Коринт – Kurir.mk

Во пожарот кај грчкиот град Коринт изгореа 5.200 хектари шума

Ивана Ефремовски — Mon, 24 May 2021 14:34:05 +0000

Во пожарот кај грчкиот град Коринт изгореле 5.200 хектари шума, од вкупно 7.100 хектари изгорена површина според анализата на сателитските податоци што ги објавува порталот „Метео“ на грчката Национална опсерваторија, јави дописничката на МИА од Атина. Според истите податоци во периодот 2000-2021 година во Грција биле регистрирани 980 големи шумски пожари, а во секој од нив биле изгорени над 50 хектари шума. Минатонеделниот пожар е меѓу 15 најголеми во изминатите 20 години, односно е на 13-то место според големината, а според изгорената шумска површина е најкатастрофалниот во последните десет години. Пожарот избувна во средата вечерта, активен беше неколку дена, а беа евакуирани голем број населби и манастири во пошироката околина. (МИА)

Евакуирани села и манастири: Голем пожар во близина на Коринт во Грција

Тале Кристо — Thu, 20 May 2021 06:27:36 +0000

Најмалку шест села и два манастири беа превентивно евакуирани, поради големиот пожар што изби доцна синоќа во близина на Коринт во Грција, јави дописничката на МИА од Атина. Грчката противпожарна служба со 182 пожарникари, седум пешадиски тимови, 62 возила, со 17 авиони, три хеликоптери и со помош на цистерни од општината и волонтери, се обидува да го стави под контрола пожарот. Портпаролот на противпожарната служба на Грција Василис Ватракојанис за грчката новинска агенција АНА-МПА вели дека прават се што можат за да се ограничат огнените јазици. Пожарот е во планински дел, а полицијата во одредени делови го прекина сообраќајот за возила.

Вонредна ситуација во дел од Грција: Повеќе од 260 пожарникари гаснат пожар, вклучена и воздушна флота

Магдалена Андонова — Fri, 24 Jul 2020 07:00:09 +0000

Веќе втор ден грчките пожарникари се борат со шумскиот пожар кој избувна во источниот дел на Пелопонез. Пожарот избувнал во средата, но до вечерта во четврток пожарникарите не успеале да го совладаат, а локалние жители и туристите морале да се евакуираат, за да не се доближи пожарот до населбите. Градоначалникот на Коринт изјавил дека пожарот е надвор од контрола и прогласил вонредна состојба во тој регион, пренесува BBC. Повеќе од 260 пожарникари, 10 хеликоптери и 10 авиони учествувале во гаснење на пожарот. - И покрај тоа што цела воздушна флота е вклучена во гаснење на пожарот, ситуацијата не е под контрола, изјавил градоначалникот Василис Нанопулос. За сега не било пријавено дека некој од граѓаните се здобил со повреди или настрадал.