коста маневски – Kurir.mk

Маневски: Во Зелениково се гради, покрај уредување на речното корито, се реконструира и училиште

Ристе Здравков — Wed, 09 Nov 2022 12:57:18 +0000

Денеска ми претставува особена чест што заедно со претседателот на ВМРО-ДПМНЕ, Христијан Мицкоски сме во посета на увид на тековни проекти што се работат во општина Зелениково, рече на денешната прес-конференција градоначалникот од редовите на ВМРО-ДПМНЕ, Коста Маневски. -Денеска се наоѓаме во населеното место Река каде што се гради, регулација и уредување на речно корито. Исто така посетивме проект кој е завршен во основното училиште во општина Зелениково, населено место Орешани, а тоа е реконструкција на кров и гронобранска инсталација. Ја посетивме улица 10, реконструкција на улица 10 во должина од 230 метри, вкупна вредност на проектот е еден милион и 300 илјади денари. Исто така имаме и многу други проекти кои што се изградени во општина Зелениково, се работи за два детски забавни паркови и имаме набавка на специјализирано возило за собирање и транспорт на комунален отпад, набавка на нови контејнери. Прв чекор за водоснабдување на село Градовци, а тоа е бушотина и изнаоѓање на вода за водоснабдување на селото, истакна Маневски. И исто така сакам да го спомнам етно комплексот Градовци, кој заедно со жителите и со граѓаните направивме едно преубаво место за рекреација на жителите од општина Зелениково, а и од околните населени места, додаде тој.

Маневски: Изготвивме проект за изградба на нова детска градинка, се реконструира зелениот пазар, се инвестира и во инфраструктурата

Ивана Ефремовски — Sun, 06 Mar 2022 13:45:39 +0000

Сто дена посветена работа резултираа со зголемување на довербата помеѓу општината како институција со жителите, како продукт на поголемата транспарентност во работата како и достапноста од моја страна за секој еден жител кој имал потреба да ми се обрати лично, рече Коста Маневски, градоначалник на општина Зелениково на денешниот регионален отчет „Промени што носат иднина - 100 дена локална власт отчет на ВМРО-ДПМНЕ“. Маневски истакна дека тие како ново раководство на општината наместо да се фокусираат на нови проекти и промени, наидоа на куп нереди и неодговорно работење од страна на претходниот градоначалник од редовите на СДСМ. -Очекувањата и реалноста за жал не секогаш се совпаѓаат. Како ново раководство наместо да се фокусираме на нови проекти, на подобрувања и промени, нас не успоруваа нередот и неодговорното работење од страна на претходниот градоначалник во Општина Зелениково кој и покрај неговите тврдења дека ја остава незадолжена општината ни остави еден куп долгови. Во изминатиот период утврдивме дека: -Со склучен договор за набавка на возило-скип по пат на финансиски лизинг направено е долгорочно задолжување на општината во износ од 5.629.335,00 ден Останува за исплата повеќе од половина -Детските игралишта кои се градени за време на изборен циклус за локални избори а чиј договор е склучен практично пред изборите, во август 2021, чинат 3.182.000,00 ден и за истите општината немаше ни денар платено. Важно е да се знае дека детските игралишта се поставени на неадекватни и небезбедни локации. Во иднина тоа нема да биде пракса на општината. - Општината по пат на кредитно задолжување врз основа на договор склучен со Министерството за финансии за реконструкција на локален пат С.Зелениково-С.Страхојадица, е задолжена со износ од 12.208.000,00 ден на кој износ дополнително се пресметуваат полугодишни камати. -Склучен е договор за изведување на работи за регулација и уредување на дел од речното корито на Зелениковска река и тоа во износ од 3.057.000,00 ден. Истата таа сума останува за исплата. - И покрај тоа што во договорот за реконструкција на локални улици предвидена е исплата на ДДВ, од страна на претходното раководство прифатени и исплатени се времени ситуации без пресметан ДДВ, кој изнесува 699.000,00 денари. Од ЈКП Зелениково имаме затекнат долг во вкупен износ од 41.000. 000,00 денари, утврди Маневски. Но, Маневски истакна дека сите тие нереди од претходното раководство, не го спречија тој да се посвети на жителите на општина Зелениково и макотрпно да работи за подобар живот на жителите. -Во почетокот од мандатот започнавме со ревидирање на сите започнати проекти, се заложивме кон нивно довршување а исто така започнавме неколку нови проекти. Па така:

