косовски државјани – Kurir.mk

Двајца Косовци се превртеле со „Фиат браво“ на патот Тетово-Јагуновце, па биле пренесени во болница – тоа што полицијата го пронашла на увидот ги сместило зад решетки!

Дарко Андоновски — Thu, 12 Oct 2023 12:50:09 +0000

Основното јавно обвинителство Тетово донесе Наредба за спроведување истражна постапка против еден косовски и еден македонски државјанин, кои се осомничени за кривично дело – Неовластено изработување, држење, посредување и тргување со оружје и експлозивни материи од член 396 став 3 во врска со став 1 од Кривичниот законик. Двајцата, во патничко возило „Фиат браво“ со косовски регистарски ознаки, неовластено држеле пиштол марка „Црвена застава“ со една рамка во која имало 4 куршуми со калибар 6.35 мм, како и пиштол „ЕRМА WERKE“. Оружјето било пронајдено на 10 октомври кога двајцата осомничени со возилото учествувале во сообраќајна несреќа на регионалниот пат Тетово-Јажинце. Во несреќата возилото излетало од патот и се превртело, осомничните со телесни повреди биле пренесени во болница, а при извршениот увид полициските службеници го пронашле оружјето во возилото. Надлежниот јавен обвинител до Основниот суд во Тетово поднесе предлог за определување мерка притвор за двајцата осомничени. Судијата го прифати предлогот и им определи притвор во траење од по 30 дена.

Двајца Косовци фатени како крадат во Кочани – полицијата ги приведе, украденото вратено на сопствениците

Магдалена Андонова — Fri, 22 Jul 2022 09:27:19 +0000

На 21.07.2022 во Кочани, полициски службеници од Полициската станица Кочани ги лишиле од слобода Б.А.(54) и С.С.(63), двајцата од Република Косово. Тие биле затекнати и фатени на Градскиот пазар во Кочани при извршување „тешки кражби“ на дрзок начин, односно при одземање пари и други предмети од чанти на неколку лица. Одземените предмети биле пронајдени и вратени на сопствениците, а лицата биле приведени во полициска станица и по целосно документирање на случајот ќе биде поднесена соодветна пријава.

Спречен шверц на стока за широка потрошувачка на Граничен премин Долно Блаце, уапсени 4 косовски државјани

Магдалена Андонова — Thu, 02 Jun 2022 14:01:05 +0000

На 01.06.2022 на Граничен премин Долно Блаце, полициски службеници извршиле контрола во две патнички возила и задржале четири косовски државјани, затоа што во возилата била пронајдена поголема количина на стока за широка потрошувачка без потребните документи. Имено, во 14.15 часот бил извршен преглед во возило „фолксваген бора“, со косовска национална ознака, управувано од Р.С.(30), во кое совозач бил А.Т.(31), двајцата од Косово. При преглед во возилото, во делот за резервна гума била пронајдена стока за широка потрошувачка без документи. Во 15.20 часот, пак, била извршена контрола и на патничко возило „фолксваген голф“, исто така со косовска национална ознака, управувано од Ќ.Ц.(23), во кое совозач бил Г.И.(29), двајцата од Косово. При контролата било констатирано дека возилото било натоварено со стока за широка потрошувачка без документи. За настанот бил запознаен Јавен обвинител, по чија насока лицата и предметите биле предадени на царински службеници за понатамошна постапка.

Приведени двајца косовари – на ГП „Богородица“ приложиле фалсификувани патни исправи

Магдалена Андонова — Fri, 24 Sep 2021 14:31:37 +0000

На 24.09.2021 во 07,20 часот на граничен премин „Богородица“ од полициски службеници биле приведени Х.Б.(30) и Х.М.(38) двајцата од Р.Косово. Тие биле сопатници во патничко моторно возило „фолксваген пасат“ со скопски регистарски ознаки управувано од Д.А.(61) од Скопје, затоа што при пасошка контрола пријавените приложиле фалсификувани патни исправи. Лицата се предадени на полициски службеници за понатамошна постапка.

