразградливи кеси кои се наплаќаат по 15 денари. Согласно Законот за управување со пакување и отпад од пакување, средствата од продажбата на кеси се собираат во посебен фонд на Министерството за животна средина и просторно планирање, а до крајот на 2022 година по овој основ се собрани речиси два милиони евра. Законот предвидува средствата собрани во овој фонд да се искористат за еколошки проекти, а од МЖСПП за МИА велат дека собраните средства од наплата на пластични кеси се распределуваат согласно донесена Програма и истите ќе се искористат за набавка на садови за собирање отпад - контејнери и еден дел за кампања за подигање на јавната свест за потребата од селекција и можностите за рециклирање. Од МЖСПП посочуваат дека целта на мерката не е да се наплаќаат кесите, туку да се демотивираат граѓаните за нивна употреба и дека податоците што ги имаат укажуваат на виден ефект во таа насока. - Податоците и собраната сума укажуваат на виден ефект, особено во големите ланци на маркети, особено што во некои целосно се заменети со еколошки торби за транспорт на купената стока. Целта на мерката не е да се наплаќаат кесите туку да се демотивираат граѓаните за нивна употреба. И овде имаме примена на принципот загадувачот плаќа, а собраните средства се враќаат во проекти за намалување на отпадот и воспоставување на системот на регионално управување со отпад, велат од МЖСПП за МИА. Целосната забрана за употреба на пластични и оксо-биоразградливи кеси на пазарите во земјава првично требаше да стапи на сила од 1 јуни годинава, но пред овој рок од МЖСПП информираа дека таа ќе стапи на сила од 1 јуни 2024 година. На прашањето од МИА зошто се одложи целосната забрана за пуштање во промет на пластични кеси од МЖСПП, велат дека „вакви мерки мора да го имаат предвид и социјалниот момент и влијанието врз производителите кои мора да се приспособат на новите законски обврски“. Вкупно 7 169 контејнери ќе бидат распределени по општините Согласно годишната Програмата за распределба на собраните средства за 2023, донесена во февруари годинава, 105 милиони денари ќе бидат наменети за изградба на инфраструктурни објекти за собирање, преработка, рециклирање и отстранување на отпад од поширок јавен интерес, а останатите 15 милиони денари за реализирање на проект за едукација и подигнување на јавната свест на граѓаните и субјектите за постапување со посебните текови на отпад. Така 105 милиони денари ќе се користат за набавка на 7 190 контејнери за собирање на отпад од хартија, тетрапак, пластика и метал, за сите општини во Република Северна Македонија. Јавната набавка на контејнерите ја објавува и спроведува МЖСПП, по што тие ќе бидат поделени на општините. Доделувањето на бројот на контејнерите се врши врз основа на бројот на жителите во општините и тоа за општина до 5000 жители се доделуваат 13 контејнери, за општина од 5001 до 15000 жители се доделуваат 40 контејнери, за општина од 15001 до 23000 жители се доделуваат 60 контејнери, за општина од 23001 до 40000 жители се доделуваат 104 контејнери и за општина над 40000 жители се доделуваат 260 контејнери. Согласно податоците од Пописот 2021 година низ 80 општини треба да бидат поделени 7 169 контејнери. Па така 17 општини ќе добијат по 13 контејнери и тоа Вевчани, Градско, Дебрца, Демир Капија, Дојран, Зелениково, Зрновци, Карбинци, Конче, Лозово, Новаци, Пехчево, Пласница, Ранковце, Росоман, Старо Нагоричане и Центар Жупа. Најмногу, 27 општини ќе добијат по 40 контејнери, и тоа Арачиново, Берово, Богданци, Босилево, Брвеница, Валандово, Василево, Виница, Делчево, Демир Хисар, Долнени, Јегуновце, Кратово, Кривогаштани, Крушево, Маврово и Ростуше, Македонска Каменица, Македонски Брод, Могила, Ново Село, Петровец, Пробиштип, Ресен, Сопиште, Чашка, Чешиново-Облешево и Чучер-Сандево. По 60 контејнери ќе добијат 12 општини, меѓу кои Боговиње, Врапчиште, Гевгелија, Дебар, Желино, Илинден, Крива Паланка, Липково, Неготино, Свети Николе, Студеничани, Теарце, додека по 104 контејнери ќе добијат седум општини и тоа Бутел, Сарај, Шуто Оризари, Кавадарци, Кичево, Кочани и Радовиш. Најмногу, по 260 контејнери ќе добијат 17 општини, и тоа Аеродром, Гази Баба, Ѓорче Петров, Карпош, Кисела Вода, Центар, Чаир, Битола, Велес, Гостивар, Куманово, Охрид, Прилеп, Струга, Струмица, Тетово и Штип. Исклучок се пластичните кеси за ѓубре и подебелите кеси што може да се користат повеќе пати Согласно Законот за управување со пакување и отпад од пакување од 1 декември 2021 година се забранува пуштање на пластични кеси за носење на стоки за еднократна употреба на пазарот во Република Северна Македонија. Според појаснувањето објавено од МЖСПП, дозволено е пуштање на пазарот на територијата на државата само на биоразградливи кеси за носење на стоки што се произведени согласно пропишаните стандарди за биоразградливост објавени во Правилникот за стандардите за биоразградливост што треба да ги исполнуваат кесите за носење на стоки, начинот на пуштање на пазар на биоразградливи кеси од страна на трговците, како и формата и содржината на образецот за водење на евиденција („Сл весник на РСМ“ 265/2021). Овие одредби се однесуваат за пластични кеси за носење на стоки за кои се наплаќа надоместок од 15 денари и се задолжително биоразградливи. Ова се кесите што секојдневно се даваат на каса (на местото на продажба) при купување во мини маркети, супермаркети, гранапи, пиљарници, мали продавници за секојдневни намирници, пекарници, киосци, киосци за брза храна, зелени пазари, бензински станици со минимаркети. - Под биоразградливи се подразбира дека до 1 јуни 2023 може да се пласираат оксо-биоразградливи кеси (МКС 1009) кои беа од 2013 година задолжителни. По 1 јуни 2024 задолжително се пласираат кеси кои се изработени од материјал кој може да се разгради (како и секој органски материјал од вода, јаглерод диоксид и биомаса - стандардМКС EN ISO 17556: 2020), појаснуваат од МЖСПП. Многу лесните пластични кеси за носење на стоки се целосно забранети. Тоа се кесите чијашто дебелина е пониска од 15 микрони, односно оние кои се користеа за пакување/размерување на овошје и зеленчук на пример. Исклучок од овие забрани се пластичните кеси за ѓубре и кесите кои се подебели од 50 микрони и може да се користат повеќе пати. - Пластични кеси за носење на стоки за кои не се однесува надоместокот од 15 денари и стандардите за биоразградливост се оние кои се даваат на потрошувачите на каса (на местото на продажба) во продавници каде се продаваат стоки што не се за секојдневна општа употреба како книги, облека, обувки, алати, електрична и електронска опрема, продавници за покуќнина, занаетчиски дуќани, за сувенири, уметнички галерии, за козметички производи, аптеки (земјоделски, за медицински помагала и сл.). Овие кеси се препорачува да бидат подебели (над 50 микрони) како би можеле да се употребуваат повеќекратно и да се отстранат во контејнерите за пластика (жолт контејнер) од каде би се однеле на рециклажа во локалните компании за рециклирање и кај самите производители на пластични кеси кои повторно од нив би направиле нови кеси. Кесите за ѓубре не претставуваат кеси за носење на стоки и не се опфатени со овие мерки, се вели во појаснувањето од МЖСПП. МИА

