костарика – Kurir.mk

Ниту 14-те шута кон голот не беа доволни за Јапонците, Костарика славеше над „самураите“

Ивона Петрова — Sun, 27 Nov 2022 12:19:54 +0000

Репрезентацијата на Костарика ја совлада Јапонија со 1:0 во првиот натпревар од второто коло во групата Е. До победата Костарика стигна во 81 минута со погодокот на Кејшер Фулер. Статиката од натпреварот вели дека поседот на топката повеќе бил кај Јапонците кои имале и 14 шутеви кон голот, но тоа не беше доволно за погодот на „самураите“. Во моментов сите четири репрезентации од групата Е се во игра за поминување во следната фаза. Натпреварот се одигра на стадионот „Ахмад бин Али“.

СП2022: Шпанија ја торпедираше Костарика

Тале Кристо — Wed, 23 Nov 2022 18:42:09 +0000

Шпанија ја забележа најубедливата победа во досегашниот тек на Светското првенство во Катар, совладувајќи ја вечерва Костарика со 7-0 (3-0) во рамки на воведното коло во групата Е. Серијата голови ја отвори Дани Олмо во 11 минута по што Шпанија до полувремето ги реши сите дилеми околу победникот со головите на Марко Асенсио (21) и Феран Торес (31) од пенал. Торес со својот втор гол на натпреварот го зголеми водството во 54 минута, а 20 минути подоцна во листата на стрелци се запиша Гави. Шпанија продолжи со исто темпо и во завршните минути уште два пати ја смести топката во костариканската мрежа преку Карлос Солер (90) и Алваро Мората (90+2). Претходно во рамки на истата група, Јапонија забележа сензационален триумф над Германија од 2-1, откако на полувремето беше во негатива. Во второто коло кое е на програмата в недела, Шпанија ќе игра против Германија, додека Костарика против Јапонија.

Авионот кој исчезна кај Костарика се урнал: Во него бил германски милионер, пронајдени две тела

Ивона Петрова — Mon, 24 Oct 2022 08:23:49 +0000

Германскиот бизнисмен и милионер Рајнер Шалер и неговото семејство биле во авионот што се урна во Карипското Море во близина на Костарика, соопшти владата. Извор од Министерството за јавна безбедност на Костарика потврдил за АФП дека Шалер (53) и уште пет лица се на списокот на патници во авионот. Рајнер Шалер е основач и претседател на германската компанија RSG-Group, која управува со теретаните McFit. Германскиот весник „Билд“ пишува дека тој патувал со својата партнерка, нивните две деца и уште еден маж. Меѓу патниците во авионот се Шикорски (44) Курек 40-годишен маж и двајца малолетници, германски државјани и 66-годишниот пилот Швајцарец, според официјалниот извештај. Во саботата во морето се пронајдени тела на возрасен човек и малолетник, кои се уште не се идентификувани.

BREAKING: #BNNCostaRica Reports
Rescue teams discovered the bodies of two people aboard a small plane that crashed in the Caribbean on Saturday. On a flight from Mexico, the plane was carrying five German passengers and a Swiss pilot when it crashed off the coast of Costa Rica. pic.twitter.com/v1qHf4lLS5 — Gurbaksh Singh Chahal (@gchahal) October 23, 2022

Пронајдени се и некои предмети, меѓу кои патни торби и дел од трупот на авионот. Авионот на приватен лет полетал од Мексико и изгубил контакт со контролната кула во Костарика во петокот околу 18 часот кај Лимон, каде требало да слета. Синџирот на спортски сали McFit основан од Шалер е најголем во Европа - има 165 спортски сали во Германија и повеќе од 250 во остатокот од Европа. Името на Рајнер Шалер беше споменато во врска со несреќата на фестивалот за електронска музика Love Parade во 2010 година во кој 21 лице загина, а 500 беа повредени во стампедо во бетонскиот патен тунел каде што се одржуваше настанот. Рајнер Шалер презеде „морална одговорност“ за несреќата. Според истражување од 2019 година, нето вредноста на Шалер се проценува на околу 250 милиони евра.

Костарика е последниот патник на Мундијалот во Катар

Бошко Тасиќ — Tue, 14 Jun 2022 20:51:08 +0000

Фудбалската репрезентација на Костарика е последна селекција што обезбеди виза за Светското првенство во Катар откако во интерконтиненталниот бараж натпревар со 1:0 славеше над Нов Зеланд. Натпреварот се одигра на стадионот „Ахмед бин Али„ во Ал Рајан каде ќе се играат и натпреварите од Светското првенство. Костарика стигна до баражот дојде како четвртопласирана екипа од квалификациите во Конкакаф зоната, додека Нов Зеланд беше победник во квалификациите во Океанија. Единствениот гол на натпреварот беше постигнат на самиот старт, во третата минута и тоа преку Џоел Кембел. Костарика на Мундијалот во Катар ќе игра во група со Шпанија, Германија и Јапонија. Ова ќе биде трето по ред учество на светските првенства.

ВИДЕО: Моментот фатен на камера, товарен авион се преполови при принудно слетување

Ивона Петрова — Fri, 08 Apr 2022 06:48:50 +0000

Товарен авион на ДХЛ се преполови при принудно слетување во Костарика, во несреќа што предизвика привремено затворање на меѓународниот аеродром во Сан Хозе.