Во завршна фаза е изведба на работи за Реконструкција на локален пат С. Зелениково-С.Страхојадица 2. Во финална фаза е и реконструкција и реновирањето на Зелен Пазар, моментално се подготвува и нова локација за пазарот. 3.Во првата недела од мојот мандат изготвена е проектна документација за изградба на нова детска градинка со јасли и за истата е поднесена апликација во Министерството за Труд и Социјална политика за обезбедување на средства.
Обезбедени се средства за Реконструкција на крак 1 од улица 10 во Село Зелениково. 6. Во тек е постапка за набавка на ново специјализирано возило за собирање и транспорт на комунален отпад за потребите на ЈКП Зелениково. 7. Помеѓу првите проекти кои ги започнав е и изноѓање на решение за водоснабдување во Градовци. Градовци е село со големо значење за Зелениково. Ангажирана беше фирма и извршени се хидрогеолошки испитувања на подземни води во с.Градовци. Откако добивме позитивен одговор за присуство на подземни извори на вода веднаш пристапивме кон изработка на проектна документација за бушотина за вода, резервоар и главен цевковод за водоснабдување на с. Градовци. 9. За реконструкција на патот с.Орешани-С.Зелениково обезбедена е потребната документација за отпочнување со работа. 10. Во рамки на Кампањата против загадување и унапредување на еколошката свест, расчистени се неколку диви депонии на територија на Општина Зелениково. Расчистени се и неколку локации во Зелениково, вклучувајќи ги дворните простори на училиштата, пешачките тротоари и просторот покрај нив, искастрена е нискостеблестата вегетација покрај патот кој ги поврзува Зелениково и Ново Село 11. Извршено е расчистување и продлабочување на одводните канали на териториј на општината, кои во услови на обилни и поројни дождови претставуваат критични точки за појава на поплава. 10. Тампониран е дел од патот за с.Тисовица. 12. Во фаза на реконструкција е рекреативниот парк пред општинската зграда. 14. Во завршна фаза е изведба на работите за регулација на дел од речно корито на Зелениковска река. 15.Во фаза на изработка е проектна документација за реконструкција на објектот каде се наоѓа здравствениот дом и аптеката. 16.Важно е и да напоменеме дека се забрзани постапките за добивање решенија за легализација. Услужувањето на жителите е на прво место и приоритет пред се, истакна Маневски.

Градоначалникот на Општина Зелениково од редовите на ВМРО-ДПМНЕ исто така наброи и неколку проекти кои се планирани да се реализираат во текот на оваа година. -Во тек на 2022 година дел од проектите кои што планираме да ги завршиме се следниве: 1.Преку ИПА проектот за прекугранична соработка со Србија ќе се набават контејнери за потребите на општината. 2. Ќе се работи и на комуналната инфраструктура, со ново проектиран цевковод од шахтен приклучок до населено место Смесница. 3. Преку Министерство за животна средина и просторно планирање се обезбедени средства за Реконструкција на фекална канализација и изведба на колектори во Страхојадица. 4. Училишната зграда на ПОУ Марко Цепенков во Орешани исто така ќе биде реконструирана. 5. Се планира поставување на соодветна сообраќајна сигнализација заради поголема безбедност на учесниците во сообраќајот. 6. Во текот на 2022 година ќе се отпочнат работи за реконструкција на локалниот пат Орешани-С.Зелениково во должина од 2 км. 7. Ќе се изврши реконструкција на крак 1 од улица 10 во Село Зелениково. 9. Ќе се направи бушотина за вода, резервоар и главен цевковод за водоснабдување на с. Градовци, порача Маневски. Тој исто така напомена дека во тек се подготовки и на многу други проектни документации, изготвување на планови за активности и работи кои треба да се спроведат со цел привлекување на домашни и странски инвестиции.

Маневски: Гарантирам нови инвестиции за нови работни места, поддршка за млади претпиемачи, развој на туризмот и здрава општина без депонии

Тале Кристо — Wed, 06 Oct 2021 18:40:53 +0000

Кандидатот од ВМРО-ДПМНЕ за општина Зелениково, Коста Маневски вечерва на митингот во Зелениково, истакна дека гарантира нови инвестиции за нови работни места, развој на туризмот,спортска и здрава општина без депонии, како и секогаш да биде достапен за секој еден граѓанин на општината. -За општина Зелениково и за сите граѓани доаѓаат подобри времиња кој водат кон светла иднина, подобро утро за сите, за промени и напредок. Гарантираме проекти кои се остварливи. Се обврзувам дека следните четири години ќе ги подобриме условите за основање и водење бизнис на територијата на општина Зелениково. Ќе работиме на обезбедување поволни услови за нови домашни но и странски инвеститори, кои ќе придонесат во отворање на многу нови работни позиции. Посебен акцент и внимание ќе биде насочен кон младите претприемачи, старт-ап бизнисмени за кои е предвидена континуирана поддршка, посочи Маневски. Тој вели дека се обврзува за рамномерен развој на сите подрачја и населени места во општината, со цел подобрување на условите за живот и животен стандард на сите граѓани на општина Зелениково, се обврзува за реконструкција и проширување на локалниот пат од Орешани до Станица Зелениково и асфалтирање на локалниот пат од село Смесница до село Гумалево, како и aсфалтирање и тампонирање на сите патишта каде што е потребно општината. Toj се обврзува за конечно решавање на проблемот со водоснабудвање во село Градовци како и водоснабдувањето во селата Смесница и Вражалеa, oпштина Зелениково ќе добие и нова детска градинка. -За младите гарантираме дека општина Зелениково ќе биде спортска и здрава општина. Со нови адреналински патеки за велосипедистите, со нови спортски и детски игралишта, фитнес зони на отворено, уредување и изградба на нови пешачки патеки. Зелениково ќе добие и нова спортска сала. Идеалните места за развој на туризмот кои ќе ги развиваме и промовираме се селата Ново Село, Таор, Градовци и селата околу Кадина Река, Смесница, Гумалево и Тисовица. Но најпрвин треба да го исчистиме ѓубрето кое е расфрлено насекаде и дивите депонии создадени од актуелната локална власт, истакна Маневски. Toj гарантираше капитални проекти со кој секој граѓанин на општина Зелениково ќе се гордее. -Како градоначалник секогаш ќе бидам достапен за секој од вас, преку ваша директна вклученост во работата на општината. Транспарентноста на носењето одлуки ќе стане секојдневие и сите ќе имаат увид во реалната состојба на општината. Лошите политики кои досега ја уназадија општината ќе станат минато, рече Маневски. Маневски им посочи на граѓаните на Зелениково заедно да се изборат, за нова иднина, заедничка иднина за модерна и просперитетна општина Зелениково.

