короанвирус – Kurir.mk

За една седмица зголемен бројот на починати од Ковид-19 во Грција

Тале Кристо — Tue, 22 Nov 2022 15:26:16 +0000

За 23 отсто се зголемил бројот на починати од Ковид-19 во Грција, а за четири проценти се намалил бројот на заразени во периодот од 14 до 20 ноември 2022 година, согласно неделниот извештај на Националната организација за јавно здравје (ЕОДИ), јави дописничката на МИА од Атина. За една седмица биле регистрирани 53.800 случаи, од кои 27 проценти се реинфекции, а починаа 147 лица. Во конкретниот период биле направени 674.813 тестови, со стапка на позитивност 7,97 отсто. На одделите за интензивна нега во грчките болници 89 пациенти се приклучени на апарати, осум повеќе од минатата седмица. Од почетокот на пандемијата во Грција се потврдени 5.360.506 случаи на Ковид-19, а починаа 34.178 лица.

Нови 21 случај со коронавирус во земјава

Ристе Здравков — Tue, 26 Apr 2022 12:03:36 +0000

Согласно податоците од Институтот за јавно здравје, Министерството за здравство информира дека во последните 24 часа: Направени се 893 тестови, а регистриран е 21 нов случај на КОВИД-19: Скопје – 15, Битола – 3, Кавадарци, Кичево и Виница – по 1. Од вкупниот број на позитивни (21), не се регистрирани реинфекции. Регистрирани сe 89 оздравени пациенти од: Скопје – 53, Битола – 16, Прилеп – 6, Велес – 4, Кавадарци и Куманово – по 3, Штип – 2, Кичево и Тетово – по 1. Во текот на изминатите 24 часа е регистрирано едно починато лице од : Прилеп (72г), починато во болнички услови. Согласно Регистарот на умрени лица со дијагноза КОВИД-19 од Мој Термин, дополнително не се регистрирани починати лица . Направени се 893 тестови преку: ИЈЗ-44, ЦЈЗ Скопје-0, ЦЈЗ Битола-0, ЦЈЗ Прилеп-24, ЦЈЗ Тетово-0, ЦЈЗ Куманово-1, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-20, Авицена-0, Биотек-32, Систина-25, лабораторија Лаор-0, Синлаб-0, Ремедика-0, Плодност-10, Генеа-0, Никоб Лаб-146, ВФВ Медикал-13, Ели Медика Плус-7, Ројал Медика–0, Спектра-ММ-0, Рапид Лаб–16, Жан Митрев Струмица–3, Нова Лаб Дијагностика–0, Рамус-0, ЈЗУ и ПЗУ (рапид тест) – вкупно 552.. Досега во земјата се направени вкупно 2.012.168 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 309.229, бројот на оздравени пациенти е 299.391, на починати е 9.277, а бројот на активни случаи изнесува 561. Дистрибуција по градови Заболени (вкупно), Активни случаи (вкупно) Скопје 145362, Активни 304 Куманово 16627, Активни 11 Битола 15235, Активни 97 Прилеп 14125, Активни 21 Тетово 13447, Активни 10 Кавадарци 10625, Активни 19 Велес 9757, Активни 17 Гостивар 9573, Активни 4 Охрид 8825, Активни 17 Струмица 8048, Активни 8 Штип 8011, Активни 10 Кичево 5607, Активни 9 Кочани 5072, Активни 2 Струга 4715, Активни 4 Гевгелија 4398, Активни 2 Неготино 3677, Активни 3 Ресен 2712, Активни 1 Свети Николе 2624, Активни 1 Радовиш 2528, Активни 3 Крива Паланка 2413, Активни 0 Делчево 1971, Активни 2 Дебар 1673, Активни 0 Берово 1645, Активни 5 Валандово 1485, Активни 4 Виница 1389, Активни 2 Пробиштип 1265, Активни 0 Богданци 1019, Активни 0 Кратово 963, Активни 1 Крушево 926, Активни 0 Демир Хисар 828, Активни 1 Македонски Брод 736, Активни 0 Демир Капија 593, Активни 2 Македонска Каменица 523, Активни 1 Пехчево 486, Активни 0 Дојран 346, Активни 0

Во Кина казнети 26 функционери – не презеле доволно мерки за да се спречат нови случаи на ковид

Ристе Здравков — Fri, 24 Dec 2021 14:14:06 +0000

Ксиан денеска пријави 49 нови случаи на заразени со коронавирус, а од почетокот на месецот бројот на новозаболени е зголемен на 250 Централната дисциплинска комисија на Кина казни 26 претставници на кинеската Комунистичка партија затоа што не сториле доволно за да се спречи ново избивање на епидемија на коронавирус во северниот град Ксиан. Официјалните лица добија опомена за „недостиг на строгост во превенцијата и контролата на епидемијата“, се вели во соопштението на Комисијата. Ксиан денеска пријави 49 нови случаи на заразени со коронавирус, а од почетокот на месецот бројот на новозаболени е зголемен на 250. Властите наредија затворање на градот со 13 милиони жители во средата, еден месец пред почетокот на Зимските олимписки игри во Пекинг.

