копа либертадорес – Kurir.mk

Финалето на Копа Либертадорес ќе се игра на славната Маракана

Бошко Тасиќ — Fri, 10 Mar 2023 05:51:58 +0000

Стадионот Маракана во Рио де Жанеиро, ќе биде домаќин на финалето на овосезонскиот Копа Либертадорес, односно за најдобар клуб во Јужна Америка. Оваа одлука ја објави денеска претседателот на Јужноамериканската фудбалска конфедерација (КОНМЕБОЛ) Алехандро Домингес на социјалните мрежи Овогодинешното финале ќе треба да се игра на 11 ноември. Титулата во елитното натпреварување на Јужна Америка лани го освои Фламенго. Исто така е донесена одлука каде ќе се игра финалето на Копа Судамерикана. Тој дуел ќе се игра во Монтевидео, но дополнително ќе биде одлучено на кој од трите стадиони ќе биде домаќин на натпреварот.

Бразилски Фламенго е најдобар во Јужна Америка

Бошко Тасиќ — Sun, 30 Oct 2022 08:20:30 +0000

Фудбалерите на Фламенго се победници во Купот Либертадорес откако во синоќешното финале ги совладаа сонародниците од Атлетико Параиренсе (1-0) во меч одигран во Еквадор. Решавачкиот погодок го постигна Габриел Барбоса во четвртата минута од судиското продолжение во првото полувреме, по што Бразилците умешно ја задржаа предноста до крајот. Задачата им беше олеснета и со црвениот картон на противничкиот фудбалер Педро Енрике неколку минути пред популарниот Габигол да ја затресе мрежата.

За Фламенго ова е втора титула во ова натпреварување во последните четири сезони, откако триумфираа и во 2019 година, додека во двете години помеѓу во Јужна Америка владееше Палмеираш.

Сцена од Копа Либертадорес која ретко се гледа: Голман ќе постигнеше луд гол од 80 метри да не беше неговиот себичен соиграч (ВИДЕО)

Ристе Здравков — Fri, 29 Apr 2022 12:31:21 +0000

Неверојатна сцена се случи во Копа Либертадорес, каде напаѓач од тимот на Венецуела го украде голот на својот голман, кој ќе постигнеше гол од 80 метри оддалеченост. Ова можеше да биде еден од најдобрите голови во јужноамериканскиот фудбал оваа сезона, но напаѓачот на шампионот на Венецуела расипа сè. Ентони Урибе ја искористи конфузијата кај противничката одбрана и ја „спакува“ топката од гол-линијата во мрежата, а воопшто не мораше да го направи тоа.

😱 ¡Un gol increíble de arco a arco para @DvoTachira! 👀

🇻🇪⚽️ Tras un saque en largo del arquero Cristopher Varela, Anthony Uribe aprovechó el error defensivo de @IndePetrolero para empujar la pelota en la línea.#GloriaEterna pic.twitter.com/FD8eS1969i
— CONMEBOL Libertadores (@Libertadores) April 27, 2022

Да немаше контакт со топката, погодокот ќе го постигнеше Кристофер Варела, голман на неговиот тим, кој со шутирање од казнениот простор по игра на случајност стана асистент. Депортиво од Тачира победи на гостувањето во Боливија кај Индепендиенте Петролеро, а овој момент се случи во 44-та минута од натпреварот. Тоа беше водечки гол за гостинската екипа која само неколку секунди подоцна прими гол за изедначување, но во вториот дел на средбата стигна до победа. Тој триумф би можел да има огромно значење за нивното преоѓање во нокаут фазата на Копа Либертадорес бидејќи сега имаат 4 освоени бодови на половина од групната фаза. За да заземат една од првите две позиции во групата, напаѓачите ќе мора да постигнуваат голови и во наредните 3 кола, но и подобро да бираат можности за тоа. Овој против Индепендиенте секако ќе беше препознаен без контактот на Урибе, а љубителите на фудбалот од целиот свет ќе видеа нешто што не се случува често - гол на голман од сопствениот казнен простор.

