Костадин Костадинов – Kurir.mk

Костадинов од СДСМ маскиран во Тито, во друштво на “Хитлер“ позираше со нацистичко знаме

Ивана Ефремовски — Sat, 25 Feb 2023 16:37:24 +0000

Градоначалникот на Струмица, Костадин Костадинов од СДСМ на струмички карневал се појави маскиран во Тито. Неговата партнерка, го следеше во маската, па беше во улога на Јованка Брос. На една групна фотографија, Костадинов како Тито е во друштво на човек маскиран во Хитлер, а во нивна близина се вее нацистичкото знаме. Се разбира, карневалот е време за забава, но ваквото однесување е недозволиво за еден градоначалник кој сигурно знае кој бил Хитлер во историјата и дека неговото промовирање сигурно не е забавно. Костадинов и неговата девојка Георгиева, маскирани како Тито и Јованка Броз, позираа со пријателите од неговата група кои вечерта беа Гадафи, Хитлер, Фидел Кастро, Че Гевара и други историски личности. Градоначалникот рече дека маската нема порака туку дека е повеќе “политичка сатира“, а ликовите од историјата “нека си останат таму“. -Вечерва се случи бришење на границите на Балканот, се случи Европа без граници. Беше преубаво да се биде дел од маскенбалот и да се види како луѓе под маски од различни земји и нации заедно пеат, играат и се веселат. Хрвати, Срби, Босанци, Црногорци, Грци, Бугари и Македонци, но и гости од Шведска, Германија, Холандија, Италија, Словенија и Турција, вечерва беа едно. Можеби тоа беше најубавиот маскенбал од сите досега одржани, маскенбал каков што само може да се посака, изјави синоќа Костадинов.

Ковачевски му порача на Костадинов дека не е пожелен во нашата држава

Магдалена Андонова — Sat, 26 Nov 2022 14:07:17 +0000

Премиерот Димитар Ковачевски ја осуди вчерашната изјава на бугарскиот пратеник и лидер на политичка партија „Преродба“, Костадин Костадинов кој при отворањето на Бугарскиот културен центар во Скопје даде изјава која содржи територијални претензии кон Република Северна Македонија. – Министерството за надворешни работи веднаш реагираше, а исто така и министерката за култура тоа го осуди. Исто така и јас сакам да го осудам. Навистина непримерно е човек којшто е дојден како гостин во оваа држава да се однесува на таков начин. Вчера ние имавме чин на отворање на Бугарски културен центар така како што личи во Скопје со министер за култура дојден, со нашиот министер за култура, на ист начин како што сум кажал дека и ние ќе отвориме Македонски културен центар во Благоевград каков што имаме отворено и во Софија, рече Ковачевски при денешната посета на фабриката „Брилијант“ во Штип. Дополни дека такви политичари воопшто не се пожелни во нашата држава.

МНР ги осудува иредентистичките изјави на бугарскиот пратеник Костадинов

Катерина Бојаџиева — Fri, 25 Nov 2022 17:21:27 +0000

Министерството за надворешни работи ги осудува иредентистичките изјави кои содржат и територијални претензии кон Република Северна Македонија изкажани јавно и повеќе пати од страна на бугарскиот пратеник и лидер на политичка партија, Преродба, Костадин Костадинов. – Фактот што овие изјави се повторуваат, овојпат и во Скопје и тоа на значаен и за двете страни симболичен повод, отворање на нови канцеларии на Културно-информативниот центар како и во пресрет на Бизнис форумот меѓу Северна Македонија и Бугарија, не можеме, а да не ги толкуваме како обиди за минирање на силните напори на двете Влади за унапредување на соработката и како организирана провокација, која треба да биде осудена од сите проевропски политички структури и институции во двете држави, се вели во соопштението на МНР. Во исто време, сакаме да упатиме апел до граѓаните на двете земји да не им подлегнуваат на ваквите провокации кои имаат една единствена цел, а тоа е да ги спречат двете држави во спроведувањето на искрените намери, реафирмирани од двете страни, за продлабочување на односите меѓу нашите држави и народи во духот на европските вредности.

