Кортина д’Ампецо – Kurir.mk

Лара Гут Бехрами го освои вториот златен медал во Кортина Д’ампецо

Бошко Тасиќ — Thu, 18 Feb 2021 19:24:39 +0000

Лара Гут Бехрами го освои второто злато на Светското првенство во алпско скијање откако по супервелеслаломот славеше и на денешниот велеслалом во италијанскиот ски-центар Кортина Д’ампецо0. Таа до победата стигна со вкупно време од 2:30.66 минути, што беше за само две стотинки подобро од второпласираната Американка, Микаела Шифрин. Бронзата и припадна на Катарина Линсбергер од Австрија. Утре на програмата е машката велеслаломска трка.

Норвешка златна во тимскиот велеслалом во Кортина Д’ампецо.

Бошко Тасиќ — Wed, 17 Feb 2021 17:49:56 +0000

Репрезентацијата на Норвешка го освои златниот медал на тимскиот паралелен велеслалом на Светското првенство во алпско скијање кое се одржува во италијанската Кортина Д’ампецо. Норвешкиот тим во состав Теа Луиза Стјернесунд, Себастијан Солеваг-Фос, Кристина Рис-Јохансен и Фабиан Вилкенс Солхајм во финалето беше подобар од швескиот тим кој го сочинуваат Естел Алфанд, Кристофер Јакобсен, Сара Хектор и Матијас Ронгрен со 3-1. До бронзата стигнаа Германија во состав Ема Ашер, Стефан Луиц, Андреа Филсер и Александер Шмид кои во малото финале беа подобри од швајцарскиот тим во состав Венди Холденер, Сандро Симонет, Камил Раст и Семјуел Бисиг.

Утре на програмата на шампионатот во Кортина Д’ампецо е женскиот велеслалом.

Австриецот Винсент Крихмаер светски првак во супервелеслалом

Бошко Тасиќ — Thu, 11 Feb 2021 18:14:47 +0000

Австриецот Винсент Крихмаер го освои златниот медал во супервелеслалом на Светското првенство во скијање, што по неколкудневно одложување поради лоши временски услови, почна денеска во италијанскиот зимски центар Кортина д’Ампецо. Водечкиот во Светскиот куп во велеслалом ја оправда фаворитската улога и стигна до своето прво мундијалско злато во кариерата со време од 1:19.41, минувајќи низ целта со предност од седум стотинки пред второпласираниот Австриец, кој настапува под знамето на Германија, Ромед Бауман. Бронзениот медал во супервелеслалом го освои Французинот Алексис Пинтуро со заостанување од 38 стотинки. Светското првенство во скијање продолжува викендов, со трката во спуст во женска конкуренција,в сабота, и машкиот спуст следниот ден.

Милано и Кортина д’Ампецо претенденти за ЗОИ 2026

Дарко Андоновски — Tue, 02 Oct 2018 09:29:51 +0000

Италијанските градови Милано и Кортина д’Ампецо ќе претендираат за домаќини на Зимските олимписки игри во 2026 година. Италијанскиот олимписки комитет официјално го објави поднесувањето на апликацијата. Кортина д'Ампецо два пати беше домаќин на Зимските олимписки игри - во 1944 и 1956 година. Конкуренти на италијанските градови се турскиот Ерзурум, шведскиот Стокхолм и канадскиот Калгари. Турскиот олимписки комитет, претходно објави дека во случај Ерзурум да ја добие организацијата, дел од натпреварите, особено оние на боб-патеките, би се одржали во Сочи, Русија.