кортни кардашијан – Kurir.mk

Ким ќе збесне: Кортни со нова провокација, се маскираше во сестра си (ФОТО)

Ивона Петрова — Sat, 28 Oct 2023 19:19:59 +0000

Кортни Кардашијан (44) инспирацијата за овогодинешниот костим за Ноќта на вештерките ја побара во семејниот албум. Ријалити ѕвездата, која моментално е во поодмината бременост, реши да се маскира во својата помлада сестра Ким (43). Имено, Кортни ја рекреираше комбинацијата на Ким за Мет Гала во 2013 година, првата на која беше поканета. Во тоа време Ким беше бремена со својата најстара ќерка Норт, а на црвениот тепих прошета во цветен фустан од Живанши. Таа пристигна со нејзиниот тогашен партнер Канје Вест, а подоцна призна дека навистина не се сеќава добро на таа вечер. Кога Кортни објави фотографии во ист фустан и со иста фризура, нивните обожаватели знаеја за што станува збор. Некои во коментарите шпекулираа дека ова е шеговит начин на Кортни да одговори на обвинувањата на Ким дека ја копира.

View this post on Instagram

A post shared by Kourtney Kardashian Barker (@kourtneykardash)

- Кортни дефинитивно е љубоморна на успехот на нејзината сестра. Нема сомнеж – стои во еден од коментарите. Кортни во мај минатата година се омажи за музичарот Тревис Баркер, а Ким ја обвини дека ја „копирала“ нејзината венчавка. - Се омажив во Италија, а и таа. Андреа Бочели пееше на мојата свадба, погодете кој пееше на нејзината? Андреа Бочели – изјави луто Ким во нивното реално шоу ‘The Kardashians’.

Кортни Кардашијан итно оперирана: Лекарите ми го спасија бебето

Ивона Петрова — Thu, 07 Sep 2023 06:33:32 +0000

Кортни Кардашијан откри дека итно била пренесена во болница на операција каде лекарите „го спасиле животот на нејзиното бебе“. Таа им се заблагодари на лекарите кои го спасија животот на нејзиното бебе откако итно беше пренесена во болница во последниот триместар од бременоста. Кортни (44) чека дете со сопругот, тапанарот на Блинк 182, Тревис Баркер. Поради нејзината здравствена состојба, Баркер ја прекина европската турнеја за да биде со неа во Америка за време на операцијата.

View this post on Instagram

A post shared by Kourtney Kardashian Barker (@kourtneykardash)

Кортни, чија бременост изненади многумина, објави црно-бела снимка на Инстаграм на која таа и Баркер се држат за раце на болнички кревет. -Засекогаш ќе им бидам благодарна на моите неверојатни лекари што го спасија животот на нашето бебе. Вечно сум благодарна на мојот сопруг кој побрза од турнејата да биде со мене во болница и потоа да се грижи за мене. И на мајка ми, ви благодарам што ме држевте за раце низ ова, напиша таа.

Бремената Кортни Кардашијан завршила во болница: Нејзиниот сопруг веднаш ја прекина турнејата

Ристе Здравков — Tue, 05 Sep 2023 10:55:28 +0000

Тревис Баркер мораше да ја откаже турнејата со „Blink-182“, откако неговата бремена сопруга Кортни Карадашијан заврши во болница. Бендот во петокот објави дека го одложува почетокот на серијата концерти во Европа поради „итна семејна ситуација“ на нивниот тапанар. Кортни Кардашијан помина кратко време во болница пред да се врати дома во Лос Анџелес, изјавил извор за „People“. „Таа се чувствува подобро и е среќна што Тревис се врати дома“, додаде инсајдерот. Засега не е познато зошто Кортни побарала лекарска помош. Таа била фотографирана како излегува од болница со сопругот во саботата. Поради итна семејна ситуација, споменатиот бенд ги одложи настапите во Глазгов, Белфаст и Даблин и порачаа дека во најбрз можен рок ќе излезат со нови информации. Во меѓувреме, Тревис објави слика од аеродромот во Глазгов со натпис: „Ајде да се молиме заедно“ додека Кортни се повлекла од социјалните мрежи.

View this post on Instagram

A post shared by Kourtney Kardashian Barker (@kourtneykardash)

Кортни Кардашијан, која летово беше „мета“ на папараците и Тревис Баркер се венчаа во 2022 година, а во јуни објавија дека очекуваат син. Телевизиската ѕвезда ја покажа својата борба повторно да остане бремена во реалното шоу на „Hulu“. Таа има три деца од врската со Скот Дисик, а пак музичарот има ќерка и син од претходниот брак.

