конзулат – Kurir.mk

Кралството Норвешка отвора конзулат во Скопје, Живко Мукаетов назначен за конзул

Ивона Петрова — Thu, 29 Jun 2023 05:47:09 +0000

Конзулатот на Кралството Норвешка во Скопје денеска официјално ќе отпочне со работа. На свеченоста, во просториите на „Алкалоид АД“ Скопје во Автокоманда, ќе присуствуваат амбасадорот на Норвешка во Белград, Јорн Еуген Ѓелштад, државниот секретар при Министерството за надворешни работи на Норвешка, Еивин Вад Петерсон, советникот во Кабинетот на министерот за надворешни работи на Норвешка, Гро Дахле, заменик директорот во секторот за ЈИЕ при МНР на Норвешка, Јохан Лоов, како и првиот секретар на Амбасадата на Норвешка во Белград, Стефан Алмехаген Сандстад. За конзул на Кралството Норвешка во Скопје е назначен Живко Мукаетов, кој исто така функцијата Генерален конзул на Кралството Данска ја извршува веќе 16 години.

ФОТО: Германска канцеларија за визи погодена во ракетните напади на Киев

Ивона Петрова — Mon, 10 Oct 2022 10:44:31 +0000

Во новиот тежок напад на Киев погодено е и одделението за издавање визи на конзулатот на Германија. Поранешниот шеф на Фондацијата Бел во Киев, Сергеј Сумлени објави фотографии на кои се гледаат последиците од ракетирањето. -Зградата во која се наоѓа канцеларијата за визи на германската амбасада во Киев е погодена денес. Дали има некоја реакција од (германскиот канцелар) Олаф Шолц или Бербок (министерка за надворешни работи Аналена Бербок)? Сакате ли да испратите неколку Леопард тенкови на лице место за да ја погледнете состојбата, напиша тој на Твитер.

The building where the the visa office of the German embassy in Kyiv was located was hit by Russians today. Any reaction of @Bundeskanzler @ABaerbock @BMVg_Bundeswehr ? Maybe some Leopards can be sent to check the situation on the ground? pic.twitter.com/hU2wVWrK87
— Sergej Sumlenny (@sumlenny) October 10, 2022

Денеска ќе се отвори Конзулатот на Република Србија во Охрид

Магдалена Андонова — Sat, 23 Jul 2022 09:11:11 +0000

Српскиот министер за надворешни работи Никола Селаковиќ во придружба на министерската за култура Бисера Костадиновска Стојчевска, денеска ќе го отвори Конзулатот на Република Србија во Охрид, соопшти српската Амбасада во земјава. Според најавата, на отворањето на Конзулатот ќе присуствуваат и почесниот конзул на Србија во Охрид, Михајло Филев и охридскиот градоначалник Кирил Пецаков. Одлуката за отворање на својот Конзулат во Охрид, Србија ја донесе минатиот месец. Како што е објавено во Службениот гласник на Република Србија, српскиот Конзулат во Охрид ќе ги покрива општините Охрид, Струга, Вевчани, Дебарца, Кичево, Дебар и Центар Жупа.

Србија отвора конзулат во Охрид

Ивона Петрова — Sun, 12 Jun 2022 14:26:30 +0000

Република Србија донесе одлука за отворање на конзулат во Охрид, а за почесен конзул поставен е Михајло Филев, јави дописникот на МИА од Белград. Како што е објавено во Службениот гласник на Србија, српскиот конзулат во нашата држава ќе ги опфаќа со работа следните општини: Охрид, Струга, Вевчани, Дебарца, Кичево, Дебар и Центар Жупа.

Словенија бара отштета од Русија за уништениот конзулат

Тале Кристо — Wed, 02 Mar 2022 17:51:00 +0000

Министерството за надворешни работи на Словенија денеска повторно го повика на разговор рускиот амбасадор Тимур Ејвазов, на кого државниот секретар Гаспер Довзан му врачи протестна нота со барање за извинување и оштета, соопшти словенечкото МНР. Во напад извршен вчера е уништена административната зграда на централниот плоштад каде што се наоѓаше словенечкиот конзулат. Почесниот конзул Анатолиј Бондаренко не е повреден во нападот. Словенија најостро го осудува недозволивиот чин и воената агресија на Руската Федерација врз суверена држава, соопшти Министерството, по повод рускиот напад врз Украина и продолжувањето на нападите врз украинските градови. Според соопштението, ова е грубо кршење на меѓународното право и човековите права, а уништувањето на цивилни цели е воено злосторство.

Над илјада македонски граѓани ја искористија можноста за мобилно издавање пасоши во конзулатот во Бон

Тале Кристо — Wed, 08 Dec 2021 09:17:48 +0000

За помалку од три месеци, над илјада државјани на Република Македонија кои живеат во Сојузна Република Германија, се сликаа за нови патни исправи во Конзуларното одделение во Бон, каде во функција е ставена новата базна станица. Конзулот Боро Мирчески вели дека седумстотини биометриски пасоши се готови, а во тек е обработката на пристигнатите барања, со новата опрема која придонела за кратење на постапката и намалување на трошоците. -Oвој проект е исклучително полезен за нашата дијаспора. Од искуството во изминатиот период, како го отпочнавме проектот, можам да посведочам само на зголемување на задоволството кај странките. Во моментов, во нашата амбасада во Бон, странките добиваат изготвена патна исправа за помалку од 30 дена, вели Мирчески. Дијаспората е задоволна од новиот начин на издавање на биометриските исправи и од вработените во кознуларното одделение во Бон. -Подобрувањето на услугите на дипломатските и конзуларните претставништва на Република Македонија преку базните и мобилните станици е еден од многубројните проекти на Министерството за надворешни работи за дијаспората, велат од МНР.

