Кортни Кокс – Kurir.mk

ФОТО: Актерката од „Пријатели“ ја доби својата ѕвезда на Булеварот на славните

Ивона Петрова — Tue, 28 Feb 2023 10:38:09 +0000

Aктерката Кортни Кокс ја доби својата ѕвезда на Булеварот на славните во Холивуд. На откривањето на ѕвездата, таа беше придружувана од своите колешки од „Пријатели“ Џенифер Анистон и Лиза Кудроу. Кокс глумеше како Моника Гелер десет сезони во хит хумористичната серија која првично се емитуваше на телевизиската мрежа NBC од 22 септември 1994 година до 6 мај 2004 година. Приказната за шест 20-годишници во Њујорк беше една од најпопуларните ТВ серии во 1990-тите, а подоцна се најде на платформите за стриминг, каде што е една од најгледаните серии во светот. -Ова е навистина надреално бидејќи јас сум од Бирмингем, Алабама, а единствениот пат кога ќе го видите вашето име на тротоарот е ако сте го направиле сами со стап во влажен цемент, се пошегува Кокс на церемонијата. Кокс стана 2.750-та личност што ја добила оваа чест, а нејзината ѕвезда е на само неколку метри од онаа на Анистон. Двете ѕвезди се во категоријата телевизија.

Кортни Кокс раскажа како се откажала од ботоксот

Ивона Петрова — Tue, 22 Feb 2022 09:56:26 +0000

На Кортни Кокс ѝ е удобно во својата кожа и, „со нетрпение очекува“ да наполни 60 години, што треба да се случи за неколку години. – Се чувствувам младо. Имам многу пријатели во нивните 30-ти и не размислувам за тоа. За мене ние сме на иста возраст додека, всушност „не го проучам“ тоа, изјави ѕвездата од „Пријатели“ и серијалот филмови „Врисок“ за „Сандеј тајмс“. Секако, и за неа е тешко да поверува дека 2-3 години ќе го достигне своето седмо десетлетие. – О Боже, тешко е дури и да се слушне или каже тоа. Не, не можам да верувам. Нема ништо лошо во тоа да имаш 60 години, едноставно не можам да поверувам. Времето минува толку брзо. Но, нема сомнение дека сум „поприземјена“, научив толку многу во мојот живот – во што да уживам, што да направам повеќе и кога да се откажам, вели таа. Кокс неодамна претходно објасни зошто веќе не употребува ботокс и „научила да го прифаќа“ своето вистинско лице. Сега, вели таа, се помирила со стареењето. – Едно време си велите „О, јас се менувам. Изгледам постара“… И се обидував „да ја бркам“ таа младост со години. Сѐ дури не сфатив дека, со овие г**нарии – инјекциите, всушност изгледам навистина чудно и правам работи со моето лице што никако не би ги направила сега, раскажува Кокс. Едно нешто што Кокс не го доживеала додека растела, е притисокот на социјалните мрежи, коишто таа ги искусува како мајка на 17-годишната Коко – нејзината ќерка со поранешниот сопруг Дејвид Аркет. Глумицата знае дека Коко има стотици илјади следачи на Инстаграм кои го гледаат секое нејзино движење. – Не ми се допаѓа што таа има толку обожаваели. Едноставно ми е чудно. Што ги привлекува луѓето?, се прашува Кокс.

Беше меѓу најприродните актерки, а потоа претера со естетски операции: Денес не може да си се гледа во огледало, па “стисна кочница“

Ивана Ефремовски — Mon, 18 Feb 2019 18:24:19 +0000

Актерката и ѕвезда на серијата „Пријатели“ Кортни Кокс проговори за естетските операции и прекумерната употреба на филери за лице. Едно време актерката изгледала целосно непрепознатливо, а сега станала и свесна за тоа. Признала дека повеќе не е приврзаник на вештачкото разубавување. -Треба сите да го прифатиме стареењето како нормален период од животот, но јас со тоа не се носев баш најдобро. Сакав по секоја цена својот изглед да го одржам млад. Не сфаќав што направив додека еден ден не се погледнав во огледало и помислив дека повеќе не личам на себеси, изјавила таа. Кортни пред две години ги отстранила филерите и изјави дека се прифатила себеси и повеќе не се обидува да се промени. Признала дека цел живот израснала мислејќи дека изгледот е најважната работа на светот. -Тоа е помалку тажно бидејќи ме доведе во неволја. Силно се трудев да држам чекор со времето, а всушност само ја влошив ситуацијата, заклучила таа.

Беа најдобри другарки во серијата „Пријатели“: Погледнете како изгледаат денес (ФОТО)

Ивана Ефремовски — Fri, 07 Dec 2018 14:49:09 +0000

Џенифер Анистон и Кортни Кокс десет години глумеа пријателки на телевизиските екрани во „Friends“, но до ден-денес се многу добри пријателки и во реалниот живот. Кокс не ја пропушти премиерата на „Dumplin“, кој е најновиот филм на Анистон. Двете актерки позираа заедно, потсетувајќи милиони нивни фанови на популарната серија која им донесе светска слава.

„Морам да им бидам привлечна на мажите, но не можам да бидам со кој било во кревет“

Даниел Василев — Sun, 17 Jun 2018 18:44:12 +0000

Актерката Кортни Кокс влезе во шестата деценија од животот, а се што сака е на својот вереник Џони МекДаид да му роди дете, и е многу сериозна во таа своја намера, но моментно е преокупирана со подготовките на венчавката, која ќе се случи во Калифорнија. -Морам да бидам физички привлечна за спротивниот пол но не можам да бидам со некој само поради добриот секс. Со оглед на тоа што оргазмите не траат доволно долго, рече познатата актерка која вчера го прослави 54. роденден. Американската актерка досега сними повеќе жешки сцени за серии, но не сака кога мора да води љубов со непознат маж. -Тоа ниту е секс, ниту е возбудливо, но јас верувам на својата екипа, па знам дека ќе ме снимаат така, да ми биде удобно. Актерите, исто така, се внимателни и полни со почит, изјави актерката која иако е влезена во шестата деценија од животот сака повторно да стане мајка, но сега да добие дете со својот вереник, кој е 13 години помлад од неа. Кортни веќе има ќерка Коко, која ја роди во 39. година, со поранешниот сопруг Дејвид Аркет. Инаку, Кортни пред отприлика пет години откри дека има генетска мутација поради која нејзиното тело не апсорбира хранливи материи како што треба, ниту се чисти од токсини, што предизвикало компликации во бременоста.