Општина Кисела Вода ги пере контејнерите на своја територија

Тале Кристо — Fri, 14 Jul 2023 13:40:39 +0000

Од утрово, сезонските работници ангажирани од Општина Кисела Вода се на терен. Се перат контејнерите на ЈП “Комунална Хигиена” низ целата општина. Се дезинфицира и просторот околу нив, каде беа создадени мини депонии. Дезинфекцијата која се спроведува од денес е неопходна за да се заштити населението бидејќи наталожениот смет кој неколку дена стоеше расфрлен по улиците, на високите јулски температури, покрај тоа што е голем естетски проблем и произведе неподнослива миризба во главниот град, е потенцијален извор на заразни болести. Токму затоа, приоритет во перењето се дава на позициите кои се во близина на детски градинки, на автобуските постојки, на главните улици, но ќе се опфатат сите месни и урбани заедници.

„Партизанска“, „Рузвелтова“, „Џон Кенеди“ затрупани во смет, а Арсовска ни раскажува „мафијашки“ филмови (ФОТО+ВИДЕО ГАЛЕРИЈА)

Ристе Здравков — Mon, 10 Jul 2023 10:51:11 +0000

Четврти ден како скопјани се затрупани во ѓубре откако службите на Арсовска престанаа да го чистат поради несогласување со неа. Вчера Арсовска на прес-конференција излезе, а наместо да даде решение таа почна да раскажува за некакви „мафијашко-гангсерски“ филмови и да ја замајува јавноста. За ситуацијата да биде потрагична, таа денес на Фејсбук објави фотографии од неколку празни контејнери и напиша, „Скопје се чисти“. Екипа на Курир веднаш по нејзината објава излезе на терен да напави обиколка по најфрекфентните улици во главниот град. Булеварите „Партизански одреди“, „Рузвелтова“, „Џон Кенеди“, како и улици споредни на овие булевари се затрупани во смет за кој Арсовска ни тврди дека се исчистени.

