корисници – Kurir.mk

Корисниците на парното од ЕЛЕМ Енергетика за недела-две се очекува да добијат субвенционирани сметки

Магдалена Андонова — Thu, 20 Oct 2022 13:14:22 +0000

Генералниот директор на АД ЕСМ, Васко Ковачевски денеска соопшти дека корсиниците на парното од ЕЛЕМ Енергетика во наредниот период ќе ги добијат сметките за плаќање. Како што информира Ковачевски, ЕСМ очекува да биде прифатено субвенционирањето на тие сметки, а постапката е во тек. -Корсиниците на парното од ЕЛЕМ Енергетика, во делот на Гази Баба, ќе ги добијат сметките. Се уште немаше одлука од Влада за субвенционирање. Ние имаме испратено информација до Владата, таа веќе е во процедура и очекуваме да се прифати субвенционирањето на тие сметки, односно на тие граѓани. Во наредниот период граѓаните ќе ги добијат сметките за плаќање на парното. Ако ги испорачавме вака, сега, сметките ќе беа повеќекратно повисоки и ќе се создадеше непријатна ситуација. Очекуваме оваа или наредната недела да имаме сметки со цени кои ги признава и прифаќа Регулаторната комисија за енергетика, рече Ковачевски.

Субвенциите, потврди, не се исплатени. -Сега ќе бидат пресметани со новите цени сметките на граѓаните. Во делот на исплатата имаме отворено наменска сметка за топлинска енергија. На таа сметка во јануари или февруари имаме добиено околу 360 милиони денари и со Владаа ќе направиме порамнување. Дополнително сега имаме добиено уште 1,1 милијарда денари за топлинската енергија во Скопје, за проработување на трите нови ДОО-ели на АД ЕСМ за набавка на гасот за октомври и за следните набавки кои следуваат наредната недела, напомена Ковачевски. (МИА)

КОРИСНИЦИТЕ НА ЕПЛ УШТЕ ДЕНЕС ДА ГО НАПРАВАТ ОВА – еве на што ги предупреди гигантот особено сопствениците на Ајфон

Дарко Андоновски — Fri, 19 Aug 2022 15:43:08 +0000

Tехнолошкиот гигант „Епл“ (Apple) ги упатува корисниците на неговите телефони, таблети и компјутери да ги обноват софтверите откако компанијата откри ранливости што овозможува хакерите да влезат во оперативниот систем на апаратите. Во известување за безбедноста објавено синоќа, „Епл“ наведува дека ранливоста ги засега ајфоните од моделет 6с и подоцнежните модели, Ајпад 5. генерација и подоцнежните модели, Ајпад ер 2, Ајпад мини 4 и подоцнежните модели, сите Ајпад про модели и Ајпод тач 7. генерација. Проблемот може да е присутен и во компјутерите Мак кои работат на различни оперативни системи. Агенцијата за кибербезбедност и инфраструктура на САД ги охрабрува корисниците „да ги направат сите потребни обнови што поскоро“.

Во мобилната телефонија 1 941 352 претплатници, 425.646 фиксни линии

Ивона Петрова — Mon, 18 Apr 2022 05:45:57 +0000

Бројот на активни претплатници во мобилна телефонија во четвртиот квартал лани изнесувал 1.941.352. Од нив резиденцијални припејд претплатници се 780.098, а постпејд 912.660, додека деловни постпејд се 248.595, покажуваа најновите податоци на Агенцијата за електронски комуникации (АЕК). Пристап до интернет со широк и тесен опсег преку мобилна мрежа во четвртиот квартал лани имале 1.416.911 претплатници. Најголем удел во вкупниот број претплатници има Македонски телеком со 48, 2 проценти, по што следи А1 Македонија со 48,04, па Лајкамојал со 2,53 проценти, Роби со 1,21 процент и Грин мобиле со 0,02 проценти. Најголем удел од приходи, пак, има А1 Македонија со 49,37 проценти, пред Македонски телеком со 47,55 проценти. Според извештајот на АЕК, во последниот квартал лани се реализирани вкупно 1.485.329.432 минути сообраќај. Остварени се 4.400.712 минути сообраќај од претплатници на домашен оператор кои роамирале надвор од државата. Вкупниот број на фиксни линии (сите технологии) во последниот квартал лани изнесува 425.646, а остварени се 30.860.048 минути сообраќај. Најголем удел во бројот на претплатници има Македонски телеком со 52,62 проценти, по што следи А1 Македонија со 40,85 проценти, па Роби со 4,38 и Неотел со 2, 14 проценти.

