кошаркарски куп на Македонија – Kurir.mk

МЗТ Скопје го освои 11. пехар во кошаркарскиот Куп

Бошко Тасиќ — Sat, 18 Feb 2023 20:24:01 +0000

Екипата на МЗТ Скопје ја оправда фаворитската улога и со победа над Феникс (89-73) во финалниот натпревар во СРЦ „Кале“ стана рекордер во Купот на Македонија „Благоја Георгиевски - Буштур“ кој се игра по јубилеен 30. пат. Аеродромци имаа по десет пехари со Работнички, но сега на листата се единствени на врвот. До единаесеттиот пехар, тимот на Драган Николиќ дојде според планот, со предност од почетокот до крајот на средбата. Дебитантот Феникс во неколку наврати се враќаше на едноцифрена разлика, но не можеше повеќе со АБА-лигашот. Страхиња Миќовиќ со 20 поени и седум скока беше прво име во составот на новиот куп-победник, а веднаш зад него беше Војдан Стојановски со 16 поени и осум скока. За одбележување е и настапот на Дастин Вер со 13 поени и осум асистенции. Трајковски со 22 и Димчевски со 21 поен беа најефикасни кај Феникс.

МЗТ Скопје по победата над ТФТ се пласира во финалето на Купот на Македонија

Бошко Тасиќ — Fri, 17 Feb 2023 18:29:26 +0000

МЗТ Скопје буквално го прегази тимот на ТФТ победувајќи го со 41 поен разлика, тимот од аеродром славеше со 102-61 и се пласираше во финалето од Купот на Македонија. Кошаркарите на МЗТ Скопје утре ќе се борат за 11. трофеј во Купот на Македонија со што би се одлепиле од главниот ривал Работнички со кој засега имаат по 10 трофеи во ова натпреварување. Неизвесно беше само во првите минути од мечот, потоа МЗТ Скопје се одлепи и уште во првиот период направи двоцифрена разлика која до крајот на мечот само ја зголемуваше за на крајот да победи со дури 41 поен разлика, 102-61. Кошаркарите на МЗТ Скопје имаа шутерско шоу, постигнаа дури 18 тројки. Најдобар стрелец беше Дамјан Стојановски со 18 поени, Робев постигна 16. Во составот на ТФТ, Бишоп постигна 15 поени.

МЗТ Скопје и Феникс се првите полуфиналисти во кошаркарскиот Куп

Бошко Тасиќ — Thu, 16 Feb 2023 20:19:18 +0000

Актуелниот кошаркарски шампион МЗТ Скопје Аеродром и екипата на Феникс се првите два тима што обезбедија пламсна во полуфиналето на 30-тото издание на кошаркарскиот Куп на Македонија „Благоја Георгиевски - Буштур“.

Аеродромци ја оправдаа улогата на фаворити во четвртфиналната пресметка славеа победа над гевгелиски Кожув.

Победата МЗТ ја најави уште во првата четвртина која ја доби со 10 разлика, а на полувремето замина со +16 (49-33). Второто полувреме беше чиста рутина па МЗТ на крај славеше со 80-68. Кај победникот Дамјан Стојановски и Џастин Вер постигнаа по 19 поени.

МЗТ Скопје сега ќе го чека последниот четвртфинален меч меѓу бранителот на трофејот ТФТ Моцарт и Работнички што ќе се игра во терминот од 19:30 часот, за да го добие противникот за удреното полуфинале.

Далеку по неизвесен беше вториот четвртфинален дуел, во кој победникот беше решен во последните секунди, а поуспешна беше екипата на Феникс која го победи Гостивар со 72-70

МЗТ Скопје и Кожув го отвораат завршниот турнир од Купот на Македонија

Бошко Тасиќ — Thu, 09 Feb 2023 05:36:10 +0000

Кошаркарската федерација на Македонија, како организатор, го одреди распоредот на натпревари на завршниот турнир од Купот „Благоја Георгиевски Буштур“ што ќе се одржи од 16 до 18 февруари во Скопје. Честа да го отворат турнирот ја добија МЗТ Скопје и Кожув чиј дуел е на програмата на 16 февруари од 12 часот. Интересно е тоа што мечот меѓу Работнички и ТФТ чиј победник во полуфиналето се среќава со подобриот од пресметката на МЗТ Скопје и Кожув, ќе се игра последен, од 19:30 часот. Во женска конкуренција, натпреварите се на 17 февруари, од 12 и од 14:30 часот. Истиот ден се играат полуфиналните натпревари кај мажите, а дуелите за пехарите се на 18 февруари, жените од 16:30, а мажите од 19:30 часот. КУП „БЛАГОЈА ГЕОРГИЕВСКИ – БУШТУР“ 2023 – СКОПЈЕ 16 ФЕВРУАРИ (ЧЕТВРТОК) 12.00: МЗТ Скопје Аеродром – Кожув (1) 14.30: Гостивар – Феникс 2010 (2) 17.00: Пелистер – Еуро Никел 2005 (3) 19.30: Работнички – ТФТ (4) 17 ФЕВРУАРИ (ПЕТОК) ПОЛУФИНАЛЕ – ЖЕНИ 12.00: Бадел 1862 – Баскет Кам 2011 14.30: Вардар – МЗТ Скопје Аеродром ПОЛУФИНАЛЕ – МАЖИ 17.00: Победник 1 – Победник 4 19.30: Победник 2 – Победник 3 18 ФЕВРУАРИ (САБОТА) 16.30: ФИНАЛЕ – ЖЕНИ 19.30: ФИНАЛЕ – МАЖИ

Купот и третпат по ред во СРЦ „Кале“!