Маневски: Зелениково нема една капитална инвестиција, го нема ветеното вештачко езеро, нема живот, затоа за промените во нашата општина мора да се избориме заедно

Магдалена Андонова — Wed, 01 Sep 2021 11:36:15 +0000

Желбата за подобра општина Зелениково е инспирација за мојата кандидатура бидејќи граѓаните заслужуваат да живееат во подобра општина. За промените во нашата општина ќе се избориме заедно. Предизвикот да го споделам целото мое искуство и несебично да учествувам во воспоставување на нови вредности и квалитетен живот за сите граѓани е голем. Сакам сите промени во општината да бидат направени согласно потребите на граѓаните, со ветувања кои ќе бидат пред сè реални и остварени. Сакам општина Зелениково да прерасне во општина која ќе им ги овозможи и реализира потребите на граѓаните, изјави на денешната прес конференција, Коста Маневски, кандидат за градоначалник на општина Зелениково на ВМРО-ДПМНЕ. Тој истакна дека еднаквоста на сите луѓе ќе биде една од темелните вредности прифатени од сите и основа за создавање на стабилен развој на општината. - Денес, кога соседната општина Петровец размислува за воведување на напредна технологија, граѓаните на општина Зелениково се соочуваат со немање на елементарни услови за живот. Зелениково нема добиено ниту една нова капитална инвестиција. Го нема ни вештачкото езеро на Кадина река кое мегаломански се најавуваше во предизборието. Го нема ниту голф теренот кој им беше ветен на нашите сограѓани. Го нема ниту ветениот нов асфалтиран пат во правец с. Смесница - с. Гумалево до Кадина река, како и ветувањето за асфалтирање и реконструкција на локални улици во сите населени места. Ги нема ни фекалните канализации во десетте населени места. Целосно се заборавени и младите. Ги нема младинските културни центри, спортската сала и нема никаква поддршка во спортот. Нема ниту едно реализирано ветување за пензионерите. И нема уште многу работи од ветената програма „Живот во Зелениково“ која се претвори во пустош низ Зелениково, појасни Маневски. Тој рече дека општина Зелениково ја гледа и ќе ја направи како урбана, развиена и модерна! - Мојата програма содржи проекти кои се произлезени од Вас , граѓаните, се темели на вашите реални потреби и барања , проекти кои се однесуваат на децата, младите, возрасните и пензионерите. Сакам да обезбедам рамномерен развој во Општината. Ниту едно место да не биде заборавено како до сега. Итно ќе се заложам за обезбедување на поволни услови за влез на инвеститори во Зелениково кои ќе овозможат нови работни места. Наш приоритет ќе биде инвестирање во инфраструктурни објекти кои им се потребни на сите граѓани! Сите жители ќе имаат чиста вода за пиење, атмосферска и фекална канализација, обновени паркови, асфалтирани и безбедни патишта. На општина Зелениково и треба ново урбано речно корито со пешачки и велосипетски патеки, со нови клупи и урбана опрема. Место кое ќе стане главно за рекреација на сите граѓани, посочи кандидатот за градоначалник. Маневски тврди дека на Зелениково му е потребен нов спортски комплекс со нова сала, игралишта, катче за младите. Место кое ќе биде препознатливо за сите луѓе, место кое ќе им овозможи на младите да спортуваат и здраво да се развиваат. - Тоа е мојот сон, мојата визија, а тоа може да го направиме само заедно со добра организација и доверба. Јас сум роден во Зелениково, го познавам секое делче на општината и сè што имам е тука. Тука растев и тука создавам. Во име на заедничката иднина на нашата општина, ќе дадам сè од себе за општината да стане урбана, развиена и модерна! Општина со еднакви можности за сите луѓе! Јас имам доверба во вас, имајте и вие доверба во мене. Затоа излезете на 17-ти октомври и дајте го вашиот глас за општина Зелениково за сите луѓе, додаде тој.