Половина од сопствениците на криптовалути лани влегоа на пазарот

Ристе Здравков — Tue, 05 Apr 2022 11:18:03 +0000

Речиси половина од сите сопственици на криптовалути во САД, Латинска Америка и азиско-пацифичкиот регион купија дигитални средства за прв пат во 2021-ва година. Ова го покажуваат податоците од студијата на американската крипто-берза „Gemini“, цитирана од „Reuters“. Истражувањето, спроведено помеѓу ноември 2021-ва и февруари 2022-ра година, опфати речиси 30.000 луѓе од 20 земји. Резултатите покажуваат дека 2021-ва година беше исклучително силна за крипто-пазарот, при што инфлацијата го стимулира усвојувањето на дигитални средства, особено во земјите чии валути претрпеа потешка девалвација. Бразил и Индонезија се светски лидери во дистрибуцијата на криптовалути, велат експертите на „Gemini“. Во овие две земји, 41% од испитаниците изјавиле дека поседуваат криптовалута, во споредба со 20% во САД и 18% во Обединетото Кралство. 79% од сопствениците на криптовалути велат дека избрале да купат дигитални средства за нивниот долгорочен инвестициски потенцијал. Луѓето кои моментално не поседуваат криптовалута и живеат во земји кои доживеале девалвација на валутата во однос на американскиот долар имаат повеќе од пет пати поголеми шанси да купат криптовалути како осигурување од инфлација. Само 16% од испитаниците во САД и 15% во Европа веруваат дека криптовалутите можат да обезбедат заштита од инфлација, во споредба со 64% во Индонезија и Индија. Индиската рупија падна за 17,5% во однос на доларот во последните пет години, додека индонезиската рупија падна за 50% помеѓу 2011-та и 2020-та година. Само 17% од Европејците велат дека поседуваат дигитални средства од 2021-ва година, а само 7% од оние кои моментално не поседуваат криптовалути велат дека имаат намера да купат дигитални средства во одреден момент. Биткоинот, најпопуларната криптовалута, го достигна својот историски максимум од повеќе од 68.000 долари во ноември, зголемувајќи ја вредноста на пазарот на криптовалути на 3 трилиони долари. Во моментов, цената на најактивно тргуваната криптовалута е нешто повеќе од 46.000 долари.

Телеграм вчера доби 70 милиони нови корисници благодарение на падот на Фејсбук

Тале Кристо — Tue, 05 Oct 2021 19:46:55 +0000

Апликацијата Телеграм вчера доби повеќе од 70 милиони нови корисници благодарение на шестчасовната блокада на Фејсбук и услугите за пораки како што се Ватсап, Инстаграм и Месинџер, изјави денеска нејзиниот основач Павел Дуров. Фејсбук ја припишува блокадата на „погрешната промена на конфигурацијата“, што спречи 3,5 милијарди нивни корисници да пристапат до услугите Ватсап, Инстаграм и Месинџер. Проблемот предизвика глобален пад на системот што траеше повеќе од шест часа. „Дневната стапка на раст на Телеграм ги надмина сите очекувања. Ги пречекавме бегалците од други платформи, над 70 милиони од нив за еден ден”, напиша Дуров на својот канал на Телеграм. Тој додаде дека некои корисници во Северна и Јужна Америка можеби имале мали потешкотии, бидејќи милиони луѓе брзале кон Телеграм, апликација за текстуална и мултимедијална порака на уреди со Android, iOS и Windows во исто време, но услугата вообичаено добро функционирала за повеќето корисници. Русија соопшти дека овој инцидент покажа дека Москва била во право кога развила свои суверени интернет платформи и социјални мрежи.