Кого ЛАЖЕ Данела Арсовска? (ФОТО ГАЛЕРИЈА)

Ристе Здравков — Mon, 10 Jul 2023 09:44:35 +0000

Четири дена Скопје се дави во ѓубре, а скопјани ја дишат смрдеата која доаѓа од преполните контејнери. Градоначалничката Данела Арсовска која вчера собра сила и храброст да излезе на прес-конференција, а наместо да даде решение за ситуацијата, таа почна да се заканува и навредува. За ситуацијата да биде уште по трагична, таа пред половина час на Фејсбук се пофали со фотографии од празни контејнери. Веднаш по нејзината објава екипа на Курир излезе на терен, во централното градско подрачје и во општина Чаир со цел да ги провериме тврдењата на Арсвоска. На терен затекнавме ситуација полоша од таа вчера. Преполни контејнери, а екипите кои Арсовска ги објавува на Фејсбук ги нема ни за лек. Дали скопјани ги заслужуваат лагите на Арсовска?

Се собираат докази – обвинител ќе пресече дали вработените во „Комуналец“ го загрозуваат здравето на луѓето со штрајкот

Ристе Здравков — Sun, 09 Jul 2023 13:31:01 +0000

Се собираат докази – обвинител ќе пресече дали вработените во „Комуналец“ го загрозуваат здравето на луѓето со штрајотОбјавено пред 12 минути - 9 јули, 2023Од Кристијан Ландов Несобирањето на отпадот во Скопје кое може да се толкува и како смислено загрозување на здравјето на луѓето, допре до скопското Обвинителство. По постапувањето на МВР, тие ги преземале првите чекори на проверки. Од нив треба да добијат одговор, дали има елементи на сторено кривично дело. Од Обвинителството за „Макфакс“ потврдуваат дека веќе се издадени и насоки за проверки и обезбедување докази, за да се испита што точно се случува. По ова, ќе се одлучи дали ќе има кривичен прогон и против кого ќе биде насочен. Поради случувањата во „Комунална хигиена-Скопје“, постапуваше и полицијата. Оттаму излегоа со конкретни информации што било пријавено. Истовреме, Скопје се дави во ѓубре. Комуналците бојкотираат и не го собираат отпадот откако директорката Косана Мазнева не им го продолжи договорот на стотина лица, за кои тврди дека 20 години земале плата, а не оделе на работа. Вработените во Јавното претријатие синоќа се собраа на протест пред дирекцијата од каде на Мазнева и’ порачаа дека бараат да им ги врати колегите и да им ги покачи платите за 50 отсто. Во жестока дискусија пред дирекцијата, Мазнева им вети К15 и порача дека законите мора да функционираат за сите. Преговорите помеѓу директорката Мазнева и вработените продолжуваат од понеделник.

НАТО ќе испрати 1.000 контејнери во Турција

Тале Кристо — Wed, 15 Feb 2023 06:55:56 +0000

НАТО соопшти дека ќе испрати повеќе од 1.000 бродски контејнери во Турција за да помогне во обезбедување засолниште за преживеаните од земјотресот. - Ова полутрајно засолниште е способно да смести најмалку 2.000 луѓе раселени од земјотресите во Турција, соопшти на Твитер Здружената команда на силите на НАТО во Неапол. Контејнерите, кои моментално се наоѓаат во италијанскиот град Таранто, ќе бидат испратени во Турција следната недела, соопшти Алијансата.

ЈП „Комунална хигиена“-Скопје ќе постави специјални контејнери за одлагање на органски отпад во пресрет на Курбан Бајрам

