коста петров – Kurir.mk

Коста Петров еден од учесниците во сообраќајката кај „Веро“ во Тафталиџе

Ивона Петрова — Thu, 26 May 2022 10:34:27 +0000

Поранешниот потпретседател на СДСМ и екс директор на Фондот за иновации, Коста Петров е еден од учесниците во сообраќајната несреќа која вчера утринава се случи на булеварот „Митрополит Теодосиј Гологанов“ во близина на „Веро“ маркетот. Од МВР информираат дека несреќата била пријавена кај нив околу 07:00часот, а во која учествувале автомобил „БМВ“ и мотор Кавасаки. -На крстосница од ул.„Митрополит Теодосиј Гологанов“ со ул.„Њу Делхиска“ се случила сообраќајна незгода помеѓу патничко возило „БМВ х3“ со скопски регистарски ознаки, управувано од К.П.(38) од Скопје и мотоцикл „Кавасаки“ со скопски регистарски ознаки, управуван од Б.Н.(28) од Скопје. Притоа, со повреди се здобил мотоциклистот Б.Н. констатирани во Градска општа болница „8-ми Септември“, информираат од МВР. Во изјава за „А1он“, Петров вели дека се наоѓа во добра здравствена состојба, и тој и возачот на моторот поминале без посериозни повреди. Полициски екипи на местото на несреќата извршиле увид.

Антикорупциска го чешла работењето на Коста Петров: ДКСК добила пријава против поранешниот директор на ФИТР

Тале Кристо — Wed, 11 May 2022 11:21:41 +0000

До Државната комисија за спречување на корупцијата доставена е пријава од познат подносител против лицето Коста Петров, поранешен директор на Фондот за иновации и технолошки развој (ФИТР), велат во изјава за „Локално“ од ДКСК. Оттаму појаснуваат дека по поднесената пријава е оформен предмет и истиот е распределен за работа на член на Државната комисија за спречување на корупцијата, согласно со Деловникот за работа на ДКСК. Според „Локално“, станува збор за средства дадени за издавачкиот центар ТРИ ДООЕЛ за проект наменет за едукација за кој вкупниот буџет изнесува 7.249.159 денари, сопствено кофинасисрање е 2.174.747 и ФИТР кофинансирање – 5.936.000 денари. Конфликтот на интереси е во фактот дека тие ги издаваат неговите книги. Петров во изјава за „Локално“ вели дека не е запознаен дека против него се подготвува случај и тврди дека не склучил договор за доделување на финансиски средства со таа издавачката куќа. -Не сум запознаен дека од страна на Државната Комисија за спречување корупција е отворен предмет за било какво мое постапување.Понатаму, во врска со Вашите наводи, би сакал да Ве информирам дека во време на вршење на мојата функција како Директор на Фондот за иновации и технолошки развој не сум донел Одлука за финансирање на проект ниту сум склучил договор за доделување на финансиски средства со издавачката куќа ТРИ, вели Петров за „Локално“. Книжарница ТРИ има добиено средства и во 2018 година за проектот за електронска платформа за книги: Сопствено кофинасисрање 3.367.881,45 денари, ФИТР кофинансирање 6.119.108,55 денари, вкупен буџет 9.486.990,00 денари, во време кога на чело на Фондот бил Јован Деспотовски.

