корбин – Kurir.mk

Корбин ја претстави изборната програма на британските лабуристи

Тале Кристо — Thu, 21 Nov 2019 14:56:59 +0000

Претседателот на британската Лабуристичка партија, Џереми Корбин, денеска ја претстави програмата на својата партија ветувајќи радикални промени и нов договор за Брегзит, доколку победи на вонредните парламентарни избори закажани за 12 декември. Програмата на лабуристите, што е оценета како премногу левичарска, предвидува серија национализации, а за Брегзит се наведува нов договор со Европската унија (ЕУ). Корбин рече дека граѓаните треба да гласаат за тој договор на референдумот што би бил организиран во рок од шест месеци. На тоа гласање Британците ќе можат да одлучат дали се за договор за Брегзит или за останување на земјата во ЕУ. Според анкетите, лабуристичката партија засега е втора далеку зад владеачката Конзервативна партија на прмиерот Борос Џонсон.

„Гардијан“: Најбогатите Британци се селат ако Корбин стане премиер

Тале Кристо — Sat, 02 Nov 2019 15:45:35 +0000

Најбогатите луѓе во Велика Британија се подготвени веднаш да ја напуштат земјата, во случај Џереми Корбин да стане премиер, стравувајќи од можна промена во даночната политика и контрола на капиталот, објави Гардијан. Адвокати и сметководители на најбогатите семејства во Велика Британија велат дека биле „преплавени“ од повици на милијардери и милионери кои бараат помош и совети за избор на земја за преселување, наведува весникот. Во исто време, тие префрлуваат капитал во странство и склучуваат договори за подарок со своите деца, со цел да го избегнат ветувањето на Лабуристичката партија за одданочување наследство чија вредност е поголема од 125.000 фунти. Советниците велат дека потенцијалната влада на Корбин претставува поголема закана за богатството и животниот стандард на еден процент од најбогатите. Џефри Тод, партнер во адвокатската фирма Буд Хетфилд, изјави за весникот дека многу од неговите клиенти веќе подготвиле план за префрлање на богатството од земјата за неколку минути, доколку Корбин биде избран за премиер. „Многу богати луѓе се загрижени дека ќе мора да платат многу поголем данок на богатство и веќе се подготвени за можноста Корбин да формира влада. Трансферите на богатство се веќе осмислени – во многу случаи, недостига само потпис на документот”, нагласува Тод.

Корбин: Се разбира дека ќе отслужам цел мандат ако победат Лабуристите

Дарко Андоновски — Sun, 22 Sep 2019 13:57:47 +0000

Лидерот на главната британска опозициска Лабуристичка партија, Џереми Корбин денеска изјави дека ќе отслужи цел мандат на функцијата премиер ако неговата партија победи на следните парламентарни избори, кои се очекуваат во следните неколку месеци. Коментирајќи ги шпекулациите за тоа дека размислува да се откаже, Корбин (70) денеска за Би-Би-Си изјави дека ќе ги предводи лабуристите на следните избори. На прашањето дали ќе отслужи цел мандат, Корбин одговори „се разбира“.