кошаркарска федерација на Македонија – Kurir.mk

ДОКОЛКУ НЕ СЕ ИНТОНИРА ХИМНАТА КАЗНА ЗА КЛУБОВИТЕ – а, ако некој се заинати и не ја пушти цела сезона, ќе плати глоба од милион евра!

Дарко Андоновски — Fri, 13 Oct 2023 12:34:26 +0000

Од пред некој ден раководството на КФСМ донесе одлука пред секој натпревар задолжително да биде интонирана химната на Македонија, тука мислиме на кошаркарските натпревари. Ништо чудно. Чудна е висината на казната. Имено ако еден клуб како домаќин не ја интонира химната, тогаш казната за првиот пат е 30.000 денари. Но казната за секој нареден пат е прогресивна, односно 60.000, па 120.000 денари и слично. Па така ако еден клуб се заинати и не сака цела сезона да ја интонира химната, тероретски може на крајот за него казната да биде и милиони и милиони евра. Во секој случај идејата е убава за интонирање на химната, но начинот на тоа како ќе се одредува санкцијата е навистина е проблематичен.

МЗТ Скопје и Кожув го отвораат завршниот турнир од Купот на Македонија

Бошко Тасиќ — Thu, 09 Feb 2023 05:36:10 +0000

Кошаркарската федерација на Македонија, како организатор, го одреди распоредот на натпревари на завршниот турнир од Купот „Благоја Георгиевски Буштур“ што ќе се одржи од 16 до 18 февруари во Скопје. Честа да го отворат турнирот ја добија МЗТ Скопје и Кожув чиј дуел е на програмата на 16 февруари од 12 часот. Интересно е тоа што мечот меѓу Работнички и ТФТ чиј победник во полуфиналето се среќава со подобриот од пресметката на МЗТ Скопје и Кожув, ќе се игра последен, од 19:30 часот. Во женска конкуренција, натпреварите се на 17 февруари, од 12 и од 14:30 часот. Истиот ден се играат полуфиналните натпревари кај мажите, а дуелите за пехарите се на 18 февруари, жените од 16:30, а мажите од 19:30 часот. КУП „БЛАГОЈА ГЕОРГИЕВСКИ – БУШТУР“ 2023 – СКОПЈЕ 16 ФЕВРУАРИ (ЧЕТВРТОК) 12.00: МЗТ Скопје Аеродром – Кожув (1) 14.30: Гостивар – Феникс 2010 (2) 17.00: Пелистер – Еуро Никел 2005 (3) 19.30: Работнички – ТФТ (4) 17 ФЕВРУАРИ (ПЕТОК) ПОЛУФИНАЛЕ – ЖЕНИ 12.00: Бадел 1862 – Баскет Кам 2011 14.30: Вардар – МЗТ Скопје Аеродром ПОЛУФИНАЛЕ – МАЖИ 17.00: Победник 1 – Победник 4 19.30: Победник 2 – Победник 3 18 ФЕВРУАРИ (САБОТА) 16.30: ФИНАЛЕ – ЖЕНИ 19.30: ФИНАЛЕ – МАЖИ

Македонија во 2023 година ќе биде организатор на две младински Европски првенства во кошарка

Бошко Тасиќ — Tue, 22 Nov 2022 06:03:00 +0000

Бордот на европската кошаркарска федерација донесе одлука во 2023 година, Македонија да биде организатор на две Европски првенства во младински категории. Кошаркарската федеација на Македонија исната година ќе го организира Европското првенство за кошаркари до 20 години – Б Дивизија, кое треба да се одржи од 7-16 јули во Скопје. Скопје ќе биде организатор и на Европското првенство до 16 години – А Дивизија кое треба да се игра од 5-13 август.