кошаркарски натпревар – Kurir.mk

Битолчани нападнале полицајци на кошаркарски натпревар- едниот ги удирал со тупаници, вториот ги влечел

Катерина Бојаџиева — Thu, 26 May 2022 08:06:48 +0000

Основното јавно обвинителство Битола поведе постапка против две лица, од кои за едниот постои основано сомнение дека сторил кривично дело – Напад врз службено лице при вршење работи на безбедноста од член 383 став 2 во врска со став 1 од Кривичниот законик, додека другиот сторил кривично дело – Напад врз службено лице при вршење работи на безбедноста од член 383 став 1 од Кривичниот законик. Двајцата битолчани, на 22 мај, на паркингот пред Спортската сала „Боро Чурлевски“, физички нападнале тројца полициски службеници кои вршеле работи на јавната безбедност – обезбедување на спортски натпревар. Осомничените се затрчале кон навивачите на кошаркарскиот клуб МЗТ – Скопје кои влегувале во салата со полициска придружба и не ја послушале усната наредба од полициските службеници да застанат. Првоосомничениот со тупаници ги удирал оштетените полициски службеници, нанесувајќи им телесни повреди. Вториот осомничен, пак, ги влечел при што му ја искинал службената униформа на еден од полицајците. За првоосомничениот до судијата на претходна постапка надлежниот јавен обвинител достави предлог за определување мерка притвор, со оглед на тоа што тој и претходно се јавувал како сторител на кривични дела, па би можел да го повтори делото или да се даде во бегство за да го избегне кривичниот прогон.

Карамбол на кошаркарски натпревар помеѓу „Гостивар“ и „Пелистер“- еве ги деталите

Катерина Бојаџиева — Mon, 16 May 2022 15:20:13 +0000

На 15.05.2022 во спортската сала „Младост“ за време на одигрување на кошаркарски натпревар помеѓу екипите на КК „Гостивар“ и КК „Пелистер“ од Битола бил нарушен јавниот ред и мир со фрлање предмети од публиката и од играчи, како и со физичка пресметка помеѓу членови на двете екипи. За време на натпреварот од публиката на источната трибина биле фрлени повеќе предмети на теренот и бил погоден тренерот на екипата на Пелистер М.И.(47) од Скопје, кој потоа ја скршил клупата за резервни играчи. Истовремено, настанала физичка пресметка помеѓу играчот на Пелистер, Б.С.(29) од Скопје и физиотерапевтот на КК „Гостивар“, В.Ѓ.(29) од Гостивар. После тоа, играчите од гостинската екипа Б.С.(29) и Д.Н.(28) фрлале предмети кон публиката, при што, според пријавеното, Б.С. го погодил гледачот Б.П. од Гостивар. Во врска со настанот, полициски службеници од ОВР Гостивар ги лишиле од слобода В.Ѓ.(29) од Гостивар, Б.С.(29) од Скопје, М.И.(47) од Скопје и Д.Н.(28) од Битола и по целосно расчистување и документирање на случајот ќе следат и соодветни поднесоци.

Навивач повреден на натпреварот Гостивар-Кожув

Ивона Петрова — Mon, 11 Nov 2019 10:44:01 +0000

А.И.(35) од Гостивар вчера во 21 часот во СВР Тетово пријавил дека околу 17 часот и 30 минути на кошаркарскиот натпревар Гостивар-Кожув што се играл во спортската сала „Младост“ во Гостивар, 19-годишниот навивач на „Кожуф“ Д.С. од Гевгелија со дрвен предмет фрлил и го повредил по главата, информира Марјан Јосифоски портпарол на СВР Тетово. Набрзо Д.С. е обезбеден и се расчистува случајот.

МВР со детали за тепачката на кошаркарски натпревар

Катерина Бојаџиева — Sun, 25 Nov 2018 16:03:33 +0000

Вчера на одигрување на кошаркарски натпревар во спортската сала во ОУ „7 март“ во Скопје, пријавено е дека бил физички нападнат играчот на гостинската екипа ФМП – Скопје Д.Н. (24) од страна на играч од противничката екипа, по што се вклучиле и други лица. Се преземаат мерки за расчистување на случајот, по што ќе бидат поднесени соодветни поднесоци.

Кошаркарски судија нападнат во Центар по натпревар

Ивона Петрова — Mon, 05 Nov 2018 14:04:08 +0000

А.Ѓ.(37) од Скопје пријавил дека околу 13,35 часот во сала на улица „Лазар Личеноски“ по завршување на кошаркарски натпревар на кој оштетениот бил судија, физички бил нападнат од страна на непознато лице. Од полицијата информираат дека се преземаат мерки за расчистување на случајот.