ВИДЕО: Публиката во шок, Кортни Кардашијан извади транспарент среде концерт и соопшти дека е бремена

Ивона Петрова — Mon, 19 Jun 2023 18:32:19 +0000

Кортни Кардашијан сподели видео на својот Инстаграм профил во кое открива дека е бремена. Имено, таа одлучила на поинаков начин да му ја открие бременоста на својот сопруг Тревис Баркер, држејќи транспарент во рацете на кој пишувало дека е бремена на настап на неговиот бенд Blink-182 во Лос Анџелес. Кортни држеше транспарент на кој пишуваше „Тревис, јас сум бремена“. Натписот брзо го воочил еден од членовите на бендот, кој го прекинал настапот за Тревис да се симне од сцената и да стигне до неговата сопруга Кортни.

Kourtney Kardashian announces to Travis that she is pregnant #Kardashians pic.twitter.com/UScRSYlv7v
— kardashian-Jenner🤎 (@kard_jenner) June 17, 2023

Веста за нејзината бременост доаѓа една година откако парот се венчаше во Италија, а претходно изразија желба да имаат заедничко дете. За потсетување, ова е прво заедничко дете на парот, а Кортни има три деца заедно со поранешниот партнер Скот Дисик: Мејсон (13), Пенелопе (10) и Рејн (8). Баркер го има синот Лендон (19) и ќерката Алабама (17) со неговата поранешна сопруга Шана Моаклер.

Ќерката на позната старлета има ДЕСЕТ години, а веќе доживува “помрачувања“: Ја фарба косата, носи ВИСОКИ потпетици, а тоа што го направи на дадилката никого не остави рамнодушен!

Ивана Ефремовски — Wed, 05 Oct 2022 17:11:12 +0000

Обожавателите овојпат забележаа и дека 10-годишното девојче изгледа како мала дама. Ова не беше прв пат фановите да коментираат дека девојчето изгледа многу постаро отколку што е. Инаку, најстарата сестра Кардашијан има три деца со поранешниот партнер Скот. Јавноста се уште ја памети епизодата од „Keeping Up With the Kardashians“ во која беше откриено дека Кортни ја отпуштила дадилката откако Пенелопе ја изгребала. Вакво нешто не ѝ се случува првпат, а нејзината постапка ја осуди целото семејство, но и голем број следбеници. „Дадилката ја ставаше во автомобилот и Пенелопе ја чешаше по лицето, но може да биде надвор од контрола. Понекогаш доживува помрачување“, изјавила Кортни. Момчето на нејзината мајка Крис Џенер, Кори Гембл, изјави дека постапката на Пенелопе била за „неколку добри воспитни“, а не „да крене рамена и да рече таа е таква“.

Тајна венчавка на славниот пар во Лас Вегас: Имале само еден гостин, кој добил забрана да…

Ивана Ефремовски — Wed, 06 Apr 2022 08:16:25 +0000

Ријалити ѕвездата Кортни Кардашијан и тапанарот Тревис Баркер решија да ја овековечат својата љубов. Имено, парот денеска во 1:30 часот по полноќ во капелата во Лас Вегас изврши интимна свадбена церемонија. Според странските медиуми, парот се венчал во строга тајност, само неколку часа по доделувањето на Греми наградите. -Кортни и Тревис ги искористија наградите Греми како можност да се венчаат во градот на гревот, пишува магазинот TMZ. Според очевидци, парот ангажирал личен фотограф кој бил единствениот гостин и на кој со договор му било забрането да открива какви било информации за настанот.

КАРДАШИЈАН ТАНЦУВА НА БОСАНСКИОТ ХИТ Се огласи и фолк пејачот (ВИДЕО)

