кошарка – Kurir.mk

ВИДЕО: Феникс испушти +19, Дурант му подари победа на Сан Антонио

Ристе Здравков — Wed, 01 Nov 2023 08:44:14 +0000

Кошаркарите на Сан Антонио Спарс славеа минимално во драмата кај Феникс Санс со 114-115), за втора сезонска победа во НБА лигата. Иако домаќинот во „Футпринт Центарот“ имаше сè во свои раце, Кевин Дурант со аматерска грешка подари победа на противникот, а потоа и промаши шут за пресврт. Феникс Санс - Сан Антонио Спарс: Спарси бркаа негатива буквално низ целиот натпревар, а на крајот победија со единствениот кош за водство. Феникс има за што да жали, имаше предност и од највисоки 19 поени разлика за на крајот болно да загуби. Иако изгледаше дека во последните 4-5 секунди „сонцата“ се одбранија и ќе запишат победа, Дурант премногу лежерно ја држеше топката и Келдон Џонсон му ја украде, па положи за 114-115. Остана уште секунда до крајот и на спротивната страна Кевин Дурант беше удвоен и го промаши завршниот шут. Токму Џонсон беше најефикасен играч на мечот со 27 поени, а Дурант финишора со еден помалку. Лос Анџелес Клиперси беа сигурни и во исчекување на дебито на Џејмс Харден го совладаа Орландо дома со 118-102. Пол Џорџ диригираше, имаше одлична партија и со 27 поени го водеше тимот до победата. Вестбрук му помогна со 18, додека по 17 поени уфрлија Ниланд и Пауел. Во таборот на Орландо пак најефикасен беше Банчеро со 15 поени. Лос Анџелес Клиперс - Орландо Меџик: Гостинско славје запиша Њујорк Никс кај Кливленд Кавалирс (91-109).

Спектакл за паметење: Партизан под отворено небо ја декласира Фуенлабрада

Ристе Здравков — Thu, 14 Sep 2023 09:50:24 +0000

Белградски Партизан го претстави тимот за следната сезона и одигра пријателски натпревар против шпанска Фуенлабрада, кој убедливо го доби со резултат 93-63. „Гробарите“ и останатите навивачи беа воодушевени од изданието на своите миленици, а најголеми импресии добија новите странски засилувања, Френк Камински, Пи Џеј Доузер, Огњен Јарамаз и Матеуш Понитка. Новите аквизиции на „црно-белите“ беа во делириум од атмосферата што ја создадоа навивачите и првпат ја почуствуваа жестокоста со која српските фанови навиваат за кошаркарскиот гигант. Натпреварот се одигра под отворено небо, во паркот „Ташмајдан“, и беше вистински спектакл за сите присутни. Партизан уште на почетокот покажа дека е мотивиран и уште по првото полувреме водеше со 20 поени разлика, а на крајот резултатот беше 93-63. Кевин Пантер беше најдобар кај победничкиот тим со 14 поени, а еден помалку додаде Полјакот Камински. Тренерот Жељко Обрадовиќ беше задоволен од изданието на неговите играчи и рече дека „резултатот од овој меч е најмалку важен, затоа што е дел од подготовките за новата сезона“. Партизан одново има силен тим и годинава повторно ќе се обиде да стигне до самата завршница во Евролигата, каде лани во четвртфиналето беа спречени од актуелниот шампион, Реал Мадрид. извор: gol.mk

Игралиште за кошарка почна да се гради во Мралино во општина Илинден

Тале Кристо — Thu, 14 Sep 2023 07:17:07 +0000

До подрачното училиште „Ристо Крле“ во населеното место Мралино, Општина Илинден денеска почна да гради игралиште за кошарка, со димензии 15 на 15 метри. -Со изградбата на игралиштето ќе се збогати училишниот двор со уште еден уреден спортски терен кој ќе биде од особено значење за спортскиот живот и подобрување на наставата по физичко и здраствено образование на учениците. Играта на баскет односно уличната кошарка претставува еден вид традиција и урбана култура во општина Илинден. Со изградбата на спортските игралишта уште еднаш ја покажуваме поддршката во спортот, бидејќи само низ игра, рекреација и спорт, децата и младите го развиваат духот на пријателството, соопшти Општина Илинден. Општината додава дека и во наредниот период ќе продолжи со поддршка на спортот и реализација на инвестиции во спортската инфраструктура и во останатите населени места.

