Конзервативна партија – Kurir.mk

Борис Џонсон ќе се кандидира за лидер на британските конзервативци

Дарко Андоновски — Thu, 20 Oct 2022 17:13:08 +0000

Поранешниот британски премиер Борис Џонсон викендов се враќа во Велика Британија, јави денеска „Дејли телеграф“. „Тајмс“ објави дека Џонсон, кој е на одмор во странство, се очекува да учествува на изборите за да стане нов лидер на конзервативците на местото на Лиз Трас, која денеска поднесе оставка од премиерската функција. Политичкиот уредник на Тајмс претходно на Твитер напиша дека Џонсон ги слуша реакциите, но верува дека тоа е прашање од национален интерес. Резултати од анкета спроведена на почетокот на неделата покажаа дека повеќето членови на Конзервативната партија сакаат поранешниот премиер Борис Џонсон да се врати на позицијата лидер на партијата и да ја замени Лиз Трас на премиерската функција.

Бен Волас нема да се кандидира за лидер на британската Конзервативна партија

Дарко Андоновски — Sat, 09 Jul 2022 12:55:56 +0000

Британскиот министер за одбрана Бен Вoлас, еден од фаворитите за наследник на британскиот премиер Борис Џонсон, денеска изјави дека одлучил да не се кандидира за позицијата лидер на Конзервативната партија. „По внимателно разгледување и разговори со колегите и семејството, донесов одлука да не се кандидирам за лидер на Конзервативната партија“, напиша Валас на Твитер. „Изборот не беше лесен, но мојот фокус е на мојата сегашна работа и на безбедна оваа голема земја“. Џонсон поднесе оставка како лидер на Конзервативната партија по бранот оставки на министри и високи функционери на британската влада, но ќе остане како британски премиер додека не се избере нов партиски лидер. Поранешниот британски министер за финансии Риши Сунак засега ја објави својата кандидатура за наследник на Џонсон.

Се повеќе членови на Конзервативната партија бараат смена на Борис Џонсон

Тале Кристо — Wed, 02 Feb 2022 19:56:13 +0000

Премиерот на Велика Британија, Борис Џонсон, се соочи со уште едно барање за гласање недоверба на Владата, бидејќи член на неговата Конзервативна партија и пратеник Ентони Мангнал, поднесе барање за негова смена. Веб страницата на Ај-Ти-Ви Њуз пренесува дека следните избори ќе се одржат во 2024 година, а за да се гласа недоверба на премиерот потребни се 54 барања. Во текстот на британската телевизиска мрежа се наведува дека се претпоставува оти биле поднесени околу 20 барања за смена на британскиот премиер, а на потписниците им било дозволено да бидат анонимни, па мнозинството одлучило нивното име да остане во тајност. Покрај Мангнал, пет други ториевци од Парламентот јавно побараа смена на Џонсон.

Двајцата потпретседатели на британската Конзервативна партија поднесоа оставки

Даниел Василев — Tue, 10 Jul 2018 19:21:58 +0000

Двајцата потпретседатели на Конзервативната партија на британската премиерка Тереза Меј, Бен Бредли и Марија Колфилд, денеска поднесоа оставки на функциите несогласувајќи се со владиниот предлог за идните односи со ЕУ по Брегзит. Како што јави Би-Би-Си, двајцата ториевски потпретседатели поднеле оставки „во знак на протест против планот од Чекерс“. Британската Влада во петокот одржа седница во Чекерс, на која беше утврден планот за преговорите со ЕУ за излез на земјата од блокот, со кој се предвидува создавање на зона на слободна трговија меѓу Велика Британија и Унијата по Брегзит. Би-Би-Си оценува дека иако Бредли и Колфилд не се многу познати во јавноста, сепак нивните оставки претставуваат предупредување до Меј дека незадоволните конзервативци „се во состојба да и нанесуваат штети, ако не го промени својот курс“. Вчера поради несогласување со планот од Чекерс оставки поднесоа и министрите за надворешни работи и за Брегзит, Борис Џонсон и Дејвид Дејвис. МИА