короновирус – Kurir.mk

Во Грција потврден случај на бразилската мутација на Ковид-19

Катерина Бојаџиева — Fri, 11 Jun 2021 14:34:09 +0000

Прв случај на бразилската мутација P.1.2 (VOC-21JAN-02) потврдена е во Грција, а според грчките медиуми случајот е регистриран кај маж во Атина, јави дописничката на МИА од Атина. Засега нема информации за тоа како конкретниот сој пристигнал во Грција. Националната организација за јавно здравје на Грција, во соопштенијата за новите случаи на Ковид-19 во земјата и за епидемиолошката слика, секој четврток ги вклучува и резултатите поврзани со потврдените мутации, па така, според последните податоци, од 1.567 анализирани позитивни случаи во периодот од 15 април до 27 мај 2021 година, најголемиот дел, 1.112 се однесуваат на британскиот сој Β.1.1.7 (Variant VOC 202012/01), пет се од јужноафриканскиот B.1.351/501Y.V2 (Variant VOC 202012/02), три од индискиот сој B.1.617.2 (VOC-21APR-02) и еден е од бразилскиот P.1.2 (VOC-21JAN-02). Паралелно 345 позитивни примероци се во групата мутации кои се под надзор.

Албанија ги доживеа најтешките денови од почетокот на пандемијата – за една недела над 7 илјади новозаразени

Магдалена Андонова — Mon, 08 Feb 2021 14:40:01 +0000

Албанија се чини ги доживува најтешките денови од појавата на пандемијата со Ковид-19, пред една година, кога на почетокот на март минатата година беше регистриран првиот случај. Тоа го потврдува билансот на новозаразени и починати во првата недела од месецов кога се регистрирани 80 починати и над 7 илјади новозаразени. Најкритична состојбата е во последните четири дена кога бројот на лицата кај кои е дијагностициран опасниот вирус е над илјада дневно. Коронавирусот стигна до скоро секоја општина во земјата без да ги поштеди ниту младите, но Тирана е на врвот на списокот градови кои се жариште за ширење на вирусот. Здравствените власти вчера пријавија 1.124 позитивни случаи, од направените 4.254 направени тестови, што е 26,4 отсто од тестираните. Исто така починати се 14 лица сите во болнички услови, најмладиот меѓу нив на 35-годишна возраст. Продолжува да се зголемува и бројот на оние на кои им е потребно болничко лекување. Околу 437 лица се третираат во четирите ковид болници, каде има непополнети помалку од 120 болнички кревети. Во земјата голем е бројот на активните случаи, односно 32.432 од вкупно заболените 85.336, оздравеле 51.444 додека починале 1.460 лица. Пред два дена шефот на државата Илир Мета оцени дека состојбата со пандемијата со Ковид-19 е вон контрола и ја повика Владата на премиерот Еди Рама да не си игра со здравјето на луѓето, туку под итно да ги преземе потребните активности за масовна вакцинација. Познати епидемиолози претходно апелираа до владата да почне преговори и со Кина и Русија за набавка на вакцини. (МИА)

Нов вид на Ковид-19 откриен и во Канада

Магдалена Андонова — Sun, 27 Dec 2020 08:36:38 +0000

Властите во Онтарио вчера соопштија дека во канадската провинција се потврдени два случаи на новиот вид на Ковид-19, откриен во Велика Британија. Новиот вид на Ковид-19 е потврден кај брачна двојка во јужниот дел на Онтарио. Тие не патувале, ниту пак биле изложени на вирусот и на ризични контакти.