Ивона Петрова — Fri, 08 Jul 2022 08:22:21 +0000

Во скопските општини каде што масовно се празнува верскиот празник Курбан Бајрам, ЈП „Комунална хигиена“-Скопје и годинава ќе постави специјални контејнери во коишто граѓаните ќе можат да го одложат органскиот отпад (остатоците од курбанот). Од Градот Скопје и ЈП „Комунална хигиена“-Скопје апелираат до верниците органскиот отпад да го одлагаат исклучиво во поставените садови, затоа што неговото исфрлање на јавни површини може сериозно да го загрози јавното здравје и да ја загади животната околина. – Екипите на ЈП Комунална хигиена-Скопје, во текот на вчерашниот и денешниот ден, спроведоа и активности за рачно и машинско миење на дворовите и непосредната околина на поголемите исламски верски објекти на територијата на градот Скопје, соопштија од ЈП „Комунална хигиена“-Скопје. Список на локации каде што ќе бидат поставени контејнерите за одлагање органски отпад: 1. Општина Шуто Оризари – автобуска станица на последна 19-ка; кај маркет Харбин; во близина на мостот на патот кон Визбегово; во близина на Хамдипашината џамија; во близина на општината Шуто Оризари. 2. Општина Бутел – во близина на џамијата Фетах Ефенди; во близина на џамијата Бедр – Бутел 1. 3. Општина Гази Баба – стадион ФК Фортуна; стадион Гази Баба. 4. Општина Чаир – поранешна локација на ЈПХКС-Серава; во близина на ресторанот Фа-Фа; во близина на новата џамија во Чаир; во близина на Теќето во Дуќанџик. 5. Општина Сарај – кај старата општина Сарај; кај езерото Треска; кај СИУ Медреса Иса Бег во с.Кондово. 6. Општина Карпош – Населба Долно Нерези. 7. Општина Арачиново – поранешен плац, во центарот на селото-кај Касапот. 8. Општина Студеничани – во центарот на с. Студеничани; во с. Моране; во с. Батинци. 9. Поранешно седиште на Муфтиството-Скопско Кале.

Првите контејнери со линдан од Охис тргнаа кон Солунското пристаниште од каде ќе се транспортираат во Франција

Ивона Петрова — Tue, 05 Jul 2022 09:29:50 +0000

Првите седум контејнери со чист HCH, секој од нив тежок по 22 до 26 тони, вчера попладне излегоа од Охис и тргнаа на пат кон Солунското пристаниште од каде ќе заминат за Франција. Со ова започна транспортот на опасниот историски отпад од малата депонија од поранешниот индустриски гигант Охис, соопшти Министерството за животна средина и просторно планирање (МЖСПП). Како што беше посветено посебно внимание на безбедноста на самиот процес на ископување на линаданот и неговите изомери складирани во малата депонија на поранешниот гигант Охис, исто така координирано, прецизно и крајно внимателно, со особено залагање на искусни професионалци кои си ја знаат својата работа до најситен детал, беше извршана подготовката за транспорт што подразбира пакување и товарање и самото транспортирање, посочија од Министерството. Целиот процес, како што информираат, се водеше со посебна внимателност и почитување на меѓународната регулатива за прекуграничен транспорт на опасен отпад по Базелска конвенција и сега е најважно оваа пратка да стигне безбедно до крајната дестинација. Во наредниот период уште 20 контејнери ќе бидат товарени и транспортиртани од државата со што завршуваат активностите опфатни со ГЕФ проектот што се реализаира преку УНИДО. Но, ископот во континуитет ќе продолжи со користење на средства од Повеќепартнерскиот фонд за животна средина специјално формиран за чистење на контаминацијата во кругот на ОХИС во сорабoтка со UNOPS, стои во соопштението од МЖСПП.

Скопјани, бидете одговорни: Викендов се запалени неколку контејнери, одржувајте ја јавната хигиена! (ФОТО)

Ивана Ефремовски — Mon, 14 Mar 2022 09:38:25 +0000

Во текот на изминатиот викенд беа опожарени осум садови за одлагање на комунален отпад поставени на јавните површини во Скопје. Од непознати сторители се запалени три контејнери со зафатнина 3,2 м3 кои се наоѓаат на бул.„Крсте Мисирков“ во близина на Бит пазар, а покрај опожарените кај Бит пазар, целосно изгореа и четири контејнери, додека еден е изгорен и во Дебар Маало. -Со ваквото несовесно постапување од страна на граѓаните се загрозува животната средина, но исто така се причинува и голема значителна финансиска штета на ЈП Комунална Хигиена. Апелираме на совесно одлагање на отпадот и искоренување на лошите навики за намерно опожарување на садовите за одлагање комунален отпад, реагираат од Град Скопје. Опожарените контејнери се заменети со нови, се со цел зачувување на животната средина и одржување на јавната хигиена на високо ниво.

ПОЖАР ИЗБУВНА СРЕДЕ БЕЛ ДЕН ВО ДЕБАР МААЛО: Се запалија контејнери, црн чад го надви Центарот на Скопје (ФОТО+ВИДЕО)

Магдалена Андонова — Sun, 13 Mar 2022 12:52:28 +0000

Избегната трагедија во скопско Дебар маало каде по третпат се палат контејнери. Овојпат палењето се случило среде бел ден, а прво пристигнала полицијата, а потоа и противпожарните возила. Пожарот беснеел околу 15-на минути, во близина на кружниот тек. На кратко растојание од контејнерите имало и возило кое било зафатено, но било спечено да се случи катастрофа и истото да експлодира. Дополнително во близина на пожарот има и неколку згради, како и детско игралиште. Во пожарот изгореле целосно четири контејнери, од кои едниот за рециклирање пластика.