Кореја – Kurir.mk

Обединетата Кореја не успеа да ги пробие „Панцирите“

Ристе Здравков — Thu, 10 Jan 2019 19:33:28 +0000

Репрезентацијата на Германија со победа од 30-19 (17-10) над Јужна Кореја го отвори Светското првенство во ракомет, на кое се ко-домаќини со Данска. Во Берлин, германските ракометари уште од стартот имаа целосна контрола на резултатот и немаа поголеми проблеми против Корејците, кои за првпат играат под заедничко знаме. „Панцирите“ на полувремето водеа со +7, а потоа рутински ја зголемуваа предноста до конечен триумф од +11. Генсхајмер реализираше 7 гола, додека Фекелер реализираше четири за победничкиот тим. Кај Корејците, Јанг и Канг се истакнаа со по четири гола, а добар меч кај поразениот тим имаше голманот Парк со дури 17 одбрани. Во наредното коло, Германците играат со Бразил, додека Кореја излегува против Русија. Во вториот натпревар од денешната програма, Данска игра против Чиле во Копенхаген.

Пјонгјанг: Наводите на ХРВ за сексуално насилство врз жените во Северна Кореја се измислици

Ристе Здравков — Thu, 01 Nov 2018 14:33:54 +0000

Делегацијата на Северна Кореја во Женева денеска ги демантираше наводите на „Хјуман рајтс воч” (ХРВ) дека сексуалните злоставувања се толку многу распространета практика во земјата што се „прифатени како дел од нормалниот живот“. Оваа е уште еден безуспешен обид од неискрени и непријателски сили, на кои не им се допаѓа моменталнито пат кон мирот, помирувањето, просперитетот и соработката на Корејскиот Полуостров, да се спречи новиот пристап доведувајќи го под знак прашалник така наречениот проблем со човековите права во нашата држава со измислени и неосновани приказни, се посочува во соопштението на севернокорејската делегација. Во синоќа објавениот извештај на ХРВ се навдеува дека севернокорејски функционери, вклучително и високопоставени партиски членови, затворски службеници, полицајци, обвинители и војници вршат сексуална злоупотреба врз жените „без многу загриженост за последиците“. – Стравувајќи од одмазда или јавно дискредитирање, жените најчесто не ги пријавуваат злоупотребите и властите ретко ги испитуваат или гонат такви случаи, се истакнува во извештајот. Невладината организација со седиште во Њујорк интервјуираше над сто Севернокорејци, кои ја напуштиле земјата, меѓу кои и осум поранешни севернокорејски официјални претставници. Неименуван претставник на ХРВ истакна дека голем број интервјуирани жени не разбрале дека наметнатите сексуални односи не треба да бидат секојдневие.

Стапија во сила мерките од воениот договор меѓу Северна и Јужна Кореја

Ристе Здравков — Thu, 01 Nov 2018 09:05:14 +0000

Зона за забрана на летови и забрана за воени вежби во близина на границата меѓу Северна и Јужна Кореја се дел од мерките кои денеска стапија во сила, а се дел од воениот договор склучен во октомври меѓу двете Кореи во Пјонгјанг. Мерките вклучуваат и запирање на „непријателското дејствување“ и постепено отстранување мини и стражарски места во демилитаризираната зона. – Јужна и Северна Кореја во целост ја отстранија опасноста од воен судир согласно воениот договор, изјави јужнокорејскиот претседател Мун Џае-ин во Парламентот. Тој дополни дека двете Кореи и САД ќе постигнат целосна денуклеаризација на Корејскиот Полуостров и „траен мир заснован врз цврста доверба“. САД изразија загриженост дека договорот би можел да ја поткопа одбранбената способност во услови кога бавно се одвива денуклеаризацијата на Северна Кореја, иако Вашингтон вчера го поддржа договорот.

Заврши првиот круг разговори меѓу двајцата корејски лидери

Ристе Здравков — Tue, 18 Sep 2018 10:59:32 +0000

Заврши првиот круг од разговорите на високо ниво меѓу лидерите на Северна и Јужна Кореја. Ким Џонг-ун и Мун Џае-ин разговараа во континуитет два часа. Детали од нивниот состанок засега не се соопштуваат. Според кабинетот на јужнокорејскиот претседател преговорите ќе се концентрираат на тоа како да се постигне денуклеаризацијата, да се намали военото позиционирање меѓу двете Кореји и да се поттикнат врските меѓу нив. Средбата на врвот продолжува до 20 септември. Тоа е трета меѓукорејска средба на врвот од почетокот на годината и петта во историјата на двете корејски држави. Ким денеска му кажал на Мун дека неговата средба со американскиот претседател Доналд Трамп во јуни ја стабилизирала регионалната политичка ситуација и оти очекува повеќе напредок во таа насока. Ким го пофали Мун дека сторил се што е можно за реализирање на „историски самит" меѓу него и Трамп на 12 јуни во Сингапур.

Туск: Кореја и Балкан покажуваат дека ништо не е невозможно

Даниел Василев — Fri, 27 Apr 2018 16:33:39 +0000

Претседателот на Европскиот совет Доналд Туск изјави дека вестите од Кореја и она што во последните денови го доживеал на Балканот покажуваат дека „невозможносто може да стане можно“. „Она што го чув од Кореја и што го доживеав на Балканот во последните денови би требало да биде позитивен потсетник за сите: Невозможното може да стане можно и оти се зависи во целост од добрата волја и храброст на одделни луѓе“, напиша Туск на Твитер. Со учеството на Процесот Брдо Бриони во Скопје, Туск ја завршува неколкудневната балканска турнеја. МИА