СЗО ја одобри индиската вакцина за итна употреба

Ристе Здравков — Wed, 03 Nov 2021 14:41:41 +0000

Светската здравствена организација даде дозвола за итна употреба на индиската вакцина против коронавирус, „коваксин“. СЗО утврди дека вакцината „коваксин“ ги исполнува стандардите на СЗО за заштита од ковид-19, и дека бенефитот од вакцината е далеку поголем од ризиците. Вакцината може да се стави во редовна употреба , соопшти СЗО.

🆕 WHO has granted emergency use listing (EUL) to #COVAXIN® (developed by Bharat Biotech), adding to a growing portfolio of vaccines validated by WHO for the prevention of #COVID19. pic.twitter.com/dp2A1knGtT
— World Health Organization (WHO) (@WHO) November 3, 2021

Вакцината беше развиена од индиската компанија „Барат Бајотек“ во соработка со Националниот институт за вирусологија.

Директорка на СТО: КОВАКС засега не ја исполни целта

Ивона Петрова — Wed, 14 Jul 2021 07:20:55 +0000

Програмата КОВАКС за рамномерна испорака на вакцини против Ковид-19 низ целиот свет не успеа да ја исполни целта, бидејќи некои земји беа во можност да понудат повеќе пари и да направат резерви, смета генералната директорка на Светската трговска организација (СТО), Нгози Окоњо-Ивеала. – Недостигот во набавката го одреди однесувањето, истакна Окоњо-Ивеала за време на онлајн интервјуто за Атлантскиот совет, но не именуваше на кои земји мисли. Таа додаде дека многу земји ја поддржале програмата КОВАКС, но истовремено купувале вакцини и на тој начин му ги ускратувале на КОВАКС, поради што глобалната програма за вакцинација се бори да ги достави набавките. Генералниот директор на СЗО, Тедрос Аданом Гебрејесус, претходно предупреди дека смртноста од Ковид-19 повторно се зголемува, делта сојот на коронавирусот станува доминантен, а многу земји сè уште не добиле доволно вакцини за да ги заштитат своите здравствени работници. – Глобалниот јаз во снабдувањето со вакцини е исклучително голем, снабдувањето е нерамномерно и нефер. Некои држави и региони нарачуваат милиони вакцини за да ја дадат третата доза, додека некои земји не успеаја да ги вакцинираат ниту своите здравствени работници, ниту најранливите групи на населението, предупреди Гебрејесус.

Австрија ги олеснува епидемиолошките мерки од 19 мај: Се отвораат угостителски објекти, спортот и туризамот

Магдалена Андонова — Fri, 23 Apr 2021 15:42:27 +0000

Австрискиот канцелар Себастијан Курц денес објави дека ублажувањето на епидемиолошките мерки во целата земја ќе следи од 19 мај. - Среќен сум што предвидувањата се остварија. Можеме да се вратиме во нормала до лето. Се наоѓаме на последните метри од пандемијата - потенцира Курц на прес-конференцијата, пренесува Танјуг. Тој најави дека мерките ќе бидат релаксирани од 19 мај, а со тоа и отворање на угостителски објекти, спорт, туризам ... Во врска со ова, тој истакна дека граѓаните ќе го користат таканаречениот „зелен пасош“, доказ за прележан коронавирус, тестирање или вакцинација, за пристап до овие установи. Тој посочи дека, иако сегашната состојба изгледа добро, таа ќе продолжи да се следи со цел навремено да се реагира во случај на влошување. Училиштата ќе започнат нормално да работат од 26 април, ученици од основните училишта секој ден, и постари лица во смени.

