коронвирус – Kurir.mk

Пендаровски ќе прими вакцина против Ковид-19

Катерина Бојаџиева — Mon, 17 May 2021 14:25:02 +0000

Претседателот Стево Пендаровски, утре – 18 мај 2021 година, вторник во 14:00 часот ќе прими вакцина против Ковид-19 во вакциналниот пункт во спортската сала на СОУ „Перо Наков“, во Куманово. По завршувањето на вакцинацијата е предвидена изјава на претседателот Пендаровски за медиумите.

Од СЗО препорачуваат да не се комбинира со различни вакцини против Ковид-19

Тале Кристо — Fri, 09 Apr 2021 13:56:02 +0000

Светската здравствена организација (СЗО) денеска повторно соопшти дека поради недостигот на „соодветни податоци“, не можат да се дадат препораки во врска со комбинацијата на различни вакцини против коронавирусот, што Франција го планира при ревакцинацијата на лицата помлади од 55 години кои ја примиле првата доза на Астра Зенека. Нема соодветни податоци врз основа на кои би можело да се каже „дали може тоа да се направи“, па затоа експертите на СЗО заклучија дека „не може да се препора комбинирање на вакцини во овој момент“, истакна портпаролката на СЗО, Маргарет Херис на редовниот брифинг со новинарите во Женева. Таа нагласи дека таквиот став го усвоила Стратешката експертска советодавна група за имунизација (САГЕ) во февруари за време на објавувањето на препораките за вакцината на Астра Зенека и пред информациите за евентуална поврзаност на тој препарат со многу ретки несакани ефекти што беа регистрирани. – Научниците тогаш побараа да се испита можноста за комбинирање на вакцини против Ковид-19, изјави Херис. Француските власти неодамна донесоа одлука луѓето на возраст под 55 години, кои ја примиле првата доза на Астра Зенека, да бидат ревакцинирани со Фајзер или Модерна, врз основа на mRNK. Одлуката се однесува на околу 533.000 луѓе во Франција, каде вакцинацијата со Астра Зенека за помлади од 55 години беше прекината на 19 март поради појава на ретка тромбоза во Европа, како несакан ефект од употребата на тој препарат. Европската агенција за лекови (ЕМА) во средата објави дека индивидуалните случаи на згрутчување на крвта по имунизација со вакцината на Астра Зенека се „ретки несакани ефекти“ на вакцината и не можат да бидат поврзани со возраста, полот или историјата на болести. Ставот на ЕМА е дека придобивките од вакцината се поголеми од ризиците.

Повеќе од 45 милиони случаи на коронавирусот во светот

Дарко Андоновски — Thu, 29 Oct 2020 20:38:05 +0000

Бројот на заразени со коронавирусот во светот надмина 45 милиони и сега изнесува 45.207.651 случаи, според податоците на веб-страницата Ворлдометерс. Од почетокот на пандемијата, 1.184.057 луѓе починале од последиците од вирусот, а закрепнале 32.896.925. Активни се 11.126.669 случаи, од кои еден процент, или 82.230, се во критична состојба. САД сè уште водат по бројот на пациенти и смртни случаи, со потврдени 9.175.543 случаи и 233.745 жртви. Следат Индија со повеќе од осум милиони пациенти, Бразил со над 5,4 милиони заразени, Русија со над 1,5 милиони случаи, Франција и Шпанија со над 1,2 милиони и Аргентина и Колумбија со повеќе од милион заразени. Другите држави имаат помалку од еден милион регистрирани случаи на коронавирус.