Без вода утре дел од корисници од општина Карпош

Тале Кристо — Sun, 24 Jan 2021 18:30:02 +0000

Од 9 часот утре без вода ќе бидат корисници на дел од ул. „Атинска“, бул. „Митрополит Теодосиј Гологанов“ згради бр.72 и 74 и пунктот на Пожарна во општина Карпош, соопшти РЦУК по известување од ЈП „Водовод“. Прекинот на водоснабдувањето ќе биде поради промена на два затворача од Ф-400мм на бул. „Митрополит Теодосиј Гологанов“ на крстосница со бул. „8 Септември“ во населба Тафталиџе и ќе трае до завршување на интервенцијата.

Зголемен број на корисници на апликацијата Сигнал

Магдалена Андонова — Thu, 14 Jan 2021 10:04:22 +0000

пликацијата за испраќање пораки Сигнал забележа драстичен пораст на бројот на корисници откако апликацијата ВацАп ги смени правилата. ВацАп ги смени правилата и набрзо корисниците на апликацијата ќе мора да ги споделат своите податоци со Фејсбук и Инстаграм. По промената на правилата, апликацијата Телеграм соопшти дека има над 500 милиони активни корисници во светот. (МИА)

Шведска не успеа да ги заштити корисниците на домови за стари лица

Тале Кристо — Tue, 24 Nov 2020 13:44:44 +0000

Шведскиот инспекторат за здравство и социјална заштита (ИВО) денеска соопшти дека открил сериозни недостатоци во грижата за штитениците на домовите за стари лица во кои илјадници луѓе починале од Ковид-19. Коронавирусот ги „опустоши“ домовите на стари лица во првиот бран на пандемијата, поради што премиерот Стефан Лофвен во мај призна дека земјата не успеала да ги заштити своите постари граѓани. – Во својата истрага, ИВО утврди сериозни недостатоци на регионално ниво кога станува збор за згрижувањето што се обезбедува на луѓето што живеат во домови за стари лица, изјави Софија Валстром, генералната директорка на ИВО. ИВО информира дека ниту еден од 21 шведски регион не бил доволно одговорен околу лекувањето на заразени жители на домови, при што една петтина од пациентите немале индивидуална лекарска процена. После затишјето во текот на летото, инциденцата на коронавирус повторно се зголеми за време на вториот бран на пандемијата. Корисниците на домовите за стари лица сочинуваат речиси половина од над 6.400 смртни случаи од Ковид-19 во Шведска.

Прекин на водоснабдувањето кај корисниците од улица „Гемиџиска“

Магдалена Андонова — Tue, 04 Aug 2020 10:32:15 +0000

Поради дефект на огрлица Ф 5/4 на улица „Гемиџиска“ 44-Б, прекинато водоснабдување ќе имаат корисниците од оваа улица во скопската населба Железара. Водоснабдувањето ќе биде прекинато од 11:50 часот до завршување со активностите. (МИА)

Австралиска агенција го тужи „Гугл“ поради измама на корисниците

Магдалена Андонова — Mon, 27 Jul 2020 09:28:46 +0000

Австрилската агенција за конкурентност и заштита на потрошувачите (АЦЦЦ) покрена судска остапка против „Гугл“ (Google), тврдејќи дека компанијата ги измамила своите потрошувачи како во значителна мерка би собрала податоци од повеќе причини, вклучително и целно рекламирање. АЦЦЦ пред австралискиот Сојузен суд се обидува да докаже дека „Гугл“ прописно не ги информирал своите корисници и не добил дозвола за одлуката од 2016 година за обединување на нивните лични податоци од „Гугл“ со нивните активности со другите страници, што не се поврзани со најпознатиот интернет пребарувач, при тоа користејќи ја „Гугл“ технологијата. АЦЦЦ го обвинува „Гугл“ за користење на таквите обединети информации со цел да го унапреди комерцијалниот ефект на рекламирањето. – Веруваме дека голем број потрошувачи, ако им бил понуден информативен избор, можеби би одбиле „Гугл“ да ги обедини и користи нивните податоци за финансиска добивка на компанијата, изјави претседателот на АЦЦЦ, Род Симс. „Гугл“ ги отфрла обвиненијата за измама на клиентите, истакнувајќи дека промените воведени во 2016 година биле необврзни и оти потрошувачите биле замолени за нивна дозвола. (МИА)