Бошко Тасиќ — Tue, 07 Feb 2023 05:34:21 +0000

Завршниот турнир од Купот на Македонија во кошарка, кој го носи името на легендарниот Благоја Георгиевски-Буштур и трета година по ред ќе се игра во салата „Кале“ во Скопје во организација на КФМ, откако ниту еден правен и физички субјект не изрази желба на себе да ја преземе организацијата на овој настан. Осумте најдобри екипи во машка и четирите во женска конкуренција по првиот дел од првенствата ќе играат за драгоцениот пехар, кој го бранат екипите на ТФТ односно Баскет кам. Овој настан е закажан во периодот од 16 до 18 февруари, по што следува двонеделна пауза поради настапите на репрезентацијата на Македонија во претквалификациите за ЕП 2025. Турнирот последен пат беше организиран надвор од престолнината во 2019 година и тоа во Гевгелија, додека следната година не се одигра поради пандемијата со коронавирусот.

КУП „БЛАГОЈА ГЕОРГИЕВСКИ – БУШТУР“ ЧЕТВРТ-ФИНАЛЕ (1) МЗТ Скопје - Кожув (2) Гостивар – Феникс 2010 (3) Пелистер – Еуро Никел (4) ТФТ - Работнички ПОЛУФИНАЛЕ (5) Победник 1 – Победник 4 (6) Победник 2 – Победник 3 ФИНАЛЕ Победник 5 – Победник 6

Баскет Кам ја одбрани титулата во кошаркарскиот Куп во женска конкуренција

Бошко Тасиќ — Sun, 20 Feb 2022 17:58:57 +0000

Екипата на Баскет Кам во реприза на ланското финале повторно славеше над Бадел по продолженија (58-58 регуларен дел, 61-64) и го освои вториот трофеј во историјата во женскиот кошаркарски Куп на Македонија. Натпреварот беше на страната на Баскет Кам, а во последниот квартал тимот на Бадел кој беше без тренерот Перо Стамески (позитивен на ковид-19) со една серија од десет поени се врати во мечот и приреди драматичен финиш. Баскет Кам не реализира напад за победа, дуелот замина во продолжение, а во додатните пет минути финишот беше кобен за фаворитот на хартија.

Баскет Кам и Бадел ќе се борат за трофејот во Купот на Македонија во женска конкуренција

Бошко Тасиќ — Sat, 19 Feb 2022 17:56:06 +0000

Кошаркарките на Бадел 1862 и Баскет Кам 2011 ќе се борат за трофејот во Купот на Македонија. Баделки ја декласираа Струга со 80:44 и тоа во натпревар во кој ги доби сите четири четвртини. Комплетната стартна петорка беше двоцифрена, а листата ја преводеше Стојановска со 14 поени. Кај поразените најмногу се истакна Модева со 10 кошеви. Далеку повозбудливо беше во второто полуфинале во СРЦ „Кале“ каде Баскет Кам по голема борба триумфираше над Вардар со 74-64. По три четвртини бранителот на трофејот имаше само еден кош предност (46-45) за да во завршниот период успее посериозно да се одлепи и обезбеди уште еден меч на турнирот. Алексиќ со 18 и Антиќ со 17 беа водечки стрелци кај победникот, залуден на спротивната страна беше дабл-дабл учинокот на Наков од 27 поени и 10 скокови.

Од петок до недела во “Кале” завршница на кошаркарскиот Куп на Македонија

Бошко Тасиќ — Mon, 14 Feb 2022 18:56:39 +0000

Вкупно десет натпревари ќе се одиграат претстојниот викенд во завршницата од Купот „Благоја Георгиевски Буштур“ во машка и женска конкуренција. Ќе бидат поделени во три дена со тоа што в петок и сабота ќе се играат по четири меча, а в недела е завршницата, односно финалните дуели. Првите два дена, програмата почнува точно напладне, а ќе заврши околу 21 часот. Натпреварите за трофеите се в недела од 17 и 19:30 часот, а целата програма е во големата сала на СРЦ Кале. Кај мажите учествуваат осум, а кај дамите четири екипи. Пехарот во машка конкуренција го брани МЗТ Скопје, а во женска Баскет Кам. РАСПОРЕД НА НАТПРЕВАРИТЕ 18. ФЕВРУАРИ (ПЕТОК) 12.00: Пелистер – ТФТ (1) 14.30: МЗТ Скопје Аеродром – Гостивар (2) 17.00: Работнички – Феникс 2010 (3) 19.30: Еуро Никел 2005 – Навико Академија ФМП (4) 19. ФЕВРУАРИ (САБОТА) ПОЛУФИНАЛЕ – ЖЕНИ 12.00: Бадел 1862 – Струга 2009 14.30: Баскет Кам 2011 – Вардар ПОЛУФИНАЛЕ – МАЖИ 17.00: Победник 1 – Победник 4 19.30: Победник 2 – Победник 3 20. ФЕВРУАРИ (НЕДЕЛА) 17.00: ФИНАЛЕ – ЖЕНИ 19.30: ФИНАЛЕ – МАЖИ