космонаут – Kurir.mk

Вселенското излегување на космонаутот Олег Артемиев прекинато поради проблем со костимот

Магдалена Андонова — Thu, 18 Aug 2022 15:46:57 +0000

Излегувањето во вселенското пространство на рускиот космонаут Олег Артемиев беше прекинато поради проблеми со неговиот вселенски костим. Контролата на мисијата на Артемиев му наредила да се врати во Меѓународната вселенска станица откако проблемот бил забележан. Подробности сѐ уште не се соопштуваат, но според американската вселенска агенција НАСА, забележана е „мала флуктуација“ во батеријата на оделото. Космонаутот потоа безбедно се вратил во МВС, приклучен на напојувањето на Станицата и продолжил со операциите. НАСА соопшти дека Артемиев „не е во опасност“ и покрај непредвидената појава. Тој и неговиот колега Денис Матвеев работеа на опремување на роботската рака на Европската вселенска агенција (ЕСА) со камери и друга опрема. Иако се чини дека станува збор за помал инцидент, сепак сѐ тоа враќа непријатни спомени… Италијанскиот астронаут Лука Пармитано доживеа проблем со костум за време на две вселенски излегувања во јули 2013 година, а првото вклучуваше „протекување“ кое мина незабележано. Поради сѐ ова, НАСА тогаш привремено ги суспендираше сите неитни излегувања во вселенското пространство. (МИА)

На арапскиот космонаут на МВС му се зголемила главата

Ивона Петрова — Thu, 03 Oct 2019 11:29:17 +0000

Првиот космонаут од Обединетите Арапски Емирати, Хаза ал Мансури минатата седмица пристигна на Меѓународната вселенска станица (МВС).

Кусо по доаѓањето, тој откри промени кај самиот себе – главата му се зголемила за некој сантиметар. Сѐ тоа има совршено рационално стручно објаснување, и веројатно, космонаутот го знае тоа. Тоа се случува со сите коишто престојуваат во Земјината Орбита. Органите, како и целото тело во бестежински простор, ја задржуваат масата, но не се соочуваат со силата наречена тежина. Тоа пак, резултира со подувување, издолжување или растење на делови од телото. И, сѐ тоа е сосем нормално. Хазал денеска се враќа од МВС. Кога арапскиот космонаут ќе се врати на Земјата, сѐ ќе се врати во првобитната положба, но и тогаш тој ќе треба да мине низ одредени фази необични и чудни за обичниот човек, истакнуваат стручните лица.

Тројца космонаути утрово се вратија од Меѓународната вселенска станица на Земјата

Катерина Бојаџиева — Wed, 28 Feb 2018 07:56:20 +0000

Вселенската капсула со двајца американски астронаути и един руски космонаут од Меѓунардоната вселенска станици слета утринава во Казахстан. Спуштањето на капсулата „Сојуз“, со која од Меѓународната вселенска страница на Земјата се вратија Џо Акаба, Марк Ванде Хај и Александар Мисуркин, беше емитувана директно на телевизијата на НАСА.