Копа Америка – Kurir.mk

Меси играл повреден во финалето на Копа Америка

Ивона Петрова — Sun, 11 Jul 2021 08:28:04 +0000

Аргентинскиот селектор Лионел Скалони му оддаде признание на Лионел Меси, обелоденувајќи дека капитенот настапил повреден во триумфот (1:0) над Бразил во финалето на Копа Америка во Рио де Женеиро. – Ако знаете што се поднесуваше и начинот на кој го одигра Копа Америка ќе го сакате уште повеќе, им изјави Скалони на новинарите по победата на Аргентина на стадионот „Маракана“. – Никогаш не можете да играте без фудбалер како него, дури и кога не е во најдобра форма или е повреден, додаде Скалони, кој не изнесе повеќе детали за повредата на Меси во ноќта кога Аргентинците масовно излегоа на улиците за да ја прославата првата титула по пауза од 28 години. Меси и неговиот поранешен соиграч во Барселона, Бразилецот Нејмар, ја поделија нагрaдата најдобар фудбалер на Јужноамериканското првенство.

Аргентина триумфира во Копа Америка

Бошко Тасиќ — Sun, 11 Jul 2021 05:46:22 +0000

Фудбалската репрезентација на Аргентина е освојувач на Копа Америка за оваа година, откако ноќеска минимално го совлада Бразил (1-0) во големото финале одиграно на теренот на противникот.

Триумфот на „гаучосите“ посебно одекна во целиот свет, со оглед што ова е прв трофеј на еден од најдобрите фудбалери на сите времиња, Лионел Меси, со својата репрезентација. Победата и успехот е уште посладок бидејќи беше остварен на култната „Маракана“.Финалето беше решено уште во 22. минута, кога Анхел Ди Марија со лоб-удар го постигна единствениот погодок на средбата. Бразилците до крајот доминираа, дури и постигнаа погодокот, кој, сепак, им беше поништен од офсајд, додека Аргентинците одиграа подефанзивно и чекаа шанса од контранапад.Со оваа победа Аргентина по 15. пат ја освои титулата на Копа Америка, израмнувајќи се со досегашниот рекордер во ова натпреварување селекцијата на Уругвај.

Колумбија го победи Перу во меч за третото место во Купот на Америка

Ивона Петрова — Sat, 10 Jul 2021 07:42:31 +0000

Репрезентацијата на Колумбија го освои 3. место во Купот на Америка 2021 година. Колумбијците ноќеска го победија Перу со 3:2. На крајот на првото полувреме, Перуанците поведоа со голот на Јошимар Јотун. По паузата, Хуан Куадрадо го изедначи резултатот. Во 66. минута Луис Дијаз го постигна вториот гол за Колумбијците, но Џонатан Лападула успеа да изедначи во 82. минута. Победата за Колумбија ја обезбеди Дијаз со својот втор погодок постигнат во четвртата минута од судиското надополнување. Во финалето на турнирот вечер во 2 часот по полноќ ќе играат репрезентациите на Бразил и Аргентина.

Аргентина на пенали преку Колумбија до финалето во Купот на Америка

Ивона Петрова — Wed, 07 Jul 2021 06:21:39 +0000

Репрезентацијата на Аргентина ноќеска во Бразилија ја победи Колумбија во второто полуфинале од Купот на Америка. Победникот беше решен по изведувањето пенали, откако основните 90 минути завршија без победник 1:1. Најпрво резултатот го отвори Лаутаро Мартинез во 7. минута по асистенција од Лионел Меси, изедначи Луис Дијаз по еден час игра. Во пенал-серијата Аргентинците постигнаа три гола, Колумбијците – два. Аргентина во финалето на 11 јули ќе се соочи со домаќинот на турнирот Бразил, додека ден претходно, Колумбија за третото место ќе игра со Перу.

Бразил со победа над Перу до финалето на Купот на Америка

Ивона Петрова — Tue, 06 Jul 2021 06:38:58 +0000

Репрезентацијата на Бразил го победи Перу со 1:0 во полуфиналето на Купот на Америка. Стрелец на победничкиот гол по додавањето на Нејмар го постигна Лукас Пакета. Бразил се пласираше во финалето на Купот на Америка, каде ќе се соочи со победникот од полуфиналето Аргентина – Колумбија.

Аргентина и Колумбија се пласираа во полуфиналето на Копа Америка

Бошко Тасиќ — Sun, 04 Jul 2021 07:37:02 +0000

Фудбалската репрезентација на Аргентина се пласираше во полуфиналето на Копа Америка откако ноќеска славеше над Еквадор со 3-0.

Најзаслужен за убедливата победа на „гаучосите“ беше Лео Меси кој одигра нов одличен натпревар кој го закити со гол и две асистенции. Асот на Аргентинците прво асистираше во 40. минути при голот на Де Пол, потоа го додаде и клучното додавање за погодокот на Мартинез во 84. минута од натпреварот, а во третата минута од судиското дополнување од слободен удар ги постави конечните 3-0.

Во полуфиналето од Копа Америка, Меси и Аргентина ќе се сретнат со Колумбија која славеше над Уругвај по изведување на пенали откако по регуларниот дел и продолженијата двете селекции не успеаја да постигнат гол.

