Четворица имигранти загинаа при обид со возило да пробијат контролен пункт во Тексас

Ивона Петрова — Fri, 01 Jul 2022 06:05:29 +0000

Четворица имигранти загинаа во сообраќајна несреќа до која дошло кога возилото со кое се превезувале се обидело да избегне контролен пункт на американските царински и погранични власти. Во несреќата што се случила синоќа на контролен пункт во пограничниот град Ларедо во Тексас, загинале двајца Мексиканци, Гватемалец и уште едно лице чиј идентитет не е утврден. Пред само неколку дена, како последица на топлотен удар настрадаа 53 имигранти, оставени без вода во неклиматизирана камионска приколка кај Сан Антонио. Американските власти посочија дека царинските камери на пунктот кај градот Енсинал не ги регистрирале имигрантите сместени во камионската приколка. За инцидентот од понеделникот со најголем број жртви меѓу илегалните мигранти се упасени четири лица, меѓу кои и возачот на камионот кој наводно бил под дејство на метамфетамин при извршената контрола.

Американски хеликоптери нападнаа контролен пункт на сириската армија во североисточна Сирија

Тале Кристо — Mon, 17 Aug 2020 10:51:37 +0000

Американските ВВС со два хеликоптера извршија воздушни напади врз позиции на сириската армија. Сириската државна телевизија јави за воздушни напади на американските воени сили врз позициите на војската на Башар ал Асад јужно од градот Камишли. Еден војник е убиен, а двајца други се повредени. Според сириската опсерваторија за човекови права, двајца сириски војници се убиени во нападот. Засега нема коментар од Вашингтон. Војниците биле нападнати откако спречиле американска воена патрола да мине низ областа. Нападот се случи југоисточно од Камишли, град близу сириско-турската граница.

контролен пункт – Kurir.mk

Четворица имигранти загинаа при обид со возило да пробијат контролен пункт во Тексас

Американски хеликоптери нападнаа контролен пункт на сириската армија во североисточна Сирија