копа дел реј – Kurir.mk

Реал Мадрид – Атлетико Мадрид во 1/4-финалето на Копа дел Реј

Бошко Тасиќ — Sat, 21 Jan 2023 07:16:53 +0000

Во шпанскиот „Кралски куп“ или популарниот Копа Дел реј, се играа осминафиналните дуели. Реал Мадрид, со голем пресврт во вториот дел испеа да го мине Виљареал.

Откако „жолтата подморница“ по првото полувреме имаше водство од 2-0, во второто, го головите на Винициус, Милтао и Себаљос, Реал стигна до победа и пласман во четвртфиналето. Во него, Реал за противник ќе го има градскиот ривал Атлетико.

Останатите двојки за четвртфиналето се: Барселона - Реал Сосиедад, Осасуна - Севиља.и Валенсија - Атлетик Билбао.

Натпреварите од четвртфиналето во „Купот на Кралот“ ќе се играат од 24 до 26 јануари

Реал и Барселона елиминирани од Копа Дел Реј

Ивона Петрова — Fri, 07 Feb 2020 07:23:03 +0000

Шпанските гиганти Барселона и Реал Мадрид испаднаа од Кралскиот куп на Шпанија. Атлетик Билбао ја исфрли Барселона, а Реал Сосиедад го надмина Реал Мадрид. Во Билбао на стадионот „Сан Мамес“ скоро 50.000 гледачи беа сведоци на победа од 1:0 над екипата од Каталонија. Барса имаше теренска предност, како и повеќе удари кон противничкиот гол, но не успеа да реализира ниту една позиција, додека Баскијците успеаја да ја затресат противничката мрежа во 93-тата минута, кога прецизен беше Ињаки Вилијамс. Реал Мадрид пак претрпе пораз од Реал Сосиеда со 3:4 на „Сантијаго Бернабеу“ пред 64.000 навивачи. Мартин Јодегард им донесе предност на гостите во 22-та минута, а 20-годишниот Александар Исак постигна два гола во рок од две минути на почетокот од второто полувреме. Марсело врати еден гол во 59-та минута, но со голот на Микел Мерино во 69-тата веќе беше 4-1 за Сосиедад. Реал Мадрид се мачеше и до крајот постигна уште два гола, чии автори станаа 18-годишните Родриго и Начо Фернадес. Во полуфиналето Реал Сосиедад ќе игра со Атлетик Билбао. Финалниот натпревар за Копа дел Реј ќе се одржи на 18 април во Севиља.

Барселона ја декласира Селта за место во четвртфиналето во „Копа Дел Реј“

Дарко Андоновски — Fri, 12 Jan 2018 08:25:11 +0000

Бранителот на тофејот во фудбалскиот Куп на Шпанија, екипата на Барселона е последниот патник во четвртфиналето на ова натпреварување. Барселона забележа убедлива победа од 5-0 во реванш натпреварот од осминафиналето одигран на „Камп Ноу“. По нерешените 1-1 на првата средба во Виго, каталонскиот тим во реваншот ја покажа сета своја моќ, па веќе за половина час постига четири гола. Лионел Меси за две минути постигна два гола, првиот во 13-та, а вториот две минути подоцна (15). По малото затишје, Жорди Алба во 28.минута беше стрелец на третиот гол, а веќе во 31.минута четвртиот го постигна Луис Суарез. Конечните 5-0 за Барселона ги постави Иван Ракитиќ на три минути пред крајот (87). Со тоа, Барселона го комплетира списокот на осум екипи кои ќе играат во четвртфиналната фаза. Покрај бранителот на трофејот меѓу осумте најдобри во Копа Дел Реј се пласираа и Севиља, Еспаљол, Атлетико Мадрид и Валенсија, Реал Мадрид, Алавез и Леганес, Првите средби од четвртфиналето ќе се играат на 17-ти, а реванш дуелите на 24-ти јануари.