Копа Италија – Kurir.mk

Финалето од фудбалскиот Куп на Италија ќе се игра со публика

Бошко Тасиќ — Thu, 29 Apr 2021 19:34:41 +0000

Финалниот натпревар од фудбалскиот Куп на Италија во фудбал, ќе се игра со ограничен број на навивачи. Тој меч помеѓу Аталанта и Јувентус на 19-ти мај на стадионот на Сасуоло во Реџо Емилија, ќе може од трибините да го гледаат околу 4.700 навивачи, што е 20 проценти од капацитетот на „Мапеи“. Барањето на италијанската фудбалска федерација е одобрено, откако претходно се дозволи и на средбите од Европското првенство кои треба да се играат во Рим, да има публика и тоа 25 проценти од капацитетот на „Олимпико“.

„Старата дама“ прв финалист во Купот на Итталија

Бошко Тасиќ — Tue, 09 Feb 2021 22:20:27 +0000

Италијанскиот фудбалски клуб Интер не успеа да ја надополни негативата од првиот натпревар каде беа поразени од Јувентус со 2:1, па со вечерашните 0;0, Јувентус е тимот кој патува во финалето од Купот на Италија. „Старата дама“ со вечерашното реми успеа да се пласира во големото финале, а таму ги чека подобриот од дуелот Аталанта – Наполи.

Со оглед на тоа дека Јувентус во домашното првенство нема баш добра позиција на табелата и заостанува зад лидерот Милан и второпласираниот Интер, сега е на добар пат со евентуална победа во финалето, да освои трофеј, кој сигурно ќе биде сериозен мотив за крајот на првенството.

Јувентус на чекор до ново финале во Копа Италија (ВИДЕО)

Бошко Тасиќ — Tue, 02 Feb 2021 22:03:05 +0000

Италијанскиот фудбалски шампион Јувентус е многу блиску до уште едно финале од Копа Италија откако вечерва во Милано го совлада Интер со 2-1. Сите три гола беа постигнати во првото полувреме. Домаќинот поведе но не успеа долго да го задржи водството. Виновник за првиот погодок на Интер беше Буфон кој несмасно реагираше и му овозможи на Лаутаро Мартинес да го отвори резултатот. Клучниот момент се случи во 25. минута. По акцијата на Јувентус од левата страна, имаше центаршут кој заврши далеку и од голот и од шеснаесетникот на Интер, но главниот судија Калварезе доби сигнализација од ВАР собата дека Ешли Јанг можеби го фаулирал Квадрадо. Влечење несомнено постоеше, но и во Италија веднаш се појавија критики за досудениот пенал бидејќи Квадрадо немаше апсолутно никакви шанси да дојде до топката. Роналдо од пенал беше прецизен, исто како и десетина минути подоцна кога доби уште еден подарок, но сега од одбраната на Интер која очајно реагираше и му овозможи да дојде до вториот гол на мечот Реваншот во Торино се игра на 9 февруари. https://www.youtube.com/watch?v=2ZXC_PiYoZo&feature=emb_title