САД се отвараат, со протести, недоразбирања и стравувања од нов бран на Ковид-19

Тале Кристо — Fri, 15 May 2020 20:40:55 +0000

Голем број на сојузни држави во САД денеска започнаа со отварање на бизнисите, многу тоа веќе го сторија од почетокот на мај, а во повеќе се создаде незадоволство, зошто во некои окрузи е дозволено раздвижување, а во други наредбите за карантин остануваат во сила. Отварањето на многу држави е пропратено со протести, политичка борба и судски решенија, како на пример во Висконсин, каде Врховниот суд на државата, воден од конзервативни судии, ја бутна одлуката за продолжување на карантинот донесена од сојузната држава, предводена од гувернер демократ. Во Вирџинија пак, денеска делумно се отвараат повеќе бизниси во речиси целата сојузна држава, но не и во севернa Вирџинија, која географски припаѓа на престолнината и е дел од пошироката метропола на Вашингтон, округ Колумбија. Причината е поради тоа што во изминативе денови во овој дел на државата забележан е подем на бројот на заболени и починати лица како последица од коронавирусот. Многумина својот гнев го истурија по социјалните мрежи и за следната недела се планираат протести во историскиот град Лисбург, во чија близина живее и авторот на овие редови. Во Калифорнија, американските медиуми известуваат за недразбирања и тепачки во шопинг ценрите како „Таргет“ и „Трејдерс Џо“, меѓу исфрустрирани купувачи и вработените кои не пуштале никого во продвниците без маска. Во Мерилен и Вирџинија отворени се продавинците, рестораните, фризерските салони и црквите и другите места за верски обреди, но со стриктно почтување на правилото за физичка дистанца и ограничен број на лица во една просторија, најмногу до 50 зависно од големината на просторијата. Плажите во Северна и Јужна Каролина, како и во Вирџинја, се подготвуваат за отварање и со стоплување на времето очекуваат масивен наплив од посетители и капачи викендов. Берберите, кино салите, баровите и рестораните се исто така отворени и во Луизијана. Денеска отворија и пет региони во централен Њујорк, сојузна држава што граничи со Канада. Досега, вкупно две третини од американските сојузни држави започнаа со делумно отварање и конечно, се забележува се поголема раздвиженост. Сепак, и покрај политичката поделеност, дали отварањето е прерано или не, дали може да предизвика нов бран од коронавирус или не, кон што водеа изјавите на главниот вирусолог, д-р Ентони Фаучи, за што беше искритикуван од претседателот Доналд Трамп, познавачите велат дека тоа ќе ја олесни економската болка што ја трпат Американците. Во САД, поради пандемијата, 36 милиони луѓе поднесоа барања за исплата за изгубена работа, но во наредните недели се очекува постепено намалување на стапката на невработеност и враќање на куповната моќ на Американците.

Нови 37 случаи со коронавирус во Македонија, починаа две лица, а оздравеа 15

Тале Кристо — Sun, 19 Apr 2020 11:17:13 +0000

Потврдени 37 нови случаи на ковид 19 со што вкупно во земјата се 1207 дијагностицирани пациенти, починаа две лица, а оздравени се 15 пациенти, соопштија денеска од Министерството за здравство . Институтот за јавно здравје денеска регистрира 15 излекувани пациенти, шест пациенти од болничко лекување и девет кои се лекувале во домашни услови. – Починати се двајца пациенти, позитивни на ковид-19. На Клиниката за инфективни болести и фебрилни состојби почина пациент од Скопје на возраст од 66 години и во ГОБ „8 септември“ пациент од Штип на возраст од 83 години, и двајцата со претходни коморбидитети, појаснуваат во соопштението од МЗ. Во изминатите 24 часа потврдени се 37 нови случаи на ковид-19 и тоа Скопје 8, Куманово 9, Прилеп 5, Тетово 3, Велес 3, Охрид 8 и Кочани 1. Со ова вкупната бројка на дијагностицирани пациенти со ковид-19 во нашата земја изнесува 1207. Во Скопје 409, во Куманово 329, пациенти, Дебар 51, Штип 32, Прилеп 117, во Тетово 55, Струга 55, Велес 58, во Битола 17, Охрид 15, Кавадарци 4, Гостивар 12, Гевгелија 4, Струмица 2, во Крива Паланка 4, Радовиш 4, Крушево 3, Кочани 27, Пробиштип 2, Кичево 2, Неготино 2, Демир Хисар 1 и Македонски Брод 2. Во изминатото деноноќие, се подвлекува во соопштението од МЗ, направени се 314 теста. Преку ИЈЗ 222, преку Ветеринарен ф-тет 0, Авицена 3, Биотек 27, Филип Втори (Жан Митрев) 17 и Систина со PCR метода 45 . Досега во земјата се направени вкупно 11.870 тестирања на ковид -19. На Инфективната клиника во Скопје, примени се осум пациенти. Вкупно се хоспитализирани 55, од кои 17 се на кислородна поддршка, а пет се на механичка вентилација. Во ГОБ „8 септември“ примени се седум нови, а вкупно се хоспитализирани 34 пациенти, седум пациенти се приклучени на респираторна машина. Од болницата со дозвола на ДЗСИ се испишани три пациенти, се уште позитивни, но во општа добра состојба кои продолжуваат со лекување во домашни услови, под постојан лекарски надзор и редовни контролни брисеви. Во болницата во Битола, се посочува, се хоспитализирани 13 пациенти, од нив три се на кислородна поддршка. На домашно лекување се следат уште 15 пациенти. Во штипската болница во мометов се лекуваат пет ковид позитивни пациенти, испишано е едно четиричлено семејство. Нивните први контролни брисеви се негативни, а пациентите се во општа добра состојба. До вториот негативен контролен брис, информираат од МЗ, пациентите ќе бидат под редовен лекарски надзор. Преку болницата во Штип се следат уште 20 пациенти кои се лекуваат во домашни услови.