„Лудница“ на аеродромот во Белград на пречекот на сребрените кошаркари (ВИДЕО)

Ристе Здравков — Tue, 12 Sep 2023 06:48:19 +0000

Апсолутен спектакл ги дочека српските кошаркари на аеродромот „Никола Тесла“ во Белград каде во раните утрински часови се собраа повеќе од илјада навивачи да ги пречекаат своите херои. Србија во Белград се врати со сребрениот медал од Светското првенство 2023, по поразот во финалето од Германија. Но, кошаркарите во Белград беа пречекани како вистински шампиони. „Пресреќен сум што луѓето во овие ноќни часови во вака голем број дојдоа да не пречекаат. Им благодарам на тоа и се надевам дека уживаа во игрите на овој тим“ – порача Богдановиќ, на кого се дополни и Стеван Јовиќ. „Горди сме на се што направивме на овој Мундобаскет. Ова што ни го приредија сега е, пак, најубавото нешто кое можевме да го сонуваме. Ова се моменти кои не се забораваат“.

View this post on Instagram

A post shared by B92 Sport (@b92.sport)

Комплетирани полуфиналните парови на СП во кошарка

Тале Кристо — Wed, 06 Sep 2023 18:14:59 +0000

Германија и Канада обезбедија денеска место меѓу најдобрите четири репрезентации на Светското кошаркарско првенство со што се познати сите полуфиналисти на завршниот турнир кој се игра во Јапонија, Филипини и Индонезија. Канада попладнево беше поуспешна од Словенија со 100-89, додека претходно во првото денешно четвртфинале, Германија во драматичен натпревар со 81-79 ја совлада Летонија во чиј редови Давис Бертанс на две секунди пред последниот свиреж беше непрецизен во обидот за три поени. За место во финалето на кошаркарскиот Мундијал репрезентацијата на Германија ќе игра в петок против САД, додека противник на Канада ќе биде Србија. Покрај пласманот во полуфиналето, Германија и Србија обезбедија и директен пласман на Олимписките игри 2024 како две најдобро пласирани европски репрезентации на Мундијалот.

СП во кошарка: Најубедлива победа на Американците

Тале Кристо — Wed, 30 Aug 2023 19:16:14 +0000

Американските кошаркари попладнево во рамки на 3. коло во групата Ц го совладаа Јордан со 110-62 и со тоа ја забележаа својата досега најубедлива победа на Светското првенство кое се одржува на азискиот континент. Избраниците на Стив Кер до триумфот од 48 поени разлика ги предводеше Ентони Едвардс со 22 кошеви и осум скокови. Во натпреварот за второто место во оваа група Грција го совлада Нов Зеланд со 83-74. Со максимален ефект од три победи пласман во втората фаза од групата Б обезбеди Србија која со убедливи 115-83 славеше над Јужен Судан. Второто место во групата го освои Порторико со победа над Кина од 107-89. Пласман во втората фаза од групата Ф обезбеди Словенија, која со триумф над Зеленортските острови од 92-77 ја забележа третата победа на СП чиј домаќини се Јапонија, Филипини и Индонезија, а второто место во групата го обезбеди Грузија, совладувајќи ја Венецуела со 70-59. Со триумф над Брегот на Слоновата коска од 89-77 пласман во втората фаза обезбеди и Бразил од групата Г во која тоа од претходно го направи и Шпанија, која денеска го совлада Иран со 85-65.