Екс претседателот на СДСМ се оградува од СДСМ, превртувал очи од партијата

Катерина Бојаџиева — Wed, 04 May 2022 09:30:30 +0000

Поранешниот потпретседател на СДСМ, Коста Петров, во утринската емисија на Телма денеска изјави дека во неговата нова книга наречена „Што ќе кажат другите“ има многу пиканетрии од неговиот живот во владејачката партија. ПР-експертот во студиото рече дека во последната фаза апред да си даде оставка на партиската функција и како директор на Фондот за иновации и технолошки развој „превртувал очи“, пренесува Фактор. -Кога сме во поинтимен форум нема да бидам некој кој лажно ќе ракоплекса. Влегов романтично во политиката, да менувам, верував во промени, но како ја спознавав партијата се соочив со првата кочница и никогаш не ме прифатија како нивни потпретседател две и пол години. Тоа во фаца ми го кажуваа - ми велеа такви како тебе си оделе, ќе си одиш и ти. Си реков што правам на 38 години. Првите месеци бев нов, и кога го доживеав првиот сериозен удар, ја дадов првата оставка по неколку месеци кога се правеа изборните листи за парламентарните избори 2020. Јас сакав да ставам мега успешни личности кои би влегле во политиката, но партијата секогаш победува, рече Петров. Тој вели дека претходно четири месеци преговарал со СДСМ за да влезе во политиката, но потоа се соочил со реалноста. -Првичната идеја беше да бидам потпретседател на владејачка партија и советник за ПР, но не знаеја што да прават со мене. Четири месеци ми се додворуваа, јас ги одбивав, им велев дека нема шанси, сметав дека таа функција треба да му се даде на некој од партијата. Одлуката ја донесов два часа пред да се одберат потпретседатели. Првичната идеја беше да креираме нова ПР стратегија бидејќи сметав дека не им е на ниво тоа што беше, но од одредени структури на партијата немаше желба за промени, а јас не сум таков да им кажувам на сите дека се добри, вели Петров. Подолго време размилувал да си даде оставка, но нов момент бил почетокот на пандемијата. -Започна ковид кризата, го раководев економскиот совет во партијата за економските пакети, формиравме една група од 15 економисти експерти па ми се врати повторно надежта, ја доловува атмосферата Петров. Неговиот заклучок е дека главниот проблем е апатијата во која секој смета дека ништо повеќе не може да се промени во општеството.

Коста Петров поднесе оставка во ФИТР

Ристе Здравков — Thu, 23 Dec 2021 11:49:39 +0000

Коста Петров денеска преку својот Фејсбук профил ја најави својата последна активност како Директор на Фондот за иновации и технолошки развој. „Голема благодарност до сите наши партнери, корисници, интернационални организации и членовите на Националниот стартап совет за безрезервната поддршка овие 14 месеци. Најголема благодарност до моите колеги од ФИТР за рекордните успеси во 2021 година“, напиша Петров, откако ја сподели анализата на перформансот на компаниите ко-финансирани од ФИТР.

Арсовски: Иновација за Коста Петров е набавка на дрон од 35.000 евра

Тале Кристо — Wed, 08 Dec 2021 10:29:44 +0000

Срамно е што СДСМ и Фондот за криминални иновации молчат една недела за скандалозните проекти кои ги поддржале, грото 40.000 евра по проект, а уште посрамно е што делеле пари за рецепти за јадење и станале како списание за гурмани, истакна на денешната прес конференција портпаролот на ВМРО-ДПМНЕ Димче Арсовски. -Целиот е конкурс е поврзан со рецепти за јадење, за храна, некакви си рецепти кои ги сметаат за иновации и дебело ги плаќаат, голем дел од проектите се поделени по блиски луѓе на СДСМ и за сето тоа по 40тина илјади евра од проект плаќаат граѓаните токму за Фондот за криминални иновации, рече Арсовски. Во продолжение интегрален текст и видео од прес конференцијата на Арсовски: На пример, јавноста никогаш, ама баш никогаш не би замислила дека иновација во светот, но и овој конкурс во Република Македонија е набавка на дрон, замислете набавка на дрон е иновација, за да надлетува земоделски посеви и за тоа фондот за криминални иновации плаќа 35.000 евра. Нема ништо иновативно да отиде некоја фирма со пари и да си купи дрон. Такви дронови постојат и постојат многу одамна. Не е ништо измислено. Јас сеуште се чудам, како може да е иновација набавка на дрон, а се уште да не дознал сопругот на Мила Царовска да не аплицирал или уште подиректно прашање, како ова е иновација што чини 35.000 евра, кога фамилија Царовски надлетување со дрон за вегетација веќе имаше склучено договор во Град Скопје за многу поголеми суми? Фондот за криминални иновации и Коста Петров се олицетворение на недомаќинското работење и криминално работење на СДСМ. Наместо иновации и поддршка на млади научници, поддржуваат рецепти за храна, дебело ги плаќаат и поддржуваат набавка на дронови. Наместо поддршка на научници, поддржуваат партиски функционери на СДСМ како Миле Милановиќ и Рубинчо Зарески. И кога ќе не прашаат сите останати луѓе од светот што имате патентирано кај вас во Македонија? Ние треба да им одговориме дека сме патентирале рецепти за јадење и набавивме на дронови и тоа сме го измислиле како држава. Срамота, срамота! За сето ова мора да има одговорност! Затоа, без разлика на празните флоскули кои што ги промовираат од Фондот за иновации дека позади овие проекти стоеле, споменуваат некаков си СО на Јаху, човекот сигурно, ама сигурен сум дека самиот не видел и не го прегледал проектот за набавка на дрон или рецепта за јадење и не ставил потпис на истото тоа. Затоа, денес ги повикувам институциите, нормално доколку не се плашат и доколку не се во истата шема со СДСМ за испумпување пари од државата, да ги ревидираат тие спорни проекти, да отворат случаеви и тие што се во ред како проекти, каде што навистина има простор и треба да се поддржи некој проект, во ред, да се поддржи и да се потпишат, но тие што се спорни и што се за испумпување на пари од граѓаните веднаш да се исфрлат, а Фондот за криминални иновации и сите таму вмешани да сносат одговорност! Од Фонд за иновации направија дувло за испумпување пари на граѓаните и Фонд за криминални иновации, посочи Арсовски.

