Денес на програмата полуфиналните натпревари од кошаркарскиот куп „Благоја Георгиевски – Буштур“

Бошко Тасиќ — Sat, 19 Feb 2022 07:43:59 +0000

Во организација на кошаркарската федерација денес ќе се одиграат полуфиналните натпревари од националниот куп во женска и машка конкуренција. Програмата ќе ја отворат кошаркарките со дуелот Бадел – Струга закажан за 12 часот. Следни на паркетот во СРЦ „Кале“ во Скопје ќе се појават кошаркарките на Баскет Кам и на Вардар (почеток 14:30 часот). Машките полуфиналиња ќе почнат во 17 часот со мечот ТФТ – Навико Академија ФМП. Саботниот кошаркарски маратон ќе биде комплетиран со натпреварот МЗТ Скопје Аеродром – Феникс (почеток 19:30 часот).

Кошаркарскиот куп на Македонија ќе се игра во Кавадарци

Ивона Петрова — Mon, 05 Feb 2018 11:45:53 +0000

Втора година по ред градот Кавадарци ќе биде центар на Купот на Македонија во кошарка. Турнирот ќе се игра од 16 - 18 февруари во во спортската сала „Јасмин“, соопшти Македонската кошаркарска федерација. Првите осум пласирани екипи во ПЛМ по првиот дел од натпреварувањето (11. коло) ќе разигруваат меѓу себе по систем првопласирана екипа против последно пласирана екипа (1-8, 2-7, 3-6, 4-5) во рамки на четвртфиналните дуели. Во полуфиналните дуели ќе вкрстат 1-4 и 2-3, па така победникот од дуелот помеѓу Работнички и Карпош Соколи во првото полуфинале ќе се пресмета со победникот од дуелот Куманово – Гостивар.Во второто полуфинале ќе се надигрува победникот од Блокотехна – АВ Охрид со победникот од МЗТ Скопје Аеродром и Фени Индустри. Кај жените ќе разигруваат четирите прворангирани екипи по истиот систем. Бадел 1862 во првото полуфинале ќе се надигрува со Струга 2009 додека во второто полуфинале ќе се пресметаат Вардар и Пелистер за место во финалето.

кошаркарски куп – Kurir.mk

Денес на програмата полуфиналните натпревари од кошаркарскиот куп „Благоја Георгиевски – Буштур“

Кошаркарскиот куп на Македонија ќе се игра во Кавадарци