Ристе Здравков — Thu, 02 Dec 2021 10:05:25 +0000

Уште еден балкански хит се врти на социјалната мрежа ТикТок и стаса дури и до домот на ријалити ѕвездата Кортни Кардашијан. Песната „Хеликоптер, хеликоптер“ во изведба на пејачот Фазлија од Босна и Херцеговина, а која е објавена во 2016 година, стана апсолутен хит и светски тренд на социјалната мрежа, а многу повеќе познати инфлуенсери ги снимаат своите објави со оваа песна. Најстарата од семејството Кардашијан, Кортни, со своето момче, тапанарот Тревис Баркер и ќерката Пенелопе, снимија видео во кое со оваа песна ја изведуваат популарната кореографија. Во овој тренд, луѓето се вртат во круг, забрзуваат, а потоа забавуваат. Кортни, нејзината ќерка и свршеникот танцувале на мелодијата на овој фолк хит, а потоа Тревис ја прегрнал Кортни и двајцата се насмејале. По повод ова, се огласил и самиот пејач и рекол: „Сега чекам повик од Кардашијан да одам кај нив на ручек па да им ја запеам „Малку виски, малку Кока-кола“. Мојот син вели дека секои 48 часа прегледите растат речиси за половина милион.“

@pandkourt
♬ Helikopter - Fazlija

Се вери познатиот пар: „Не можам да верувам дека него му кажа „да“, а поранешното момче го одби речиси 600 пати“

Ристе Здравков — Tue, 19 Oct 2021 13:21:00 +0000

По помалку од една година заедно, реалити ѕвездата и музичарот се верија. Кортни Кардашијан (42) и Тревис Баркер (45) тапанарот на бендот Blink 182, се вериле во неделата во хотел во Калифорнија, а Кортни фотографиите од прославата ги споделила на социјалната мрежа Инстаграм.

View this post on Instagram

A post shared by Kourtney Kardashian (@kourtneykardash)

Овој брак на реалити ѕвездата ќе ѝ биде прв, додека пак на Тревис трет. Тревис ја запросил Кортни во романтично опкружување, во вистинско „море“ од ружи во облик на срце поставени на крајбрежјето, а сето тоа се случило во текот на зајдисонцето, присуствувале и членови на нивните семејства. „Кортни беше изненадена, не го очекуваше тоа. Тревис ја одведе на плажа каде ја намести сценографијата. Кортни беше насмеана од уво до уво, а семејствата сето тоа го гледаа“, изјавил извор за „E!magazine“. На веридбата присуствувале Клои, Кајли и Кендал Џенер, како и Крис Џенер, Тристан Томпсон, но и децата на Тревис од претходниот брак, Лондон, Алабама и Атија. Сите биле воодушевени од избраничката на нивниот татко. Но, сепак луѓето на социјалните мрежи коментирале: „Каков лош ден за Скот! Ја запросуваше приближно 600 пати и секој пат го одби“. Инаку, Кортни и Скот почнаа да се забавуваат во 2006 година, а заедно со нивните раскинувања биле пар речиси една деценија. Раскинале во 2015 година по многу интриги и неверства, но Скот постојано нагласувал дека „секогаш ќе ја чека само Кортни“.

Сестрите Кардашијан ги запалија социјалните мрежи: Жешките девојки се приклучија на модата со каубојски стил (ФОТО)

Тале Кристо — Mon, 14 Jun 2021 10:17:27 +0000

Кортни Кардашијан и нејзината полусестра Кендал Џенер се вклучија во промовирањето на сѐ попопуларниот каубојски стил во САД деновиве. И двете облекоа чизми. Сепак, Кардашијан тоа го искомбинира со капче, бикини и раскопчана летна кошула. Џенер со чизмите облече само долг фустан и собра над 9,5 милиони допаѓања на Инстаграм – досега скоро десетпати повеќе од сестра сѝ. Цената на најновите каубојски чизми во САД се движат околу 200 долари, а оние со златна боја чинат и до 800 долари.

На еротски начин и го честиташе роденденот на Кардашијан: За нивните фетиши зборува целиот свет, особено за оној на Кортни (ВИДЕО)

Дарко Андоновски — Tue, 20 Apr 2021 07:34:30 +0000

Баркер и го честитал роденденот на Кортни Кардашијан и истакнал колку ја сака, а за да му покаже на светот колку се заљубени, тој објави серија фотографии од нив заедно и едно видео во кое таа му го цица палецот. На фотографиите, двојката се гушка и се бакнува, а на една Тревис ја држи ногата на Кортни, додека дел од нејзиниот гол задник исто така влегол во кадарот.

View this post on Instagram

A post shared by travisbarker (@travisbarker)

Објавата предизвика голем број коментари. Некои му честитаат на парот за нивната љубов, додека некои, како пејачот Чарли Пут, го изразија своето изненадување со објавата на рокерот. Патем, гласините за врската помеѓу Кортни и Тревис започнаа на почетокот на оваа година, а парот го потврди тоа неколку недели подоцна, исто така со објава на Инстаграм.