Коста Петров си ги искршил двете раце додека возел велосипед

Магдалена Андонова — Thu, 29 Jul 2021 13:33:51 +0000

Koста Петров, директор на Фондот за иновации и технолошки развој во саботата додека возел велосипед си ги искршил двете раце. Тие сега му се во гипс. Тој вели дека сега се чувствува подобро, и дека му следува период на рехабилитација. Петров денеска на својот фејсбук профил објави фотографија со двајцата доктори кои најмногу му помогнале во тешките моменти, д-р Александар Трајановски и д-р Александар Савески, до кои изрази голема благодарност, исто како и до сите кои му помогнале кога ја доживеал несреќата. - Минатата сабота утринското возење велосипед спектакуларно заврши со скршеници на двете раце. Голема благодарност до сите што ми помогнаа на Кеј и чекаа со мене додека дојде брзата помош, особено Перо Камиказа. Најголема благодарност до персоналот на Клиниките за траума и ортопедија, особено до Др. Александар Трајановски и Др. Александар Савески, за грижата и посветеноста. Сега следува период на рехабилитација и одмор, а за неколку недели продолжуваме со уште по забрзано темпо“, напиша Петров на својот фејсбук профил.

Арсовски: Коста Петров го прекршил законот, кривична пријава ќе има

Ивона Петрова — Wed, 27 Jan 2021 11:33:30 +0000

Сите го видовте јавно на телевизија Коста Петров призна дека сторил кривично дело. Обидот отпосле да се оправда дека не сторил кривично дело е тотално непотребен и бесмислен, само повеќе докажува дека го сторил истото дело, истакна на денешната прес-конференција портпаролот на ВМРО-ДПМНЕ, Димче Арсовски. Тој истакна дека јавно, јасно и гласно призна дека сторил кривично дело со тоа што исплатил буџетски пари за рекламирање на Фондот за иновации. -Да разјасниме: Владата на СДСМ предводена од Зоран Заев, претседателот на СДСМ чиј заменик односно потпретседател е Коста Петров во 2017 година донесе заклучок според кој се задолжуваат сите органи на државната управа, се укажува на институциите кои немаат статус на органи на државната управа, се препорачува на единиците на локалната самоуправа да престанат да емитуваат, односно рекламираат кампањи/спотови на платен простор во електронски комерцијални радиодифузери – телевизии и радија, дневни и неделни весници, билборди, интернет портали, со исклучок на социјалните медиуми. Според законот за иновациски дејности, Фондот за иновации е формиран од Владата на Република Македонија, има статус на правен субјект, користи буџетски пари, она што е најважно практично затоа и беше донесена од СДСМ, тогаш беше и така промовирана оваа мерка користи буџетски пари Фондот за иновации на Република Македонија. А, вклучително и директорот на Фондот за иновации е назначен на седница Влада, вели Арсовски. Тој псочува дека де факто овој заклучок на Владата кој што е донесен пред три години важи и за Фондот за иновации, односно за Коста Петров. -Затоа да не се крие, да не бега и да одговори јавно: Каде се рекламирал Фондот за иновации, на кои медиуми и колку пари чинела оваа кампања на Фондот за иновации за 5 години ФИТР? Ова се суштинските прашања, бидејќи прекршување на законите секако има. Уште еднаш бараме институциите да реагираат, а Фондот за иновации јавно да ги обзнани сите документи, каде се рекламирал Фондот за иновации, колку пари потрошил за истото и нормално кој ги исплатил тие пари односно со чиј потпис. Кривична пријава за одговорност од ВМРО-ДПМНЕ, секако ќе има, нагласува Арсовски.

