Македонската кошаркарска репрезентација по втор пат во два дена поразена од Полска

Тале Кристо — Sun, 06 Aug 2023 14:42:59 +0000

Македонската и полската кошаркарска репрезентација одиграа уште еден контролен меч во Белград. И денешниот, како и вчерашниот го доби Полска. На втората контролна средба одиграна во СЦ „Ранко Жеравица“, Полска победи со 84:52, по одличната втора четвртина која ја реши во своја корист со 30:19. Македонскиот селектор Александар Јончевски одлучи на оваа втора проверка во Белград да ја намали минутажата на носителите на играта. Капитенот Војдан Стојановски одигра нешто повеќе од девет минути, Ненад Димитријевиќ нецели шест. Веднаш по натпреварот македонските кошаркари се враќаат за Скопје, каде ќе тренираат до 10 август за кога е предвидено заминувањето за Талин, каде ќе бидат дел од претквалификацискиот турнир за олимписките Игри во Париз.

Македонската машка кошаркарска репрезентација има нов капитен

Бошко Тасиќ — Wed, 11 Aug 2021 20:42:53 +0000

Отсуството на Војдан Стојановски, поради тешка повреда на лигаментите, го принуди селекторот на македонската кошаркарска репрезентација да избере нов капитен во пресрет на претквалификацискиот турнир за пласман на СП 2023, кој од утре до 18 август ќе се одржи во Скопје, а на кој ќе настапат уште Словачка и Швајцарија.

Изборот на падна на највозрасниот во тимот, центарот на Пелистер, Бојан Трајковски, кој воедно има и најдолг репрезентативен стаж од кошаркарите кои во моментов му се на располагање на селекторот Драган Бајиќ. Македонија турнирот ќе го отвори веќе во среда и тоа со пресметка против Швајцарците, за потоа да игра секој втор ден со оглед што трите репрезентации ќе треба да играат по двапати помеѓу себе. Пласман во квалификациската фаза ќе обезбедат двете најдобри селекции на крајот.

кошаркарска репрезентација – Kurir.mk

Македонската кошаркарска репрезентација по втор пат во два дена поразена од Полска

Македонската машка кошаркарска репрезентација има нов капитен