Поразителна и црна статистика за Македонија: Во регионот сме втори по просек на смртност од коронавирусот

Ивана Ефремовски — Sat, 11 Apr 2020 09:47:06 +0000

Светскиот просек за смртноста на заразените пациенти на коронавирусот е 13,2 на еден милион население. Македонскиот просек е 16, а во регионот повисока смртност има само Словенија - 22. Според бројот на заразени случаи на еден милион население светскиот просек е 216, а за Македонија таа бројка е 341.

Просек на смртноста на заразени пациенти на коронавирусот на 1 милион население

Словенија — 22
Македонија — 16
Турција — 12
Босна и Херцеговина — 11
Грција — 9
Србија — 8
Албанија — 8
Хрватска — 5
Бугарија — 4
Црна Гора — 3

Просек на заразени лица на коронавирусот на 1 милион населление

Словенија — 558
Турција — 558
Црна Гора — 417
Хрватска — 364
Србија — 355
Македонија — 341
Босна и Херцеговина — 275
Грција — 193
Албанија — 145
Бугарија — 93

Тестови на милион жители: Словенија 15896, Црна Гора 3708, Турција 3643, Хрватска 3559, Грција 3409, Македонија 3154, Бугарија 2663, БиХ 2106, Србија 1630, Албанија 1176. Светскиот просек на заразени лица на коронавирусот на 1 милион жители е 218.

Забрана за влез и излез од Куманово за редовниот комерцијален превоз

Тале Кристо — Thu, 26 Mar 2020 21:34:52 +0000

Одлуката со која се забранува влез и излез од и во подрачјето на територијата на Општина Куманово со градски и меѓуградски патнички и железнички патнички јавен превоз, се однесува исклучиво на редовниот комерцијален превоз на патници со градски, меѓуградски патнички и железнички јавен превоз, е заклучок донесен од Владата на Република Македонија на денешната 29-та седница. -Владата им препорачува на економските оператори што имаат големи производствени и продажни капацитети на подрачјето на Општина Куманово, доколку за тоа имаат потреба, да продолжат да го обезбедуваат пристапот до нивните објекти доколку имаат организиран и контролиран посебен превоз и да го приспособат своето работење со редуциран број на вработени, се наведува во соопштението од владината прес-служба.

Во Босна и Херцеговина 128 лица заразени со коронавирус

Ивона Петрова — Mon, 23 Mar 2020 11:15:35 +0000

Во Босна и Херцеговина денеска се потврдени два нови случаи на заразени со новиот коронавирус, со што вкупниот број се зголеми на 128 лица. Двата нови случаи се во областа Брчко, каде досега немаше регистрирани заразени лица. Локалните власти потврдија дека млади сопружници се заразени во Брчко. Поединечно, најголем број заразени лица во БиХ и натаму се од областа Бања Лука, каде досега се регистрирани 64 такви случаи, од вкупно 90 потврдени случаи на територијата на Република Српска . Во обид да се спречи понатамошно ширење на епидемијата, властите и во двата ентитета (Република Српска и Федерација Босна и Херцеговина) воведуваат дополнителни мерки за спречување на движењата на населението речиси секој ден. Покрај полицискиот час во ФБиХ од 18 часот до 5 часот наутро и во Република Српска од 20 часот до 5 часот наутро, воведени се мерки за забрана на движење во поголеми групи, како и ограничување на престој на отворени простори.