140 позитивни на коронавирус на Копа Америа

Ивона Петрова — Tue, 22 Jun 2021 08:36:59 +0000

Бројот на лица заразени со коронавирус на Купот на Америка се искачи на 140, објави прес-службата на КОНМЕБОЛ. – Од 15.235 тестови од почетокот на турнирот, 140 покажаа позитивен резултат, што е околу 0,9 проценти. Повеќето од заразените се работници, членови на делегации и ангажиран персонал, стои во соопштението. За потсетување, претходно во националниот тим на Венецуела беа регистрирани 13 случаи на инфекција. Покрај тоа, беа забележани позитивни тестови во репрезентациите на Боливија, Колумбија и Перу. Фудбалскиот Куп на Америка требаше да се одржи во Колумбија и Аргентина. Сепак, турнирот беше преместен во Бразил поради масовните протести во Колумбија и тешката епидемиолошка состојба во Аргентина.

На Копа Америка 41 заразен со Ковид-19

Ивона Петрова — Tue, 15 Jun 2021 05:46:15 +0000

Триесет и еден играч и членови на делегациите на Копа Америка се позитивни на КОВИД-19 до неделата, првиот ден на фудбалскиот турнир во Јужна Америка со 10 нации, соопшти бразилското Министерство за здравство. Други 10 случаи на инфекција се потврдени меѓу вработените кои работат во хотели каде што престојуваат играчи и делегации, изјави министерот за здравство Марсело Квеирога. Потврдата за новите случаи на инфекција доаѓа додека административното и раководното тело на јужноамериканскиот фудбал КОНМЕБОЛ (Конфедерасион судамерикана де футбол) се бранат од обвинувањата за организирање на турнирот. Бразил беше прогласен за домаќин на шампионатот со помалку од две недели известување откако беше одземено од домаќините Колумбија и Аргентина поради бранот граѓански протести и зголемениот број случаи на КОВИД-19.

Катар и Австралија го откажаа настапот на Копа Америка

Бошко Тасиќ — Tue, 16 Mar 2021 20:04:11 +0000

Фудбалските репрезентации на Австралија и на Катар нема да настапат на овогодишното издание на Копа Америка, потврди денеска официјално Јужноамериканската фудбалска асоцијација (КОНМЕБОЛ). Копа Америка, најстарото континентално фудбалско натпреварување во светот што за првпат се одржа во 1916 година, годинава ќе го има своето 47. издание, откако минатата година беше презакажано поради пандемијата на коронавирус. Покрај десетте јужноамерикански репрезентации, годинава на Копа Америка требаше да настапат и Австралија и Катар, но двете репрезентации го откажаа учеството поради пандемијата на Ковид-19. Во минатото на Копа настапуваа Мексико, САД, Јапонија и многу други репрезентации надвор од Јужна Америка, а годинава КОНМЕБОЛ на крајот се откажа од идејата да повика други репрезентации како замена по двете откажувања. Копа Америка, која годинава за првпат во историја ќе се одржи во две држави, ќе го отворат Аргентина и Чиле на 11 јуни на стадионот „Монументал“ во Буенос Аирес Во групата што ќе се игра во Колумбија, покрај домаќинот, се и репрезентациите на Бразил, Венецуела, Еквадор и Перу.Во другата група се домаќинот Аргентина, Чиле, Парагвај, Уругвај и Боливија..

Во брутална секси облека и полу г*ла сакаше да истрча и во финалето на Копа Америка- полицијата ги препозна и најостро ги казни! (ВИДЕО)

Дарко Андоновски — Tue, 09 Jul 2019 09:27:03 +0000

Ѕвездата од финалето на Лигата на Шампионите оваа година Кенси Волански сите ја паметат откако се прошета полугола на теренот, а на истиот потег беше подготвена и во финалето на Копа Америка. Волански заедно со своето момче Виталиј отпатуваа за Рио со една единствена желба да влетаат полуголи во финалето на Копа Америка, но сепак оваа идеја за жал им остана нереализирана поради големото обезбедување и засилените контроли.

View this post on Instagram

Did I distract #8 a little too much?

A post shared by Kinsey Wolanski (@kinsey_sue) on Jun 1, 2019 at 4:51pm PDT

По откривањето на двајцата од страна на полицијата иако биле маскирани, тие биле фатени и уапсени, по што биде притворени.

View this post on Instagram

I’ll admit Copa America you definitely won but we had one hell of an adventure trying ? flew to brazil, dressed up in disguise, made it to our seats and it ended in Vitalys bad ass getting tackled by 20 security guards. We are out of jail and now enjoying our time in Brazil! ❤️ @vitalyzdtv

A post shared by Kinsey Wolanski (@kinsey_sue) on Jul 8, 2019 at 2:06pm PDT

-Изгубивме од Копа Америка. Имавме луда авантура, отпатувавме во Бразил и се облековме како навивачи и дојдовме на нашите седишта на стадионот, но се заврши кобно така што Виталиј е уапсен од 20 полицајци. Сега излеговме од затвор и уживаме во Рио, напиша Кенси на својот Инстаграм профил.