костен – Kurir.mk

Костените се посебен есенски плод, а еве на што треба да внимавате кога ги купувате

Ивана Ефремовски — Wed, 30 Nov 2022 14:21:24 +0000

Ако треба да издвоиме некој посебен плод како есенски, тогаш е тоа секако костенот. Некогаш се печеа или се вареа, а денеска се незаобиколен дел од најубавите деликатеси. Castanea sativa е вид на питом костен за јадење, а во еден плод има околу 53 отсто вода, белковини и јагленохидрати, додека главна состојка му е скробот. Него го има дури 44 отсто. Исто така, богат е со калциум, калиум, магнезиум, sulfur, хлор, железо, бакар и манган, а содржи и фосфор како и повеќето витамини од групата B. Татковина на костените е Кина, но печењето костени на улиците било забележано во стар Рим. Денеска костените ги користиме во многубројни вкусни рецепти, од колачи до месни јадења. Еден од поубавите примери е пилешкото во сос од костени. Инаку, печените костени имаат поголема енергетска вредност, поголема количина белковини, масти, витамини и двојно поголема количина јагленохидрати. Исто така содржи и витамин Е и фитохемикалии кои не се застапени во варените костени кои пак содржат поголема количина минерални состојки. Заради високата содржина на скроб костенот може да се иситни во брашното и да се помеша со бело или интегрално пченично брашно за правење леб, тестенини, колачи или, на пример, њоки. Кога купувате костени обрнете внимание на тоа да се цели и на лушпата да немаат дупчиња, а не би требало ниту да бидат влажни.

Мус од костен и чоколадо! Вистинско есенско уживање! (РЕЦЕПТ)

Ристе Здравков — Mon, 14 Nov 2022 15:37:49 +0000

Сезоната на костените пристигна, а ние ви пренесуваме рецепт за едноставен чоколаден мус во кој сигурно ќе уживате… Состојки: 250 гр темно чоколадо две чаши слатка павлака чаша пире од костен четири белки четвртина чаша шеќер малку сол Подготовка: Чоколадото искршете го, ставете го во соодветен сад, па растопете го на пареа со постојано мешање. Слатката павлака измешајте ја во шлагот, додајте ја растопената чоколада, омекнатото пире од костен и прстофат сол, па сè убаво изматете. Белките се матат со миксер додека постепено се додава шеќерот, па се соединува со смесата од чоколадо и костен со шпатула. Се става во чинии, се лади во фрижидер, па се сервира.

Пет неверојатни факти за костенот: Го крева имунитетот, го намалува ризикот од болести, а еве кој треба да го избегнува!

Ристе Здравков — Fri, 03 Dec 2021 07:19:24 +0000

Есента не е само убава сезона, која ни носи уживање во магичните бои на природата, таа ја збогатува нашата исхрана со своите плодови, а со тоа го зајакнува телото. Сезоната на паѓање лисја ни носи плод кој е многу здрав и вреден кога се во прашање хранливите материи, минералите и витамините. Со есента, костените стануваат еден од најчестите деликатеси и состојки на различни јадења. За разлика од другите јаткасти плодови, костенот содржи многу мали количини на масти и масло и има голема количина на сложени јаглехидрати, што му дава низок гликемиски индекс. На сите ни е добро познат мирисот на печените костени што се шири по улицата, но можеби не ги знаете сите здравствени придобивки: 1. Ја подобрува меморијата Витамините Б од костен помагаат во растот на црвените крвни зрнца, ги разградуваат јаглехидратите, протеините и мастите и даваат енергија и сила. Богат со витамин Б комплекс кој се наоѓа во костените, ги зајакнува мозочните функции и меморијата, а севкупно ја подобрува активноста на мозокот. Калиумот, со кој се богати и костените, придонесува и за одржување на здрав нервен систем. 2. Го намалува ризикот од болести Костенот содржи трагови од манган кој се бори со слободните радикали во телото и го намалува ризикот од срцеви заболувања и рак. Исто така, игра клучна улога во процесот на стареење и помага да се спречи згрутчување на крвта. 3. Го зачувува цревниот систем и имунитетот Богата со растителни влакна, овозможува добра работа на цревниот систем, добра состојба на бактериската флора, спречува запек и цревни пореметувања, кои сите заедно благотворно делуваат на имунитетот. 4. Го регулира крвниот притисок Печените костени содржат многу малку натриум, но се богати со калиум, па затоа се сметаат за корисни за лицата со хипертензија. Тоа се должи на фактот што има изразено диуретично дејство и придонесува за излачување на течности кај луѓето кои патат од задржување на водата во организмот. 5. Го испушта вишокот вода Костенот има способност да ја исфрли водата од телото, а со тоа помага при проблеми со бубрезите и стомакот. Ќе помогне во циркулацијата и протокот на храната низ цревата, како и водата.

Најдобриот лек на есента: Овој плод е преполн со витамини!

Ивана Ефремовски — Tue, 20 Oct 2020 18:09:41 +0000

Одличен е за забите и коските поради комбинацијата калциум, фосфор и магнезиум. Постојат многу причини поради кои во исхраната треба да го додадете костенот, кој во овој период го има на секој чекор. Костенот содржи помалку масти од останатите јаткасти плодови, висок процент на скроб и витамин Ц. Поради високото ниво на растителни влакна и сложени јаглени хидрати, костенот брзо предизвикува чувство на ситост. Тој е одличен за забите и коските поради комбинацијата калциум, фосфор и магнезиум. Костенот стимулира функции на нервниот систем затоа што е богат со минерали и витамини од групата Б. Користен е и во исхраната на дијабетичарите поради спората апсорпција на јаглени хидрати, па не го подигнува нагло инсулинот во крвта. Брашното од костен е намирница без глутен, а добар е и во борбата со анемија затоа што има високо ниво на железо. Костенот има ефект на „кардиозаштитник“ затоа што содржи маснотии кои што се добри за организмот и обезбедува добра пропорција на омега 3 и омега 6 масни киселини – го штити срцето. Го чува и системот на цревата и имунитето затоа што е пребогат со растителни влакна, овозможува добра работа на цревниот систем.