Костовски – Kurir.mk

Костовски: Олимписките квалификации ќе донесат историски успех за македонското таеквондо

Тале Кристо — Sun, 13 Dec 2020 13:40:58 +0000

Задоволен од освоениот сребрен медал на Европското првенство во Сараево, селекторот на македонската таеквондо репрезентација Борче Костовски најави уште успешни квалификации за Олимписките игри 2021 во Токио. Олимписките таеквондо квалификации ќе се одржат во мај следната година во Софија, а македонската репрезентација ќе ја предводи освојувачот на сребрениот медал на Европското првенство во Сараево, Дејан Георгиевски. Селекторот Костовски од настапот на тричлениот состав во кој ќе бидат и Анамарија Георгиевска и Филип Додевски рече дека очекува „историски успех“ за македонското таеквондо. – Од квалификациите за летните Олимписки игри во Токио 2021 година ќе донесеме радост дома. Таму не се работи за таеквондо, ниту за нешто друго, мотивот е Македонија. Нашите Дејан, Филип и Марија ќе дадат сè што треба така да биде, најави Костовски во интервју за Ипон.мк.

Лукаревска и Костовски не се веќе директори на УЈП и на Службен весник

Тале Кристо — Tue, 11 Aug 2020 11:16:37 +0000

Сања Лукаревска и Мартин Костовски, кои станаа пратеници во Собранието од редовите на СДСМ и коалицијата „Можеме“ по одржаните парламентарние избори, се повлекуваат од директориските места во Управата за јавни приходи, односно Службен весник. Тие во изјава за „Фактор“ потврдуваат дека веќе не се директори на овие две државни институции. – Во моментов повеќе не сум избран функционер од Владата затоа што сум пратеник во Собранието, а во иднина мојата партија и идниот премиер ќе одредат која функција ќе ја извршувам, изјави Лукаревска, која три години беше на чело на УЈП. И Костовски вели дека сега е пратеник и тоа планира и да остане. Вршител на должност директор на УЈП сега е Фарук Омери, а на Службен весник Татијана Лалчевска.

Костовски: 10.08.2001 Љуботенски бачила, тие дадоа се за Македонија

Тале Кристо — Mon, 10 Aug 2020 10:26:57 +0000

10 Август 2001 година кај месноста Љуботенски бачила на кукавички начин се убиени осум припадници на македонските безбедносни сили. Денеска заедно со дел од раководството на ВМРО-ДПМНЕ ОК Бутел одадовме почит и положивме свежо цвеќе на споменикот на паднатите бранители во Љубанци. Сите оние кои што со живот ја платија нашата денешна слобода треба да бидат наша водилка за чинот како се сака татковината, како се сака Македонија. Тие дадоа се за Македонија. Вечна слава, пишува во својата Фејсбук објава пратеникот од редовите на ВМРО-ДПМНЕ Дарко Костовски.

Костовски: Александрова може само да бара оставка од своите стопани, Зоран Заев и Вице Заев

Љупчо Цветаноски — Fri, 17 Jul 2020 10:58:31 +0000

Не може да бара оставка од лидер на ВМРО-ДПМНЕ, некој што не е член на ВМРО-ДПМНЕ. Александрова може само да бара оставка од своите стопани – Зоран Заев и Вице Заев, истиот оној Зоран Заев кој велеше дека СДСМ ќе тепа со 120 илјади гласа разлика. Емилија, ти и таквите како тебе одработуваат за Заев, кој ја уништи Македонија, кој распродаде се што можеше да се распродаде. Бутел како и нашите браќа и сестри од другите општини оставија срце на терен и победивме. Победивме во 41 општина и така ќе биде секогаш кога тоа ќе треба да го направиме за ВМРО, за претседателот Мицкоски и секако за Македонија – напиша на Фејсбук, Дарко Костовски.

Костовски во посета на женскиот манастир “Свети Никола” во Љубанци

Тале Кристо — Tue, 07 Jul 2020 12:33:50 +0000

Заедно со носителот на листата на ИЕ 2, Владо Мисајловски, и дел од Унијата на жени при општинскиот комитет Бутел, утринава го посетивме женскиот манастир "Свети Никола", кој се наоѓа веднаш над скопското село Љубанци. Овој манастир изобилува со убавина и спокој. Таму не пречекаа монахињите, кои не удостоија со пријатен разговор. Наша должност е да ги почитуваме верата и традицијата. Се помоливме за здравје на нашите граѓани и се обврзавме на чесно и достоинствено работење, пишува во својата објава кандидатот за пратеник од редовите на ВМРО-ДПМНЕ во ИЕ 2 Дарко Костовски.

