косоврасти – Kurir.mk

Реката кај Косоврасти излегла од своето корито, патот исчистен и повторно прооден

Тале Кристо — Fri, 03 Nov 2023 21:28:05 +0000

Од големите врнежи во атарот на село Долно Косоврасти реката којашто доаѓа од атарот на село Горно Косоврасти, во Општина Дебар, излегла од своето корито и го поплавила патот и околината околу со вода и земјена и камена лава/кал. Патот е исчистен по брзата интервенција со булдожер од „Кнауф Дебар“ и со приватни камиони, по што коритото на реката е исчистено и патот е повторно прооден, известуваат од Центарот за управување со кризи (ЦУК). Од ЦУК за МИА информираат дека од обилните врнежи дожд што ја зафатија Општината Дебар и околината има поплавено неколку подруми во населбата „Венес 2“ и во другиот дел од градот каде што на терен се излезени екипи од ЈП „Стандард“ и пожарникарите од ТППЕ Дебар, но немало некои поголеми материјални штети.

Повторно се отвори кратерот на патот кај Косоврасти, овој пат е поголем

Ивона Петрова — Sat, 11 Jun 2022 11:38:42 +0000

На регионалниот пат Дебар – Маврово, делница Дебар- Жировница, кај селото Долно Косоврасти, повторно се отвори кратер. Станува збор за кратер, пропадната дупка на коловозот, на истата локација каде што истиот се појави во неколку наврати, но овој пат со поголеми димензии. Сообраќајот се одвиваше по оспособен пат а со максимална ангажираност на вработените во дебарската секција на ЈП за одржување магистрални и регионални патишта, истиот е пополнет со песок. Поради обилните дождови присутни деновиве, на овој, како и на патните правци Дебар-Струга, Мелнички Мост- Центар Жупа, како и патот кон селата на Мала Река, има појава на одрони. Поради тоа од секцијата препорачуваат внимателно возење и строго почитување на патната сигнализација.

(ВИДЕО) Дупка длабока 10 метри се отвори на патот кај Косоврасти

Ристе Здравков — Sat, 16 Oct 2021 08:30:12 +0000

Сообраќајот на регионалниот пат Дебар-Маврово кај Косоврасти е во прекин поради оштетување на коловозот, односно дупка која зафатила една коловозна лента. Поради безбедносни причинк патот ќе биде во прекин до излегување на ЈП Македонија пат. Длабочината на дупката е околу 10 метри, со опасност и дополнително проширување. ФОТО и ВИДЕО: fokus.mk

Зачестија одроните на патиштата во дебарско, одрон од 20 метри кубни кај Косоврасти

Ивона Петрова — Mon, 09 Mar 2020 11:09:38 +0000

Обилните врмежи од дожд во изминатите два дена, предизвикуваат чести одрони на патните правци во поширокиот дебарски регион. Претпладнево одрон беше регистриран кај селото Долно Косоврасти, на патиот правец Дебар – Маврово, делница Дебар – Жировница. – Станува збор за одрон од камен и земја или во колична од 20 кубни метри, што падна во 10:30 часот. Нашите вработени со соодветна механизација го отстрануваат материјалот од коловозот. Одронот не создаде проблеми во одвивањето на сообраќајот, изјави за МИА, Деар Лиманоски, раководител на дебарската секција на „Македонија пат“. Мали, но чести одрони има сите патни правци кои се под надлежност на секцијата и тоа најчесто кај селата Рајчица, Косоврасти, и Јанче, месноста Ростушки Мост, потоа во близина на Бигорски манастир и месноста „Сенечки ливади“,на патниот правец Дебар – Маврово, како и кај месноста „Три чешми“ на патот кон Струга, и месноста „Кокошкина краста“ на патот Мелнички Мост-Центар Жупа. Поради одрони и влажни коловози се препорачува внимателно возење. – Има помали, но чести одрони од камен и земја. Нашите екипи се постојано на терен во нивно расчистување и сообраќајот се одвива без поголеми проблеми.Поради можноста од одрони но и влажниот коловоз препорачуваме многу внимателно возење и строго почитување на патната сигнализација, препорачува Лиманоски. Под надлежност на оваа секција се делниците Дебар – Жировница (патен правец Дебар – Маврово), Дебар – Глобочица(патен правец Дебар – Струга),патот кон граничниот премин „Блато“, потоа кракот Бошков Мост кон селата на Мала Река, како и патот Мелнички Мост – Центар Жупа или над 110 километри.