Србија се надева на „мирно лето” до крајот на јуни

Ристе Здравков — Thu, 08 Apr 2021 18:29:50 +0000

На Србија во моментот не и е потребна задолжителна вакцинација, изјави денеска српската премиерка Ана Брнабиќ, коментирајќи го ставот на Европскиот суд за човекови права дека задолжителната вакцинација е „неопходна во демократско општество“. "Засега има голем интерес и нема причина да размислуваме за воведување задолжителна вакцинација. Имаме луѓе кои самите аплицираат за вакцинација", рече Брнабиќ, зборувајќи во контекст на вакцинирањето на населението од коронавирус, иако одлуката на Европскиот суд се однесуваше на заразни болести. Брнабиќ посочи дека „Србија се фокусира на своите граѓани“, но дека одлучила да донира уште 10.000 дози вакцини на Сараево, со цел да им помогне на пријателите и соседите во борбата против епидемијата. Претходно денес, државниот секретар на Министерството за здравство Мирсад Џерлек за Радио Телевизија Србија изјави дека вчера, откако вакцината им била дадена на граѓаните кои не се пријавиле преку електронскиот систем, околу 22 000 лица кои немале закажано, ја примиле вакцината. Според него, од почетокот на масовната вакцинација, на крајот на декември 2020 година, вкупно 1.578.800 граѓани на Србија досега ја примиле првата доза, а 1.130.000 биле целосно вакцинирани со првата и втората доза. „Мора да продолжиме со сегашното темпо за да излеземе од оваа тешка состојба“, рече Џерлек, оценувајќи дека во Србија „полека се буди свеста на луѓето кои разбираат дека без вакцинација е невозможно да се излезе од пандемијата“. Во обид да се забрза кампањата за имунизација што забавува, и покрај милиони дози на купени вакцини и воспоставениот електронски систем за регистрација и контрола на известување, Србија од вчера овозможи вакцинирање без претходна регистрација преку државниот е-систем. Но, епидемиолошките податоци и вчера и денеска покажуваат дека бројките не опаѓаат како што се очекувало со неодамнешното воведување на не толку строгото затворање. Во последните 24 часа 41 лице починало од ефектите на ковид во Србија, 42 починале вчера, а од 16.055 тестирани примероци, потврдени се нови 3.625 нови инфекции, додека вчера имало 3.615. Денеска имало 7929 лица на болничко лекување, 265 на респиратори и 7938 на апарати за дишење. Од почетокот на епидемијата, потврдени се вкупно 633.013 случаи, починале 5.620 пациенти со стапка на смртност од 0,89 проценти, а официјално е објавено тестирање на 3.547.832 примероци. Српските здравствени власти се убедени дека, доколку сегашното темпо на вакцинација продолжи, Србија може да постигне „одличен резултат што ќе овозможи мирно лето“ до крајот на јуни.

ДУИ се спрема за гласање на дијаспората, Османи јавно побара отворање граници без ограничувања

Љупчо Цветаноски — Tue, 23 Jun 2020 10:04:57 +0000

Вицепремиерот за европски прашања Бујар Османи на неговиот Фејсбук профил напиша дека е време да се отвораат границите без никакви ограничувања. – Време е да ги отвориме аеродромите и границите без ограничувања!”, напиша вицепремиерот Османи. Можноста за целосно отворање на границите без сегашните услови, односно задолжителен ПСР тест и самоизолација ќе биде тема на разговорот со Комисијата за заразни болести и денеска, по што ќе се донесе соодветна одлука. Благодарение на желбите на ДУИ, слично на оние на СДСМ кои инсистираа на брзи избори па ги укинаа мерките - резултатите ги знаете, дали Македонија повторно ќе биде ковид-жртва на нечии изборни интереси. Интереси, кои по правило - на 10-ти план го ставаат здравјето на граѓаните...

Во Албанија 361 лице заразено со Ковид-19, излекувани 104, починати 20 лица

Тале Кристо — Sun, 05 Apr 2020 12:04:11 +0000

Во Албанија дијагностицирани се нови 28 случаи со Ковид-19, меѓу нив и едно дете, со што официјалната бројка на заразени со новиот коронавирус се зголеми на 361 лице. -Во последните 24 часа се тестирани примероците на 149 лица за кои постоеше сомневање дека се можни носители на вирусот, при што позитивни резултат се добиени кај 28 од нив, со што вкупната бројка се зголеми на 361 лице. До сега 104 се излекувани,информираше Албана Фицо директорка на Институтот за јавно здравје. Според неа, регистрирани се две нови жртви, 84-годишна жена од Тирана која пред четири дена била хоспитализирана во Инфективната клиника и 80-годишна жена од Скадар која починала во болницата во овој град, со што вкупната бројка на почнати се зголеми на 20 лица. -Во Инфективната клиника во Тирана хоспитализирани се 64 пациенти од кои пет се на интензивна нега, додека еден е интубиран. Во болницата „Шефќет Ндроќи“ се седум пациенти, од нив шестмина на интензивна терапија од кои двајца се интубирани, рече Фицо. И понатаму најголем број од заразените се од Тирана, односно 174. Според оценката на Фицо, зголемениот број заразени од Ковид 19 се должи на непочитување на мерките и препораките, пред се да не се излегува од дома и неодржување социјална дистанца.