Таа го одбележа Копа Либертадорес: Кога ќе дознаете каков проблем и предизвикал големината на „машкоста“ на поранешниот ќе подзинете

Дарко Андоновски — Tue, 30 Nov 2021 13:50:41 +0000

Иако поминаа неколку дена од финалето на Копа Либертадорес во кое Палмеирас го победи Фламенго со 2:1, сепак топ тема во светските медиуми се уште е бразилската пејачка Анита. Имено таа уште еднаш го покажа својот музички талент, а особено сексапил кој го поседува. Таа на сцената пред почетокот на мечот се појави со четири танчарки кои исто така беа провокативно облечени со што дополнително ја запалија сцената. Анита инаку на себе носела комбинација од корсет и мини здолниште од марката „Mugler“ чија вредност е 18.000 долари.

View this post on Instagram

A post shared by Anitta 🎤 (@anitta)

Нејзиниот приватен живот инаку овие денови стана вистински хит низ светските медиуми, па така тие на големо пишуваат за тоа дека таа е бисексуалка и дека во последните неколку години била во врска со бразилски џет сет личности.

View this post on Instagram

A post shared by Anitta 🎤 (@anitta)

Во ноември оваа година таа ја шокираше јавноста откако го откри сексуалниот проблем кој го има со години. -Имам еден здравствен проблем кој се вика циститис на медениот месец. Не можам да имам однос со момчиња кои имаат големи пениси, бидејќи ми го пореметуваат телото следниот ден. Тоа е страшно, не е бактерија, туку мојот претходен партнер удираше толку силно што ми предизвика инфекција, вели Анита која има 28 години.

View this post on Instagram

A post shared by Anitta 🎤 (@anitta)

Колумбија забрани натпревари од Копа Либертадорес и Судамерикана поради Ковид-19

Тале Кристо — Tue, 27 Apr 2021 16:51:14 +0000

Властите во Богота забранија одигрување на два натпревари од јужноамериканските клупски натпреварувања, Копа Либертадорес и Судамерикана, кои се на распоредот оваа недела, поради високиот број заразени со коронавирус во главниот град на Колумбија. Според некои извори, натпреварите, најверојантно, ќе се играат во внатрешноста на Колумбија. Колумбиската престолнина прогласи вонредна состојба поради исклучително влошената здравствена состојба во градот,, што доведе до забрана на „спортски активности, вклучувајќи ги и професионалните фудбалски натпревари“. Двата натпревари на кои се однесува забраната се мечот од Копа Либертадорес меѓу Санта Фе и Флуминенсе, закажан за в среда, и дуелот меѓу Еквидад и Арагуа во рамки на Судамерикана, што треба да се игра в четврток.

Финалето на „Копа Либертадорес“ на „Маракана“ пред празни трибини

Тале Кристо — Wed, 06 Jan 2021 14:55:34 +0000

Финалето на овогодишното издание на „Копа Либертадорес“ ќе се игра на легендарниот бразилски стадион „Маракана“ пред празни трибини, соопшти Јужноамериканската фудбалска конфедерација (КОНМЕБОЛ). – Коронавирусот и натаму се шири низ Јужна Америка и затоа актуелната состојба со Ковид-19 не ни дозволува овој толку важен натпревар да го организираме во присуство на публика, дури ниту пред ограничен број на гледачи, оцени КОНМЕБОЛ Во првото полуфинале на „Копа Либертадорес“, бразилски Палмеирас синоќа триумфираше во Буенос Аирес над Ривер Плата со 3:0, стекнувајќи убедлива предност пред реваншот на 12 јануари во Сао Паоло. Во втората аргентинско – бразилска полуфинална пресметка, Бока Јуниорс вечерва е домаќин на Сантос, а реваншот ќе се игра на 13 овој месец. Финалето на „Копа Либертадорес“ е на програмата на 30 јануари.