Косовари кај „Долно Блаце“ фатени во илегално преминување на граница

Магдалена Андонова — Sat, 11 Sep 2021 15:00:00 +0000

На 10.09.2021 околу 10,30 часот на граничен премин „Долно Блаце“ на место викано „Дупки“ од полициски службеници приведени се А.Б.(23) и К.С.(30) двајцата од Р.Косово поради обид за илегално преминување на државната граница. Лицата се предедени на полициски службеници од Одделение за прекуграничен криминал и миграции- Скопје за понатамошна постапка.

Косовски државјани ќе одговараат за тешка кражба во Скопје

Ивана Ефремовски — Fri, 14 May 2021 11:56:33 +0000

Обвинителен предлог против двајца државјани на Косово поднесе Основното јавно обвинителство Скопје, за кривично дело – Тешка кражба според член 236 став 1 точка 1 во врска со член 22 од Кривичниот законик. Како соизвршители, двајцата косовски државјани на возраст од 37 и 41 година, обвинетите влегле на територијата на државава преку граничниот премин Блаце на 19 април, по што со автомобилот се паркирале на паркинг простор пред маркет на улица „Митрополит Теодосиј Гологанов“ во Скопје. Излегле од возилото и забележале како еден оштетен го паркира својот автомобил Ауди А6 на истиот паркинг. Кога оштетениот го заклучувал неговото возило со далечински управувач, еден од обвинетите со пресретнувач го блокирал сигналот на уредот за електронско заклучување. Откако сопственикот се оддалечил, обвинетите го отвориле возилото и од преградата одзеле нов неупотребен мобилен телефон во кутија, вреден 90.000 денари. Потоа истиот ден ја напуштиле територијата на Република Македонија.

Пет косовски државјани ќе одговараат заради непочитување на здравствените прописи во Македонија

Ивана Ефремовски — Thu, 25 Mar 2021 14:11:07 +0000

Основното јавно обвинителство во Велес до Основен суд Велес поднесе Обвинителен предлог против 5 лица – косовски државјани за кривично дело – Непостапување според здравствените прописи за време на епидемија од чл.206 од Кривичниот законик. Обвинетите на 24.3.2021 година во 23:40 часот со автомобил се движеле по автопат Е-75, при што кај наплатната станица Виничани се сопрени и легитимирани од полициски службеници на СВР Велес.

ОЈО Велес поднесе обвинение проти двајца косовски државјани – не го почитувале полицискиот час

Магдалена Андонова — Thu, 18 Mar 2021 12:10:20 +0000

Основното јавно обвинителство во Велес до Основен суд Велес поднесе Обвинителен предлог против две лица, косовски државјани, за кривично дело – Непостапување според здравствените прописи за време на епидемија од член 206 од Кривичниот законик. Обвинетите на 17 март во 23:05 часот, за време на важечки полициски час, со автомобил се движеле по автопатот Е-75, па на наплатна станица Отовица биле сопрени и легитимирани од полициски службеници на СВР Велес.

Приведени четворица косовски државјани, ја снимале касарната „Кузман Јосифовски Питу“

Ивана Ефремовски — Thu, 10 May 2018 11:32:11 +0000

На 09.05.2018 година во 16:20 часот на ул. „Фуштанска“ во Тетово, четири непознати лица со патничко возило „Фолксваген Голф“ со косовски регистарски ознаки со мобилен телефон ја снимале касарната „Кузман Јосифовски Питу“. Откако реагирало обезбедувањето на касарната, лицата избегале. Во 17:45 часот на регионалниот пат Тетово – Јажинце, кај с.Глоѓи, полициски службеници го сопреле наведеното возило во кое се превезувале Х.Б. (48), Ф.Л. (36), Ј.Л. (74) и Ф.Л. (28), сите од Косово, по што биле приведени во СВР Тетово. Се преземаат мерки за целосно расчистување на случајот.