„Тајм аут“ со нова топ 30 листа најубави места во светот за 2023 година- најубавиот град е во Црна Гора!

Катерина Бојаџиева — Mon, 21 Aug 2023 06:53:29 +0000

Списанието „Тајм аут“ ја претстави својата листа од 30 најубави места во светот за 2023 година. На место број 1 е Котор, Црна Гора. Истакнувајќи дека изборот на најубавите места во светот не е лесна задача, „Тајм аут“ наведува дека локациите од списокот ги избрала мрежата на светски патеписци кои ја доживеале убавината на овие места. Така, првото место му припадна на Которскиот Залив, за којшто се вели дека „Јадранското Море во тесните премини на стрмните Динарски Алпи“ ја обликува оваа водна површина, како што опишува написот. - Овде, сместен меѓу вода и карпа, се наоѓа триаголниот, средновековен стар град Котор, со својата тврдина којашто ѝ пркоси на гравитацијата, и која се движи цик-цак по карпите горе, вели соработникот на списанието - Пол Стафорд. Исланд се најде на второто место на листата, а потоа следуваат Ерг Чеби во Мароко, Мон Сен Мишел, Франција, Големата џамија на шеикот Зајед во Абу Даби, ОАЕ и Ела во Шри Ланка.

Во Албанија уапсен убиецот на милионерката Лашманова во Котор

Дарко Андоновски — Sun, 17 Jun 2018 13:58:51 +0000

Албанската полиција во Тирана го уапси Арсение Становиќ, по кого црногорската полиција имаше распишано потерница,под сомнение дека ја убил украинската милионерка Анастасија Лашманова. Во моментот на апсењето, Становиќ (22) бил заедно со неговиот татко, Зоран Станиќ, шеф на експозитурата на Граничната полиција на аеродромот во Тиват. Албанските власти, кои биле во постојан контакт со црногорските колеги, се сомневале дека осомничениот се засолнил во Албанија. Тој ќе биде екстрадиран во Црна гора. Становиќ не бил претходно осудуван. Се занимавал со ватерполо и бил голман во Приморац. Лашманова (30) и Станиќ биле во љубовна врска, а убиството се случи во средината на мај годинава. Безживотното тело на Украинката, полицијата го пронајде на 12 мај вечерта во нејзиниот стан во Котор. Обдукциските наоди покажале дека Лашманова била брутално избодена со нож.Убиецот со тап предмет неколку пати ја удрил во главата, а потоа неколку пати ја избодел со остар предмет. Лашаманова во Црна Гора дошла пред неколку години и почнала да работи како келнерка. Во краток рок станала моќна и влијателна личност, а имотот со кој располага, според проценките, вреди десетина милиони евра. Таа била директорка на компаниите "Мимоза Груп" и "Си Трејд" и сопственичка на три ресторани во луксузниот комплекс Порто Монтенегро во Тиват. Сопственик е и на хотелскиот комплекс „Перла“, на три ресторана во Порто Монтенегро и на салон за убавина во Будва.

котор – Kurir.mk

„Тајм аут“ со нова топ 30 листа најубави места во светот за 2023 година- најубавиот град е во Црна Гора!

Во Албанија уапсен убиецот на милионерката Лашманова во Котор