косана мазнева – Kurir.mk

ВИДЕО: Како Данела Арсовска ја бранеше Косана Мазнева која денес ја разреши

Катерина Бојаџиева — Thu, 12 Oct 2023 16:54:27 +0000

Градоначалничката на Скопје Данела Арсовска денеска ја разрешила од функција директорката на ЈП „Комунална хигиена“ Косана Мазнева-Николиќ, која пред само три месеци „жустро“ ја бранеше и пред новинрите и пред целата јавност. Ја величаше како и храбра и одлучна, а веќе денес на нејзино место го назначила Гоце Трајковски. Мазнева-Николиќ пак, за СДК.МК потврдила дека е разрешена од функцијата, но не знае зошто. - Точно е, разрешена сум од функцијата директорка на претпријатието. За причините зошто сум разрешена треба да одговорат надлежните во Градот кои ги носат одлуките. Не станува збор за мое повлекување, ниту сум побарала да заминам од претпријатието. Напротив, цел овој изминат период напорно работев за подобрување на состојбите и условите за работа на работниците, вели Мазнева-Николиќ. Од Град Скопје засега нема официјална потврда за смената на директорката на „Комунална хигиена“. Разрешувањето на Мазнева-Николиќ следува три месеци по протестот на дел од вработените во „Комунална хигиена“. Таа беше назнечена од Арсовска за прв човек на „Комунална хигиена“ јули лани, откако беше разрешен дотогашниот директор Енуз Кока од Алијанса за Албанците. Погледнете како Арсовска ја бранеше Мазнева која денес ја разреши.

СКОПЈАНИ И ДЕНЕС ТОНАТ ВО ЃУБРЕ – на 100 метри до детско игралиште контејнерите преполни, изворот на зарази е неизбежен на топлото време (ФОТО)

Дарко Андоновски — Tue, 11 Jul 2023 14:30:30 +0000

На само 100 метри од детско игралиште во општината Аеродром се шири неподнослива миризба, а контејнерите буквално се прелеваат од ѓубре. Ѓубрето претставува вистинска опасност за најмладите и воопшто за сите жители во ова населено место во Аеродром. Време е градоначалничката Данела Арсовска да преземе одговорност, а директорката на Јавното комунално претпријатие Косана Мазнева, да го „измазни“ овој смет во следните неколку часа, бидејќи Скопје ќе биде единствената метропола каде што од неспособноста на надлежните ќе избие зараза која ќе се прошири во епидемија.

Косана Мазнева е нов директор на ЈП „Комунална Хигиена“

Ивона Петрова — Tue, 12 Jul 2022 12:15:23 +0000

Косана Мазнева денеска е назначена за нов директор на ЈП „Комунална Хигиена“ Скопје. -Мазнева има повеќе од 15 години искуство, од кои како раководител на сектор природа во Министерство за животна средина и просторно планирање, одговорен инженер и советник за животна средина во АД Електрани на Македонија и поранешен пратеник во два мандата, информираат од Град Скопје. Високо образование има завршено на Природно-Математичкиот Факултет во Скопје. Мазнева на оваа функција доаѓа откако градоначалничката на Град Скопје, Данела Арсовска го разреши Зуди Енузи од позицијата в.д. директор на претпријатието. Инаку, братот на Енузи пукаше со пиштол за време на протестите против францускиот предлог што беше причина за разрешувањето.