Почнува Мундобаскетот, Американците остануваат главни фаворити за златото

Ристе Здравков — Fri, 25 Aug 2023 07:25:58 +0000

Серијата на августовски големи настани ќе биде заокружена со „кралицата на спортовите“. Најдобрите светски кошаркарски репрезентации по 19-ти пат ќе играат на Мундобаскетот во битката за планетарниот трон. За првпат Мундијалот ќе се одржи во повеќе земји, а домаќини се Јапонија, Филипините и Индонезија Сепак, нема да има претставник на една од земјите домаќини, затоа што Индонезија не се пласира на завршниот турнир со 32 селекции. Репрезентациите се поделени во осум групи со по четири селекции. Двете најдобри селекции од секоја група ќе се пласираат во втората фаза, во која ќе се формираат четири нови групи со по четири репрезентации. Од тие групи двете најдобри ќе одат во четвртфиналето, кога почнува нокаут фазата. А група: Ангола, Доминиканска Република, Филипини и Италија Б група: Јужен Судан, Србија, Кина и Порторико Ц група: САД, Јордан, Грција и Нов Зеланд Д група: Египет, Мексико, Црна Гора и Литванија Е група: Германија, Финска, Австралија и Јапонија Ф група: Словенија, Зеленортска република, Грузија и Венецуела Г група: Иран, Шпанија, Брегот на Слоновата Коска и Бразил Х група: Канада, Летонија, Либан и Франција Титулата од 2019 година ја брани Шпанија, која во финалето беше подобра од Аргентина, која, пак, за чудо, не се пласираше на овогодинешното првенство. Третата беше Франција. Прв фаворит и овој пат се Американците, но во кругот на најголеми фаворити се сметаат и Германија, Шпанија, Франција, Канада…

Крај на војната помеѓу ФИБА и Евролига

Бошко Тасиќ — Tue, 11 Jul 2023 04:55:02 +0000

Светската кошаркарска федерација и кошаркарската Евролига ставија крај на неколкугодишниот конфликт со постигнат договор за понатамошно усогласување на календарите за клупските и репрезентативните натпреварувања. Овој конфликт се одрази најмногу на репрезентациите кои во неможност да ги пратат најдобрите кошаркари на квалификациските натпревари често не успеваа да изборат место на континенталните или светските собири.

„ФИБА и Евролигата постигнаа договор за избегнување на преклопување на репрезентативните и клупските натпреварувања во сезоната 2023/24. Тие потврдија и дека ќе продолжат со разговорите во следните 12 месеци за да се дојде до заемно прифатливи решенија во корист на кошарката во Европа и светот. За ова прашање нема да има дополнителни коментари“, стои во соопштението.

ЕП У-20 Дивизија Б: Македонските кошаркари ја победија Словачка

Ивана Ефремовски — Sat, 08 Jul 2023 19:26:46 +0000

Македонската кошаркарска репрезентација до 20 години вечерва ја победи соодветната селекција на Словачка со 81:64. Ова беше натпревар од второто коло на Европското првенство Б-дивизија кое се одржува во Скопје. Теодор Симиќ со 16 осум скока и три асистенции и Андреј Шошкиќ со 10 поени беа најефикасни во македоснкиот тим. Избраниците на селекторот Никола Василев следните два дена се слободни, а во вторник ќе се соочат со Бугарија. По два натпревара во А-групата, македонската репрезентација има три бода (една победа и еден пораз). (МИА)

Теодора Џехверовиќ во танга игра кошарка, „Кој сака еден на еден?“ (ФОТО)

Ристе Здравков — Sat, 08 Jul 2023 07:29:45 +0000

Атрактивната пејачка Теодора Џехверовиќ зад себе има неуспешна врска со кошаркар, но јасно е дека колапсот на љубовта не ѝ ја згасна страста кон овој спорт. Таа беше видена неколку пати во текот на оваа година на кошаркарски натпревари во Белград, а медиумите често ја поврзуваат со познати кошаркари. Последен во низата е Словенецот Матич Ребец, играч на „Цедевита Олимпија“. Теодора љубовта кон кошарката ја преточи во конкретни дела, па на Инстаграм објави неколку фотографии кои се направени на кошаркарскиот терен. Но…таа на теренот се појави само во танга и градник. И имаше јасна порака за оние кои ќе си играат со неа. – Дали некој сака еден на еден – напиша пејачката под провокативните фотографии. Среќа што не означила каде се наоѓа, инаку многу луѓе ќе ѝ се пријавеле за еден на еден…

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)