коронавириус – Kurir.mk

ЕМА: Рано е да се препорача трета доза на вакцина против Ковид-19

Тале Кристо — Fri, 06 Aug 2021 14:31:14 +0000

Сe уште нема доволно податоци за да се препорача употреба на третата, засилувачка доза, соопшти денеска Европската агенција за храна и лекови (ЕМА), откако некои земји од ЕУ наведоа дека ќе почнат да ја даваат трета доза вакцини против Ковид-19 на најранливиот дел од населението во септември. ЕМА кон средината на јули соопшти дека се потребни повеќе податоци пред да се даде препорака за зголемена доза, но најголемите земји од ЕУ како Германија и Франција продолжуваат со плановите да дадат засилувачка доза во секој случај -Прерано е да се потврди кога ќе биде потребна засилувачка доза на вакцина против Ковид-19, бидејќи сe уште немаме доволно податоци од вакцинации и тековни студии за да утврдиме колку долго трае заштитата од постојните дози, велат од ЕМА.

Одложени следните три меча на Сан Антонио поради Ковид-19

Бошко Тасиќ — Wed, 17 Feb 2021 06:29:05 +0000

Три натпревари од регуларната сезона во НБА лигата на кои требаше да настапи тимот на Сан Антонио Спарс се одложени поради зголемен број на заразени со коронавирусот во рамките на самиот клубот. Во понеделникот, мечот на Сан Антонио со Детроит беше одложен откако беше откриен случај на коронавирус кај еден од кошаркарите на оваа екипа. Во карантин влегоа и неколку други играчи на Сан Антонио кои биле во близок контакт со него. Денеска НБА лигата потврди дека има уште четири случаи на заразени во тимот. Затоа веднаш се одложени средбите кои тимот на Грег Попович требаше да ги игра со Кливленд на 18 февруари, Њујорк 20 февруари и Индијана 23 февруари.

Советот за одбрана на Франција ќе расправа за идните мерки за борба против епидемијата

Тале Кристо — Mon, 28 Dec 2020 12:11:22 +0000

Состанок на Советот за одбрана на Франција е предвиден за утре на кој ќе се разгледува состојбата со пандеммијата во државата. Состанокот се одржува само два дена по почетокот на вакцинацијата и се очекуваат повеќе ограничувачки мерки за одредени региони како што побараа неколку градоначалници, јави дописникот на МИА. Највата за одржување на состанок на Советот за одбрана, е во момент кога неколку градоначалници, особено од Гранд Ест, се загрижени за зголемениот број новозаразени со Ковид-19. Министерот за здравство, Оливие Веран, не ја исклучи вчера можноста за нови, трети мерки за спречување на ширењето на вирусот. Властите стравуваат од трет бран неколку недели по празниците на крајот на годината. Франција вчера регистрираше 8.822 нови случаи на Ковид-19 за 24 часа. Француската кампања за вакцинација симболично е почната во две болнички структури за стари лица во Севран, во Сена-Сен Дени, потоа во Дижон. Вкупно, повеќе од 2,55 милиони случаи на Ковид-19 се потврдени од почетокот на епидемијатаво Франција, вклучително и повеќе од 20.000 во петокот.

Во Албанија денес најголем број новозаразени, починати,но и хоспитализирани со Ковид-19 досега

Тале Кристо — Sun, 01 Nov 2020 18:01:23 +0000

Во последното деноноќие во Албанија регистрирани се најголем број новозаразени, почнати, но и хоспитализрани со Ковид-19 до сега од почетокот на пандемијата. -Од направените 1.472 тестови на сомнителни случаи позитивен резултат е добиен кај 327 ли 22,2 отсто од тестраните,што е нов негативен рекорд. Во исто време битката со опасниот вирус ја изгубија девет пациенти,што исто така е најголема бројка на починати во едно деноноќие до сега,информираше Минстертвото за здрство и социјална заштита. Се додава дека она што посебно загрижува, исто така, е секојдневното зголемување на бројот на оние на кои им е потребно болничко лекување.Во моментов, во трите ковид болници се лекуваат 293 пациенти. До сега направени се 126.792 теста, Ковид-19 е дијагностициран кај 21.202, оздравени се 11.246( со последните 57) починале 518 а активни на болеста се 9.438. Лидерот на опозицијата Љуљзим Баша денеска обвини за колапс во здравствениот систем, што посебно го илустрираше со самоубството на 52-годишен ковид пациент кој во три часот наутро скокнал од четвртиот кат на болницата. Според болничкиот картон претходно тој немал ментални здравствени проблеми. Тој и денес побара да се прават најмалку 2.500 тестови и лекуввњето на биде бесплатно, бидејќи, како што рече, многу заразени не се јавуваат бидејќи немаат пари за лекување.

Словенија е загрижена за повторното ширење на коронавирусот во Хрватска

Магдалена Андонова — Tue, 23 Jun 2020 08:28:34 +0000

Словенија е загрижена поради повторното ширење на Ковид-19 во соседна Хрватска, јави дописникот на МИА од Љубљана. И покрај тоа што за Националниот институт за јавно здравје состојбата во Хрватска сè уште е под контрола и земјата е во групата на епидемиолошки безбедни, сепак од Владата објавија дека со загриженост следат што се случува во Хрватска. За словенечкиот министерот за здравје Томаж Гантар, Хрватска полека станува небезбедна земја во однос на ширењето на коронавирусот. – Загрижен сум за тоа што се случува во Хрватска и се плашам дека ситуацијата дополнително ќе се влоши. Во случај ако се утврди дека поголем дел од новозаразените со коронавирусот во Словенија се увезени случаи од Хрватска или ако пак во соседната земја продолжи да се шири вирусот, тогаш сите оние кои доаѓаат од Хрватска во Словенија ќе мораат да одат во карантин, бидејќи земјата ќе биде ставена на „црвената листа“, изјави Гантар. Инаку, во Хрватска сега се регистрираат по дваесетина нови случаи дневно, што претставува големо зголемување, имајќи предвид дека изминатите недели имаше многу денови без новозаразени. (МИА)

Допрва ќе се испитува трагедијата: Дали 14 годишното девојче кое почина утрово имало коронавирус?

Дарко Андоновски — Sat, 16 May 2020 16:42:22 +0000

Девојчето утрово било донесено во струшката болница во тешка здравствена состојба со повраќање, а претходно имала и температура. На четиринаестгодишното девојче од струшкото село Лабуништа кое утрово почина на пат кон Ургентниот центар во Скопје, му било земено брис за да се испита дали евентуално било позитивно на новиот ковид-19. Ова го соопшти директорот на болницата, Мухамед Асани. Девојчето утрово било донесено во струшката болница во тешка здравствена состојба со повраќање, а претходно имала и температура. Било препратено во Скопје, но по пат починала. Во ова струшко село имаше голем број на смртни случаи како последица на новиот вирус.