Костовски: Граѓаните се силно мотивирани и желни за промени

Тале Кристо — Fri, 26 Jun 2020 20:41:27 +0000

Денот го завршуваме со средба со граѓаните од населено место Бел Камен. Приказната е иста како и на другите места - многу ветувања а ништо не е сработено. Чесно им кажавме дека не можеме преку ноќ да ги решиме нивните проблеми, но им ветивме дека напорно ќе работиме за да го постигнеме тоа. И ќе го постигнеме! Ме радува тоа што граѓаните се силно мотивирани и желни за промени. На 15-ти јули тие ќе го направат правилниот избор, ќе го заокружат бројот 14 и ќе одберат #ОбноваНаМакедонија!, објави на својата Фејсбук страница кандидатот за пратеник од редовите на ВМРО-ДПМНЕ Дарко Костовски.

Костовски: Граѓаните се излажани и силно мотивирани за промени

Тале Кристо — Thu, 25 Jun 2020 19:03:11 +0000

Денес остваривме средба со граѓаните на населеното место Александар Македонски. Повторно иста слика како и на вчерашните средби. Разочараноста е голема, граѓаните се излажани. Многу вентени проекти а ниту еден од нив не е реализиран. Но, ме радува фактот што тие се силно мотивирани за промени. Доста им е од ненародна власт. Тие знаат кој е вистинскиот избор за Република Македонија, ја имаме и нивната поддршка!, вели во својата објава кандидатот за пратеник од редовите на ВМРО-ДПМНЕ Дарко Костовски.

Костовски: Каде е сега Продановска да излезе на терен во Чаир?

Тале Кристо — Sun, 07 Jun 2020 17:59:56 +0000

Каде е Проја Продановска да излезе на терен во Чаир, или до Чаир не достига надлежноста на пазарна инспекција !? Дали можеби пазарна инспекција дејствува само на територијата низ Центар, Продановска не се тргна од пред камера со песконференции за целосно да застане во заштита на параполициските структури на СДС кои го следат Христијан Мицкоски!?, реагира претседателот на ВМРО-ДПМНЕ ОК Бутел Дарко Костовски. Паниката од поразот кој следи за СДС ќе прави дополнителна разлика во големата победа на ВМРО-ДПМНЕ и Христијан Мицкоски, пишува Костовски на Фејсбук.

Костовски: Смилевски ги изложи Бутелчани на опасност

Тале Кристо — Mon, 01 Jun 2020 15:42:46 +0000

Велимир Смилевски и Славјанка Петровска се во изолација, практично врвот на СДС Бутел е во излолација а само пред два дена оркестрирано не нападнаа дека ние од ВМРО Бутел не ги почитуваме препораките. Прашањето е, зошто свесно ги загрозувавте жителите на Бутел додека во ек на опасна пандемија водевте турбо кампања за пусти фотељи⁉️, прашува претседателот на ОК Бутел на ВМРО-ДПМНЕ Дарко Костовски.

Костовски побара оставка од Смилевски ако изгуби на предвремените парламентарни избори

Тале Кристо — Sun, 02 Feb 2020 20:18:30 +0000

Смилевски конечно да покаже храброст и да го следи примерот ма неговиот колега од Крушево, бара претседателот на ОК ВМРО-ДПМНЕ Дарко Костовски. -Храбар потег на градоначалникот од СДС на Крушево, дал збор дека ако СДС ги изгуби предвремените парламентарни избори ќе си поднесе неотповиклива оставка од позицијата градоначалник, пишува на Фејсбук Костовски. Понатаму Костовски пишува дека поразок кој што ќе го доживеат Заев и Смилевски на 12 април ќе биде целосно делегитимирање на централната но и локалната власт на СДС во Бутел. -Добро би било ваква изјава да даде и градоначалникот на Бутел Смилевски, затоа што големиот пораз кој Заев и Смилевски ќе го доживеат во Бутел на 12ти Април ќе биде целосно делегитимирање на централната но и локалната власт на СДС во Бутел, тоа ќе биде најсигурен показател дека граѓаните на Бутел се свесни за големите предизборни лаги на Смилевски и Заев и екстремно малата реализација на предизборната програма, показател со кој непосредно ќе биде потврдено дека е доста за СДС во Македонија и Бутел, доста е за набезбеден Бутел, доста е за понижен Бутел, пишува на својата Фејсбук страница претседателот на ОК ВМРО-ДПМНЕ Дарко Костовски.