Арсовски: Одговорност за Коста Петров и итна оставка

Дарко Андоновски — Tue, 26 Jan 2021 12:48:57 +0000

Потпретседателот на СДСМ и директор на Фондот за иновации, јавно, без грам совест, дрско и без срам, најважно без ничија присила, призна дека свесно сторил кривично дело и притоа причинил материјална штета на институцијата што ја води во случајот Фондот за иновации, ова денеска преку прес-конференција до јавноста го истакна Димче Арсовски од ВМРО-ДПМНЕ. -Уште побезобразно, признавајќи дека направил кривично дело, јавно на телевизија им порача на граѓаните но и на сите останати, само „извините ако сум направил кривично дело”. Замислете секој криминалец во државава што извршил кривично дело да се извини само на јавноста и на Судот и да биде ослободен од одговорност. Но, она што е суштинско и поважно, Коста Петров сепак трошел од парите на граѓаните за маркетинг услуги и тоа ги трошел преку агенциите кои го добија тендерот. Коста Петров противзаконски плаќал реклами со буџетски пари на граѓаните на медиуми и со тоа го прекршил член 353-В став 2, односно став 3 и причинил со своето несовесно работење материјална штета во институцијата која што ја води во моментов. Токму Владата на СДСМ го смени законот 102 од законот за АВМУ, со што државните институции и сите оние кои што користат буџетски средства, да не смеат по ниеден основ да се рекламираат во медиумите, вели Арсовски. Тој додава дека ова е законот кој што го прекршил Коста Петров како директор на Фондот за иновации, а притоа треба да одговара според членот 353-В од Кривичниот законик на Република Македонија. -Ова имено само да знае значи од половина до 5 години затвор, односно од 1 до 10 години затвор во зависност од висината на штетата. Сепак како што рековме и претходно, Коста Петров преку советникот од СДСМ, Бојан Ивановиќ трошел пари кои што се на граѓаните. Значи директор од СДСМ сепак давал пари за маркетинг преку фирма на советник исто така од СДСМ. Коста Петров да одговори колку пари се потрошени за рекламирање и каде? Односно колку пари тој потрошил за рекламирање и каде? Зоран Заев да одговори дали побарал оставка од својот потпретседател и директор и кога планира да побара оставка за свесното признаено кривично дело кое што го извршил? Дали Јавното обвинителство и Антикорупциската комисија сеуште ќе се прават и глуви и слепи на криминалот на СДСМ кој што сите знаеме дека е аминуван токму од Зоран Заев? Фондот за иновации стана златна кокошка за СДСМ и за нивните функционери. Од проекти, единствен и главен проект на оваа Влада е правење и создавање криминална држава преку која што крадат и пустошат се живо. За крај, сакам да и најавам на јавноста, дека ВМРО-ДПМНЕ во текот на неделата ќе поднесе соодветна кривична пријава против директор за извршен кривичен престап. И очекуваме брзо расчистување на случајот односно сносување на одговорност, бидејќи имавме јавно признание на национален сервис, додава Арсовски.