Финалето на Копа Либертадорес префрлено во Перу

Ивона Петрова — Wed, 06 Nov 2019 11:22:22 +0000

Финалето на Купот Либертадорес помеѓу Фламенго и Ривер Плејт е префрлено од главниот град на Чиле, Сантијаго, во перуанската престолнина Лима, информира прес-службата на КОНМЕБОЛ. Датумот на финалниот натпревар останува ист – 23 ноември. Оваа одлука е донесена како мерка на безбедност, бидејќи во Чиле се одржуваат големи протести веќе неколку недели. Немирите започнаа на 14 октомври откако властите ги зголемија трошоците за патување со метрото.

„Натпреварот на векот“ – Ривер-Бока ќе се игра во Мадрид

Ивона Петрова — Fri, 30 Nov 2018 08:15:24 +0000

Домаќинот на второто „Суперкласико“ кој ќе одлучи кој ќе биде шампион на Јужна Америка на програмата е на 9 декември со почеток од 20:30 часот, а ќе се одржи на стадионот „Сантијаго Бернабеу“. Јужноамериканската фудбалска конфедерација одлучи да го премести натпреварот не само од Буенос Аирес, туку и од Аргентина поради девијантното однесување на навивачите. Реванш натпреварот на историското финале од Копа Либертадорес меѓу Ривер Плата и Бока Јуниорс ќе се одигра во Мадрид. Навивачите на Ривер пред натпреварот го каменуваа автобусот со фудбалерите на Бока при што неколкумина беа повредени. КОНМЕБОЛ го казни Ривер со одигнување два натпревари пред празни трибини и 400.000 евра парична казна, а по разгледувањето на неколку алтернативни опции за нов домаќин на реваншот, одлуката паднала на Мадрид. И натаму постои можност натпреварот да не се одигра бидејќи Бока најави тужба пред Судот за спортска арбитража во Лозана сметајќи дека Ривер ги прекршил законите за безбедност и сигурностт и бара реванш натпреварот да се регистрира со службена победа за овој тим.

Финалето на Копа Либертадорес би можело да се играат во Европа

Ристе Здравков — Mon, 26 Nov 2018 16:33:58 +0000

Италијанскиот клуб Сампдорија им понуди на Ривер Плата и Бока Јуниорс реванш дуелот од финалето на Копа Либертадорес да го одиграат на неговиот стадион во Џенова. Реванш мечот од финалето беше одложен откако навивачите на Ривер Плата го нападнаа автобусот со фудбалерите на Бока Јуниорс, по што беше изречена забрана за играње на стадионот „Монументал“. Се уште не е јасно кога ќе се одржи меч, а опции за негово оджрување се и Северна Америка и Азија.

Ништо од спектаклот: Незапаметено невреме го одложи дербито меѓу Бока и Ривер (ВИДЕО)

Ивона Петрова — Sat, 10 Nov 2018 20:38:45 +0000

Еден од потенцијално најдобри натпревари во светот, во финалето од Копа Либертадорес, меѓу Бока јуниор и Ривер Плата, е одложен поради невреме. Натпреварот требаше да започне во 21 часот по локално време, но обилните врнежи од дожд не дозволија одигнување на овој натпревар. Судиите излегоа на теренот, утврдија дека топката не може доволно да отскокне, а во тие моменти повторно започнало невреме, по што одложувањето било неизбежно. Невремето денес го погоди Буенос Аирес, а обилните врнежи од дожд траеле неколку часа. Дуелот ќе се игра утре, во 20 часот по средноевропско време, а реваншот е на програма на 24 ноември.

Massive downpour in Buenos Aires threatening the #CopaLibertadores final. About 6 hours away, hopefully there’s enough time for the pitch to be good! #BocavsRiver pic.twitter.com/hvVrCuGju0
— Diego Montalvan (@DMontalvan) November 10, 2018