Костадинов од Преродба: Македонија е бугарска, а клубот е провокација

Ристе Здравков — Wed, 02 Nov 2022 12:22:49 +0000

Лидерот на бугарската политичка партија Преродба, Костадин Костадинов зборуваше за отворањето на македонскиот клуб во Благоевград и кажа дека тоа е провокација, пренесува „БНТ“. „Во неделата имаше обид за провокација, за постоење на едно непостоечко малцинство во Бугарија. Оваа провокација беше запрена од потомците на Никола Вапцаров“, кажа Костадинов. Претседателот на Преродба кажа дека ќе зборувале за бугарската историја во Брисел и Стразбур. „Македонија тврди дека бугарските клубови имаат провокативни имиња. Но, ние ќе ја претсатвиме книгата за Никола Вапцаров, каде што вели дека е Бугарин. Едно да биде јасно: Македонија е бугарска“, вели тој.

МНР со вербална нота реагира на изјавата на бугарскиот пратеник и лидер на „Преродба“ Костадин Костадинов

Тале Кристо — Fri, 21 Oct 2022 06:54:28 +0000

Министерството за надворешни работи, преку амбасадата на Република Бугарија во Скопје, упати вербална нота до бугарското Министерство за надворешни работи, по повод изјавите на пратеникот и лидер на политичката партија „Преродба“ Костадин Костадинов за време на конститутивната седница на Народно Собрание на Бугарија. Во нотата, како што наведуваат од МНР, се изразува крајно незадоволство од содржина на изјавата во која јавно се изразуваат иредентистички и територијални претензии кон Република Северна Македонија. – Го повторуваме апелот дека ваквите изјави се директно спротивни на интенцијата на двете држави го почитуваа и да го негуваат духот на Договорот за пријателство и добрососедство, во насока на создавање блиски и пријателски односи базирани на меѓусебна почит и соработка. Токму во духот на добрососедството, очекуваме релевантните политички и институционални фактори во Република Бугарија да се оградат и да ги осудат ваквите провокации и обиди за нарушување на добрососедските односи, се вели во соопштението од македонското МНР.

Костадинов: На 2 октомври не одиме на избори, туку на референдум

Тале Кристо — Tue, 20 Sep 2022 19:40:25 +0000

Бугарија на 2 октомври не оди на парламентарни избори, туку на референдум, битка дали ќе продолжи да постои како народ и како држава, изјави денеска во Силистра претседателот на бугарската екстремна националистичка партија Преродба, Костадин Костадинов. Како што јави дописникот на МИА од Софија, Костадинов, чија партија е важи за евроскептична, истакна дека првото нешто што мора да се направи по 2 октомври е отфрлање на планот за воведување на еврото во Бугарија. – Доколку Преродба не ја преземе валста со Бугарија, ќе организира референдум. Еврото нема да се воведе во Бугарија, ова е врвен приоритет за нас, изјави лидерот на партијата Костадинов. Тој предизборната кампања во Бугарија ја опиша како летаргична, бидејќи, според него, сите други бугарски политички партии имаат интерес за слаб одѕив на гласачите.

ВМРО-ДПМНЕ: Костадин Костадинов од голтар до скапи мотори, часовници и станови преку функција и СДСМ