Коста Петров призна кривично дело- се рекламирал со државни пари на портали и медиуми (ВИДЕО)

Катерина Бојаџиева — Mon, 25 Jan 2021 19:13:59 +0000

Потпретседателот на СДСМ и Директор на Фондот за иновации, Коста Петров во гостување на 24 Телевизија призна кривично дело- се рекламирал со државни пари на портали и медиуми. На прашањето на портпаролот на ВМРО-ДПМНЕ Димса Арсовски дали е свесен дека со ова е направено кривично дело, Петров призна, па се извини. Арсовски се огласи на Фејсбук и вели дека очекува Петров да си даде оставка веднаш, а ЈО да покрене случај за ова. -Кратко и јасно, Потпретседателот на СДСМ и Директор на Фондот за иновации, јавно без грам совест пред цела јавност на национален медиум ПРИЗНА КРИВИЧНО ДЕЛО И МИ РЕЧЕ “ИЗВИНИ”. Повторувам, ПРИЗНА КРИВИЧНО ДЕЛО. Оттука, очекувам Јавното обвинителство да покрене случај, а Коста Петров да си даде оставка уште веднаш. Прво не ги знае законите, второ овластувањата, трето не знам што бара таму. За дообјаснување на директорот, за ова негово “извини” Член 353-В / Став 2 и 3 вели дека е член каде со вакво јавно признание се оди во затвор од половина до 5 години, односно од 1 до 10 години, зависно од штетата што ја причинил. А тоа, утре ќе видиме, напиша Арсовски.

Арсовски: Дали дел од 200.000 евра од ФИТР завршиле кај советник на СДСМ од Град Скопје?

Магдалена Андонова — Sun, 17 Jan 2021 11:59:35 +0000

Коста Петров вчера во обид да се испере од овој скандалозен и сомнителен тендер од 200.000 евра кој што го доделила институцијата на две маркетинг агенции, призна неколку работи. Најпрвин, експресно демантираше дека не го склучил тој договорот и дека тоа го направил неговиот претходник, што укажува дека ги трга рацете има нешто сомнително во овој тендер, иако се работи за тендер во време на институција што без разлика кој бил директор на таа институција, истиот потекнува од редовите а на СДСМ како партија и власт, изјави на денешната прес конференција, Димса Арсовски, портпаролот на ВМРО-ДПМНЕ. - Второ, доколку Коста Петров не ги користи услугите на овие две агенции и снима со сопствена продукција како што и самиот вели што и не е докажано, што и хипотетички да е ова вистина, зошто до сега откако е директор не го не го ревидирал истиот договор и да го поништи да спаси 200.000 евра на граѓаните да не завршат непотребно во нечии џебови? Кога немаат никаква работа овие две агенции зошто сепак ги земаат овие 200.000 евра пари на граѓаните, прашува Арсовски. Тој исто така прашува за она што е најскандалозно и заслужува внимание во јавноста, дали Коста Петров или кој било од СДСМ, дали едната од агенциите која земала од овие 200.000 евра за тендерот Бригада Дизајн, нејзино челно лице е Бојан Ивановиќ, имено советник од редовите на СДСМ во Град Скопје? - Се поголем е сомнежот дека овој тендер е доделен свесно и е наместен, бидејќи еден од добитниците на тендерот е советник од редовите на СДСМ во Град Скопје кај Петре Шилегов Дали овие две агенции работеле партиски агенди или ќе работат партиски агенди во иднина платени преку парите на граѓаните, треба уште веднаш да се произнесат Коста Петров и СДСМ? Ако не работат ништо во Фондот за иновации, зошто тогаш се уште е активна оваа јавна набавка и не е поништена, посочи Арсовски. Портпаролот на ВМРО-ДПМНЕ тврди дека ова е начинот на работа на СДСМ како партија и власт. Преку свои функционери, испумпуваат пари на граѓаните и тоа не малку пари туку 200.000 евра. - Дел од 200.000 евра завршиле во џебот на советник од редовите на СДСМ во Град Скопје, што не е ништо поразлично од тоа кога завршуваа парите од граѓаните во Фондот за иновации преку грантови исто така кај фирми на кај функционерите на СДСМ. Фондот за иновации е златна кокошка за збогатување на функционерите на СДСМ. Наместо да дава поддршка на стопанството, компаниите и иноваторите, парите ги дава на функционерите и фирмите на СДСМ, вели тој. - Ова е резултатот зошто се наоѓаме во рецесија, и зошто имаме над 55.000 граѓани кои се невработени во ек на пандемија и економска криза. Одговорот е едноставен, затоа што парите наместо да завршуваат онаму каде што треба завршуваат кај функционерите и фирмите во СДСМ, додаде Арсовски.