коронавирусот – Kurir.mk

ФЕНОМЕН: Примил шест ковид-вакцини

Катерина Бојаџиева — Tue, 02 Nov 2021 08:13:13 +0000

Лидерот на Либерално-демократската партија на Русија, Владимир Жириновски објави дека досега примил вкупно шест дози вакцини против коронавирусот. – Бев еден од првите во Русија што се вакцинираа против коронавирус. Првата доза „Спутник В“ ја примив на почетокот на септември 2020 година, изјави Жириновски, нагласувајќи дека досега примил шест дози против Ковид 19. По неколку месеци од првите две дози, нивото на антитела му се намалило и лекарите му препорачале трета доза „Спутник лајт“. – Тогаш мојот лекар ми препорача да го зголемам ефектот со спреј-вакцина за во нос, исто така и од „Спутник“, вели политичарот натаму. Потоа, на крајот на летото 2021 година, тој примил и две дози од вакцината „Ковивак“.

Србија го набави лекот против коронавирусот – „ремдесивир“

Тале Кристо — Fri, 09 Oct 2020 12:01:08 +0000

Во Србија од понеделник за пациентите ќе биде достапен новиот лек против коронавирусот „ремдесивир“, јави допсиникот на МИА од Белград. Директорот на Републичкиот фонд за здравствено осигурување проф. Д-р Сања Радојевиќ Шкодриќ за РТС изјави дека Србија набавила „ремдесивир“, лек против Ковид-19, и дека неговата дистрибуција ќе почне од понеделник. -Тоа е многу скап лек, што се дава само во одредена фаза на болеста и ќе се дава само со конзилијарна одлука, кажа лекарката. Според неа, лекот ги минал сите предвидени процедури. -Поради епидемијата на коронавирус и се додека не ја добиеме соодветната вакцина, особено е важно сите ранливи групи да примат вакцина против грип, но и против пневмокока, кажа таа. Во Србија пристигнаа дополнителни количества на пневмококна вакцина, што е особено важно за имунизација на лица постари од 65 години кои престојуваат во институции за сместување на стари лица и возрасни. Во Србија од март годинава официјално се регистрирани повеќе од 34.000 лица заразени со коронавирус, а 760 лица починаа. Во последно време се регистрираат повеќе од сто пациенти на дневно ниво. Во сила се мерките против пандемијата: задолжително носење маска во затворен простор, во јавниот превоз и на отворено каде што не е можно да се држи растојание, забрането е да се собираат повеќе од 30 лица во затворен простор, освен во културни институции каде што се дозволени 500 лица. Граѓаните што се враќаат од странство се под десетдневен засилен надзор. Новата мерка на Кризниот штаб е дека сите објекти, освен пумпите и аптеките, можат да работат до 23 часот, вклучително и терасите на кафулињата.

АЛАРМАНТНО: Шест деца позитивни на коронавирусот денеска хоспитализирани во Козле

Дарко Андоновски — Wed, 26 Aug 2020 20:40:00 +0000

На Инфективната клиника во изминативе 24 часа примени се 3 пациенти. Вкупно се хоспитализирани 83 пациент. На кислородна поддршка се 50 пациенти, нема на механичка вентилација. Во болницата во Козле се хоспитализирани 19 возрасни пациенти позитивни на ковид-19, 6 позитивни деца, една мајка и едно дете суспектни на вирусот. Во ГОБ „8 Септември“ примени се 5 нови, вкупно хоспитализирани се 48 пациенти. На респираторна машина се 5 пациенти. Во болницата во Битола се хоспитализирани 14, а во болницата во Штип се хоспитализирани 46 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 105, позитивни и сомнителни на ковид-19.

УШТЕ ДВАЈЦА ЛЕКАРИ ПОЧИНАА ДЕНЕСКА- коронавирусот покоси пет доктори за два дена

Дарко Андоновски — Mon, 23 Mar 2020 19:42:46 +0000

Уште двајца лекари од Горна Рајна и Горна Сона денеска починаа од коронавирусот, соопшти попладнево Регионалната здравствена агенција (АРС) за Гранд Ест, јави дописникот на МИА. Со ова бројот на починатите лекари заболени од коронавирусот се зголеми на пет, од кои дури четворица се од истокот на Франција, која е најпогодена. Еден од новопочинатите е 70-годишниот доктор по општа медицина Махен Рамлол, кој почина во неделата во болницата во Колмар, според АРС и медицински извор. Другиот починат докрот е Оливие-Жак Шнелер (68) кој почина минатиот викенд во болницата Тревенанс (Територијата на Белфорт).

Хиндуистичка група нуди кравја урина за сузбивање на коронавирусот

Тале Кристо — Sat, 14 Mar 2020 21:40:21 +0000

Хиндуистичка група организираше денеска групно пиење урина затоа што веруваат дека кравја урина има лековити својства и може да послужи како превенција од коронавирусот. „Забавата“ беше организирана од групата „Ахил Бахрат Хинду Махасабха“ (Сеиндиски хиндуистички сојуз) во седиштето во Њу Делхи на која присуствуваа 200 луѓе. Експертите во неколку наврати им нагласија дека кравја урина не лекува болести како што се карцином и дека нема докази дека може да спречи заразување со коронавирус.

Откриено антитело за коронавирусот

Тале Кристо — Sat, 14 Mar 2020 16:10:15 +0000

Научници од Холандија во медицинскиот центар „Еразмо“ во Ротердам и универзитетот во Утрехт откриле антитело што може да помогне во откривање и превенција на ширење на заразата со новиот коронавирус. Нивното откритие допрва треба да помине низ ригорозно тестирање и тоа може да трае со месеци, јави Би-Би-Си. Холандија објави дека бројот на заразени со коронавирусот е зголемен во изминатите 24 часа – од 155 се зголеми на 959.