контролори – Kurir.mk

Претепани контролори во автобус на ЈСП

Катерина Бојаџиева — Tue, 07 Mar 2023 15:29:09 +0000

На 06.03.2023 во 14.30 часот во СВР Скопје, Б.С.(55) од Скопје пријавила дека во населбата Маџари, во автобус на ЈСП, додека таа и нејзиниот колега С.Ф.(59) од Скопје извршувале работни задачи како контролори, биле физички нападнати од едно лице. Се преземаат мерки за расчистување на случајот, велат од МВР.

Контролори во ФЗОМ обвинети за примање поткуп, откриено како биле фатени

Ивана Ефремовски — Wed, 12 Feb 2020 14:15:58 +0000

Основното јавно обвинителство Скопје, по спроведена истражна постапка, поднесе Обвинителен акт против две лица кои се товарат дека како соизвршители сториле кривично дело – Примање поткуп од чл.357 ст. 1 во врска со чл.22 од Кривичниот законик. На 23.12.2019 година, во ресторан на булеварот „Филип Втори Македонски“ во Скопје, двајцата обвинети како службени лица – контролори во Фондот за здравствено осигурување – Подрачна единица Скопје, директно примиле имотна корист за себе и за друг во износ од 30.000 денари од оштетен сопственик и управител на приватна здравствена установа. Имено, од 16-19.12.2019 година во здравствената установа била извршена мобилна контрола, по што бил изготвен записник во кој биле констатирани неправилности при изготвување на образец за привремена спреченост за работа на еден пациент на кој оштетениот му бил матичен лекар. По изготвувањето на записникот, една од обвинетите понудила да не биде изречена санкција за контролираното правно лице, а за возврат побарала парична награда – поткуп во износ од 30.000 денари. Од тој износ по 10.000 денари биле наменети за неа и за нејзиниот колега, како и за уште едно засега непознато лице, исто така контролор во Фондот за здравствено осигурување. Вториот обвинет неколкупати телефонски го контактирал оштетениот, повторувајќи му дека треба да ја даде паричната награда за да нема последици за неговата ординација. Во еден од телефонските разговори тој го договорил времето и местото на средбата во ресторанот за да се изврши примопредавање на побараните парични средства. Јавниот обвинител до Основниот кривичен суд Скопје достави и Посебен предлог со кој побара продолжување на претходно определената мерка притвор за двајцата обвинети поради опасност од бегство, како и можност да го повторат делото што им се става на товар.

Контролори на ЈСП повторно истепаа патник- МВР со детали за инцидентот

Катерина Бојаџиева — Fri, 15 Feb 2019 13:42:11 +0000

Во Полициската станица Бит Пазар, вчера во 19.30 часот И.С.(38) од Скопје пријавил дека истиот ден околу 18.30 часот на улица „Христијан Тодоровски-Карпош“, во автобус на ЈСП бр. 19, двајца вработени во ЈСП како контролори физички го нападнале откако им рекол дека нема билет. Се преземаат мерки за целосно расчистување на случајот. Инаку, ова не е прв случај контролори да нападнат патник во автобус. На 20.12.2018 година било пријавено дека во автобус на ЈСП број 2 кој сообраќал на релација од Центар кон Ѓорче Петров 2, дошло до нарушување на јавниот ред и мир со тепачка помеѓу 16-годишен малолетник од Скопје од една страна и С.С.(49) и Н.Т.(52) од Скопје вработени како контролори во ЈСП од друга страна. До тепачката, како што информираше тогаш МВР, дошло по претходно меѓусебно недоразбирање и расправија околу наплата на билет за возење.

Контролори на ЈСП истепаа малолетник: МВР со детали за инцидентот

Ивана Ефремовски — Fri, 21 Dec 2018 14:21:12 +0000

На 20.12.2018 година било пријавено дека во автобус на ЈСП број 2 кој сообраќал на релација од Центар кон Ѓорче Петров 2, дошло до нарушување на јавниот ред и мир со тепачка помеѓу 16-годишен малолетник од Скопје од една страна и С.С.(49) и Н.Т.(52) од Скопје вработени како контролори во ЈСП од друга страна. До тепачката дошло по претходно меѓусебно недоразбирање и расправија околу наплата на билет за возење. По преземени мерки поднесени се соодветени поднесоци.

ФОТО: Контролори на ЈСП тепале патник, претпријатието на ФБ се правда „Патникот прв почна“

Ивона Петрова — Thu, 20 Dec 2018 14:47:39 +0000

Момче денес било физичко нападнато од контролори во автобус на ЈСП со број 2. Случајот објавен со фотографија на социјалните мрежи го сподели патник кој бил во автобусот. -Еве во каква држава живееме во која владее законот на посилниот. Линија бр.2 некаде околу 12:35 часот…двајца контролори на ЈСП буквално со нозе го газеа дечкото.Јас не знам што предходно сторил затоа што се наоѓав на горниот спрат од автобусот (ова се случуваше на долниот) но убеден сум дека ваков однос е во најмала рака кажано недоличен“, објави на својот профил на Фејсбук Зоран Т. По прозивките и негативните коментари на социјалните мрежи, ЈСП кусо се јави со коментар на едно од споделувањата на објавата пишувајќи дека веднаш по случката, внатрешната контрола на ЈСП Скопје излегла на терен и патникот и двајцата контролори дале исказ и во МВР, и дека се работи на расчистување на случајот. Иако, ЈСП Скопје во коментарите вели дека секојдневната комуникација на Фејсбук им се одвива само преку „инбокс“ сандачето, направиле исклучок поради ситуацијата. И наместо, како што и претходно самите искоментираа дека МВР работи на расчистување на случајот, и истиот да го остават во нивна надлежност, одговорните за Фејсбук страната на ЈСП се дрзнаа на социјални медиуми да коментираат дека патникот прв употребил физичка сила. -Бидете сигурни дека сите пријавени и докажани ситуации во кои контролори/возачи го кршат Кодексот на однесување на вработените, се проследуваат до соодветната служба и против вработените се покренуваат соодветни дисциплински постапки. Во конкретниов случај, патникот прв употребил физичка сила. Тоа е доказ дека и не сите патници се однесуваат соодветно. Како и да е, случајот ќе биде расчитен институционално. Во секој случај, Ви благодариме на укажувањето. Ве информираме дека ЈСП Скопје и натаму е отворено за пријави/поплаки/жалби од секаков вид. Секојдневната комуникација овде на „фејсбук“ се одвива исклучиво преку „инбокс“, а на постови и прозивки одговараме во исклучителни ситуации. Ви благодариме на разбирањето, стои во коментарот на ЈСП. Инаку вчера патничка на ЈСП пријавила во полициска станица дека била физички нападната од возач на ЈСП. Повеќе за тоа може да прочитате ТУКА.