A much clearer version of the crash landing has emerged!
Source: Unknown#DHL #AvGeek pic.twitter.com/FCYbgFaW0H — AviationSource (@AvSourceNews) April 7, 2022

Додека запираше на пистата, чад избиваше од жолтиот авион на германскиот логистички гигант, се излизга од пистата додека се вртеше и се преполови во предлот на задните тркала. Двајцата членови на екипажот се „во добра состојба“, изјави шефот на пожарникарската служба на Костарика, Хектор Чавес. Сепак, пилотите од Гватемала се испратени во болница на медицински преглед, соопшти Гвидо Васкез, портпарол на Црвениот крст. Пилотот беше потресен, но и двајцата членови на екипажот беа свесни и „живо се сеќаваат на сè“, додаде Васкез. Вчерашната несреќа се случила откако авионот Боинг-757, кој полетал од меѓународниот аеродром во Сан Хозе, морал да се врати 25 минути подоцна поради принудно слетување поради механичка дефект. Екипажот ја предупреди контролата на летот за проблем со хидрауликата.

1999 built DHL Aero Expreso B757-27APCF aircraft did an emergency landing receiving substantial damages at Juan Santamaría International Airport (SJO),followed by takeoff and a 25 minutes holding pattern from the same airport on 7th April. 📹Edwin Rose #aircraft #safety #aviation pic.twitter.com/p6hkCXqOLY
— FL360aero (@fl360aero) April 7, 2022

ВИДЕО: Силен земјотрес ја стрeсе Костарика

Ивона Петрова — Tue, 25 Aug 2020 06:55:29 +0000

Земјотрес со јачина од 6 степени според Рихтеровата скала утринава ја погоди Костарика, соопшти Европскиот сеиозмолошко-медитерански центар. Засега нема информации за жртви или големи материјални штети. Земјотресот бил на длабочина од 31 километар, а се почувствувал и во главниот град, Сан Хозе.

View this post on Instagram

#CostaRica the moment a 6.0 magnitude earthquake struck the region on 8/24/2020, making it the 7th 6.0 or greater in the last week. You will start to see seismic and volcanic activity picking up as we get closer to the Planet X. #truth #planetxiscoming #nibiru #earthquakes #volcano #increaseing #angelcitytv

A post shared by Angel City TV (@angelcitytv) on Aug 24, 2020 at 11:06pm PDT

Костарика: Царица на морето спаси двајца рибари кои три недели плутале по море

Предраг Кукиќ — Mon, 24 Dec 2018 15:25:04 +0000

Туристички брод спаси двајца рибари од Костарика, кои околу три недели плутале на море. Рибарите се спасени од туристичкиот брод „Царица на морето“ во петокот навечер помеѓу островите Гранд Кајман и Јамајка. Не било предвидено туристичкиот брод да плови по таа траса, но го сменил правецот поради лошото време. Рибарите ја напуштиле Костарика на 1 декември, а плутале во чамец по морето бидејќи заспале и останале без бензин. Двајцата спасени на бродот добиле медицинска нега.

Авантуристичкиот викенд им се претвори во хорор: Туристи бараа адреналин, па ги најдоа мртви (ВИДЕО)

Ивана Ефремовски — Mon, 22 Oct 2018 06:20:48 +0000

Четворица американски туристи се удавија за време на рафтинг во надојдена река во Костарика. Телото на уште еден локален турист е пронајдено по неколку часа. Се претпоставува дека тие се превртеле и пропаднале во надојдената и матна река Наранџито во познатата туристичка област Куепос во Костарика. -Четиринаесет туристи и три водичи се спуштаа по реката со три чамци за рафтинг и еден кајак, кога се случи несреќата, изјави претставникот на Црвениот Крст, Алехандро Моралес. Идентитетот на загинатите туристи не е соопштен.

Силен земјотрес регистиран во Костарика

Матеја Петровски — Sat, 18 Aug 2018 07:35:22 +0000

Земјотрес со интензитет од шест степени според Рихтеровата скала денеска е регистриран во јужниот дел на Костарика, во близина на границата со Панама, соопшти американскиот Геолошки институт. Епицентарот на земјотресот бил на 19 километри северно од градот Голфито, најужното пристаниште на Костарика и омилена дестинација на сурферите. Портпаролот на противпожарната служба изјави дека земјотресот предизвикал помала материјална штета, но нема податоци дека некој е повреден. По половина час регистриран е уште еден земјотрес со интензитет од 4,9 степени според Рихтер. Во соседна Панама земјотресот најмногу бил почувствуван во пограничните провинции Чирики и Бокас дел Торо. (Миа)

Рамирез ќе биде сменет од селекторското место на Костарика

Матеја Петровски — Thu, 05 Jul 2018 10:09:50 +0000

Оскар Рамирез ќе биде разрешен од селекторската функција во костариканската фудбалска репрезентација поради елиминацијата уште во групната фаза на Мундијалот во Русија, потврди претседателот на Фудбалската асоцијација на таа земја, Родолфо Виљалобос. - На Рамирез нема да му биде понуден нов договор. По натпреварот со Швајцарија сите во федерацијата со согласивме дека треба да започнеме нов циклус. Гарантирам дека Костарика ќе биде во Катар 2022 година, изјави Виљалобос на прес-конференција. Костарика во Е-групата на СП забележа два пораза, од Србија (1:0) и Бразил (2:0) и одигра нерешено со Швајцарија (2:2). (Миа)