Кина ќе го затвори Конзулатот на САД во Сечуан

Тале Кристо — Thu, 23 Jul 2020 09:19:33 +0000

Кина размислува да го затвори Конзулатот на САД во Ченгду, кој е главен град на кинеската провинција Сечуан, објави „Саут Чајна морнинг пост“ повикувајќи се на неименувани извори. Покрај во Ченгду, во континенталниот дел на Кина има уште четири американски конзулати – во Гуангџоу, во Шангај, во Шенјанг и во Вухан, заедно со Генералниот Конзулат во Хонг Конф и Макао. Исто така Кина размислува за затворање на Американскиoт конзулат во Вухан. Конзулатот на САД во Ченгду е отворен во 1985 година како стретешки важен дипломатски објект во југозападниот регион на Кина. Вашингтон вчера нареди затворање на Кинескиот конзулат во Хјустон поради „заштита на интелектуалната сопственост и личните информации“, а американскиот претседател Доналд Трамп најави дека можно е да бидат преземени слични мерки и за другите кинески дипломатски мисии.

САД побараа од Кина да го затвори конзулатот во Хјустон

Тале Кристо — Wed, 22 Jul 2020 08:57:21 +0000

Соединетите Американски Држави одеднаш наредија Кина да го затвори својот конзулат во Хјустон, соопшти Министерството за надворешни работи на азиската држава. Одлуката на Вашингтон е опишана како „невидена политичка провокација“ што дополнително ќе ги наруши дипломатските односи. – Кина ги повика САД веднаш да ја повлечат погрешната одлука или Кина дефинитивно ќе преземе соодветен и неопходен одговор, изјави портпаролот на кинеското Министерство. Тој додаде дека вчера американските власти побарале од кинеската Влада да го затвори својот конзулат. Претставникот истакна дека одлуката на САД е едностран потег. Пекинг се закани дека ќе одговори со „цврсти контра мерки“ доколку Вашингтон не се откаже од одлуката. Кинеската Влада ги обвини американските власти за малтретирање кинески дипломати и заплашување кинески студенти со конфискација на лични електронски уреди и приведување без причина. Нагласено е дека кинеските дипломатски мисии и персонал често добиваат смртни закани. – Кина остро го осудува скандалозниот и неоправдан потег, што ќе ги саботира кинеско – американските односи, истакна кинескиот портпарол. САД и дадоа на Кина 72 часа да го затвори својот конзулат во Хјустон. Полицијата и противпожарната служба во американскиот град пристигнале во конзулатот, по дојава дека се палеле документи во отворени контејнери, јавуваат локалните медиуми, повикувајќи се на полицијата. На пожарникарите не им било дозволено да пристапат, но подоцна пожарот е изгаснат. Никој не е повреден. Тензиите меѓу двете земји ескалираа во последните месеци, кога САД и Кина се судрија во голем број области, вклучително и на економско и на политичко ниво.

Истражители го завршија претресот на резиденцијата на саудискиот конзул во Истанбул

Ристе Здравков — Thu, 18 Oct 2018 09:30:10 +0000

Во рамки на истрагата за исчезнувањето на новинарот Џамал Кашоги, турските истражители го завршија претресот на резиденцијата на саудискиот генерален конзул во Истанбул, јави Анадолија.

Турските експерти од заедничката работна група за истрага на случајот „Кашоги“ рано утрово ја напуштија резиденцијата на саудискиот конзул.

Во текот на синоќешната истрага, истражителите извршија детален преглед на објектот и дворното место на резиденцијата во потрага по траги кои би можеле да го расветлат исчезнувањето на саудискиот новинар.

Саудискиот конзул Мухамед ал Отаиби ја напушти Турција ден пред влегувањето на истражителите во неговата резиденција, а истрагата за случајот и понатаму трае.

„Имам абнормално чувство, слушам чудни звуци“- пријава на вработен во Конзулат на САД

Ивана Ефремовски — Wed, 23 May 2018 15:11:50 +0000

Член на персоналот на Конзулатот на САД во јужниот кинески град Гуангжу пријавил необични симптоми, наведувајќи дека слуша чудни звуци и чувствува невообичаен притисок, соопшти денеска Стејт департментот. Случајот потсетува на претходните слчино искуства на американски дипломати во Куба. Во известувањето упатено по електронска пошта до американските државјани во Кина, Стејт департментот наведува дека, за сега, не знае што ги предизвикало симптомите. - Лицето вработено во американскиот Конзулат во Кина неодамна пријавило неодредено, но абнормално чувство, звуци и притисок. Владата на САД оваа пријава сериозно ја сфати и за тоа ги информираше своите официјални лица во Кина, се наведува во известувањето. Стејт департмент напоменува дека не е информиран дали во другите делови на Кина постојат слични ситуации, ниту во дипломатската заедница, ниту меѓу други државјани на САД. Американскиот државен секретар Мајкл Помпео ќе се сретне денеска во Вашингтон со кинескиот министер за надворешни работи Ванг Ји. Се очекува во фокусот на нивните разговори да биде планираниот Самит САД-Северна Кореја, но, Помпео најверојатно ќе ја искаже и американската загриженост поради инцидентот во Гунагжу. На Куба членови на американскиот дипломатски персонал и нивните семејства пријавија низа необични симптоми, често во форма на чудни звуци, а повеќето случаи беа пријавени во мај 2017 година. Се уште необјаснетиот инцидент доведе до влошување на односите меѓу САД и Куба, а беше пропратени со теории, кои вклучуваа звучен напад, електромагнетно оружје или неисправни шпионски уреди.