Магдалена Андонова — Fri, 25 Mar 2022 08:42:31 +0000

Костадин Костадинов од голтар до скапи мотори, часовници и станови преку функција и СДСМ. Костадин Костадинов има скромен анкетен лист, но постојано е опкружен со скапи ствари кои не се наведени во неговиот анкетен лист. Костадинов го видовме со скап часовник Гармин, кој вреди над 70.000 денари, кој не е пријавен како негов имот, се вели во соопштението на ВМРО-ДПМНЕ. Од партијата посочуваат дека Костадинов како свој имот не го пријавил ниту скапиот мотор Дукати од 20.000 евра, кој го возеше во сред пандемија додека сите беа затворени во своите домови. - Костадинов во анкетен лист не го ставил ниту станот во комплексот Џевахир, каде тој и живееше додека беше пратеник. ДКСК не одговори дали Костадинов е еден од функционерите на кои мислеше Билјана Ивановска кога кажа дека имаат имот кој не е на нивно име, туку е заведен на име на други лица? Костадинов е пример исто како и Каевски, Заев и Ковачевски, како од голтар преку функција и СДСМ се станува милионер, се додава во партиското соопштение.

Градоначалникот Костадинов од СДСМ се маскираше во гроф (ФОТО)

Ивана Ефремовски — Sat, 05 Mar 2022 08:49:23 +0000

Синоќа во Хотелот „Сириус“ се одржа традиционалниот маскенбал на кој Андреј и Слободанка Туџарови се избрани за принц и принцеза на Струмичкиот карневал. Тие заедно со кралската свита вечер ќе ја предводат карневалската поворка по улиците на градот. Градоначалникот на Струмица, Костадин Костадинов од СДСМ, заедно со сопругата Марија, на маскенбалот беа во маски на гроф и грофица. Според него, најважно е што по пауза од две години заради пандемијата продолжува вековната традиција во полн сјај.

Градоначалникот на Струмица се весели во кафана – За ВИП гости не важат ковид протоколи! (ВИДЕО)

Ристе Здравков — Sun, 28 Nov 2021 21:46:41 +0000

Струмичкиот градоначалник Костадин Костадинов се чини дека е ВИП гостин вечерва во ресторан во Струмица, според видеото и фотографиите подолу: Може да се забележи дека во објектот не се почитуваат никакви ковид протоколи, но затоа се шеруваат видеа и фотографии по социјални мрежи. Според Извори на Нетпрес, во кафеана прослава со жива музика организирал струмичанецот Лазо Котуровиќ, алијас Лазо Длгио, кој има криминално досие и е осудуван за што и одлежал затворска казна. Видеото може да го погледнете ТУКА

Костадинов ја презеде функцијата градоначалник на Струмица

Ивана Ефремовски — Wed, 27 Oct 2021 13:31:44 +0000

Формално ја преземав градоначалничката функција од Коста Јаневски кому искрено му благодарам за поддршката и соработката. Свесен сум дека од мене како градоначалник на Струмица се очекува градот и општината да одат напред. Тоа што е создадено да се одржи и развие, но и да се проектира и создаде многу ново. Јас сум подготвен, истакна денеска на неговиот фејсбук-профил новиот градоначалник на Општина Струмица, Костадин Костадинов. Тој денеска официјално ја презеде функцијата градоначалник на Општина Струмица и порача дека заедно со неговиот тим продолжуваат со реализација на визијата за уште помодерна и поевропска општина Струмица. -Продолжуваме понатаму – уште подобро, уште повеќе, уште поенергично! Тука сум и почнав. Интензивно, точно и навремено, со максимална транспарентност и отчетност. Затоа што мора потребите и условите за живот на сите полови и старосни категории граѓанки и граѓани, буквално на сите жители кои живеат на територијата на Општина Струмица да бидат уважени, нагласи Костадинов. Тој посочи дека во претстојните четири години ги очекува многу работа за да биде реализирано сето она кое веќе е разговарано. -Секако, тука нема да застанеме. Напротив, продолжуваме, на таков начин и со дијалози, со уште посилно темпо. Со слух за вашиот глас, со отворена врата и со активна работа ‐ не само од канцеларија, туку и посветено, на терен, го ставам фокусот на приоритетите и реалните потреби во нашата општина. Затоа што само заедно можеме да ја создадеме најдобрата верзија на нашата Струмица, наведува Костадинов.