ковчег – Kurir.mk

Археолози ископаа римска аристократка погребана во оловен ковчег

Ивона Петрова — Tue, 14 Mar 2023 08:48:24 +0000

Британски археолози ископаа останки на 62 лица, меѓу кои и 23 деца, на претходно непознатото раносредновековно археолошко наоѓалиште близу гратчето Гарфорт, Англија. Научниците веруваат дека тоа е гробница од доцниот римски и раниот саксонски период бидејќи на местото се пронајдени признаци на обичаи од двете култури, соопшти Градскиот совет на Лидс. Истражувачите се надеваат дека откривањето на гробишта стари 1.600 години би можело да помогне за нови сознанија за преминот меѓу две ери - на Римската Империја околу 400 година од нашата ера и основањето на подоцнежните англо-саксонски кралства. Имено, по падот на Рим, Западен Јоркшир бил дел од Кралството Елмет. Но, како и во цела Британија, и во оваа област преживеале доста влијанија од римската култура што продолжила да се меша со англосаксонската. Оваа практика траела неколку стотици години. Меѓу највпечатливите наоди се останките на римска аристократка, погребани во оловен ковчег. За скелетот на неидентификуваната жена, се верува дека е стар 1.600 години. Инаку, пронајдени се и лични предмети, како што се ножеви и ќерамика. Археологот Дејвид Хантер, раководител на ископувањето, смета дека оловниот ковчег со скелет на римски аристократ е многу ретко откритие. - Дрвениот ковчег е обложен со олово, што укажува дека се работи за личност со висок статус. Во ковчегот се пронајдени и парчиња накит, рече тој. По анализата на наодите, што може да трае една или две години, ковчегот со олово треба да биде изложен во Градскиот музеј на Лидс.

Албански тинејџер платил 9.000 фунти за сокриен во ковчег да влезе во Велика Британија

Ивана Ефремовски — Mon, 20 Feb 2023 18:13:12 +0000

Речиси неверојатна приказна е патувањето на еден тинејџер Албанец, кој во обид илегално да влезе во Британија, бил ставен во ковчег. Случајот за кој станува збор бил откриен при рутинска проверка на комбе, од страна на француски граничари во близина на Данкирк. Според албанските медиуми тинејџерот, чиј идентитет не се наведува од правни причини, пред надлежните изјавил дека платил 9.000 фунти за своето патување во Британија со комбе. - Ме ставија во ковчег на сервисна станица на автопатот во Стинворде (северна Франција). Сигурно бев внатре најмалку еден час додека комбето застана, додал тој. Ковчегот, на кој му бил зашрафен капакот, бил скриен меѓу дрвени кутии во задниот дел на комбето "Мерцедес спринтер". Возачот, Романецот Лусијан-Раду Ризае, негирал дека имал било каква информација за она што било пронајдено во возилото што го управувал. Млади Албанци, пред се од северниот дел на земјата, Кукс и Скадар, масовно заминуваат во Велика Британија. Минатата година со гумени чамци преку Ла манш на британска територија пристигнале најмалку 13 илјади. Поради засилените контроли сега најчесто се обидуваат да влезат скриени во камиони кои транспортираат разна стока. (МИА)

ВИДЕО: Стражар падна во несвест пред ковчегот на Кралицата

Магдалена Андонова — Thu, 15 Sep 2022 07:40:18 +0000

Британците се редат за да ѝ оддадат почит на покојната кралица Елизабета Втора, а Би-Би-Си ја пренесува церемонијата во живо, бидејќи нејзиниот ковчег го чуваат кралските гардисти. Но, синоќа се случи помал инцидент, кога еден од кралските гардисти кои го чуваа ковчегот на кралицата едноставно се струполи на подот паѓајќи нанапред. Засега, не се познати причините за инцидентот.

JUST IN: Guard collapses while Queen Elizabeth II lies in state pic.twitter.com/gEMrYN0NSC
— BNO News (@BNONews) September 14, 2022

БРИТАНИЈА СЕ ЗБОГУВА СО КРАЛИЦАТА! Ковчегот со телото на Елизабета Втора денеска пристигнува во Лондон

Магдалена Андонова — Tue, 13 Sep 2022 07:26:39 +0000

Граѓани на Лондон од синоќа веќе чекаат во ред за да не ја пропуштат шансата да ѝ оддадат чест на кралицата Елизабета Втора, која почина на 8 септември. Ковчегот со посмртните останки на кралицата се очекува во Лондон да пристигне вечер и од утре во следните пет дена да биде поставен во салата Вестминстер, која ќе биде отворена за граѓаните. Како што се прогнозира, редицата луѓе најверојатно ќе се протега неколку километри. Кампувањето не е дозволено во тој дел од Лондон, па граѓаните со себе носат столчиња на расклопување, топла облека и храна. Британската Влада, предвидувајќи ја долгата редица, нареди зголемена безбедност и поставување монтажни тоалети. Весникот „Тајмс“ пренесе оти може да се очекуваат и до 750.000 лица, потсетувајќи декаљ во 2002 година имаше над 200.000 лица на поклонение пред ковчегот на кралицата мајка, мајката на Елизабета Втора. (МИА)

Кралот Чарлс Трети ќе го предводи кралското семејство во Единбург зад ковчегот на кралицата Елизабета Втора

Дарко Андоновски — Mon, 12 Sep 2022 05:55:59 +0000

Британскиот крал Чарлс Трети ќе го предводи кралското семејство во поворката зад ковчегот на неговата мајка, кога ќе се упати кон катедралата во Единбург, јави ДПА. Кралицата Елизабета Втора ќе биде однесена од палатата Холирудхаус во блиската катедрала Сент Гилс каде нејзиното семејство и луѓето од сите области на шкотското општество ќе присуствуваат на службата за благодарност за нејзиниот живот. Деталите за присуството на ожалостеното кралско семејство се уште не се објавени, но има шпекулации дека војводата и војвотката од Сасекс и новиот принц и принцеза од Велс, кои во саботата се обединија за време на појавувањето во замокот Виндзор, ќе бидат дел од групата. Чарлс Трети пеш ќе предводи некои од членовите на кралското семејство, а се очекува тоа да бидат војводата од Јорк, грофот од Весекс, принцезата Ројал и нејзиниот сопруг вицеадмиралот Сер Тим Лоренс – додека ковчегот на кралицата и другите членови на монархијата ќе ги следат со автомобили. Присутните ќе може да го гледаат ковчегот на кралицата и да му оддадат последна почит 24 часа пред да биде однесен во Лондон, додаде ДПА. Кралот и другите членови на неговото семејство вечерва ќе бдеат во катедралата во чест на нивната мајка. Чарлс и Камила во моментов се во Лондон, но пред да заминат за шкотската престолнина ќе ја посетат Вестминстерската сала каде двата дома на британскиот Парламент ќе изразат сочувство до новиот монарх и неговата сопруга, а кралот ќе го оддржи говор.

ФОТО: Место покојник, во албански ковчег пронајден митралез

Дарко Андоновски — Wed, 01 Jun 2022 08:14:15 +0000

Припадници на МВР, Управата за криминалистичка полиција, во соработка со Полициската управа во Врање, по наредба на Вишиот суд во Врање, извршиле претрес во просториите на албанските гробишта во Бујановац и пронашле митралез во ковчегот. На претресот присуствуваа и претставници на Исламската верска заедница во Бујановац. По наредба на Основното јавно обвинителство Врање, Одделение Бујановац, автоматот ќе биде испратен на вештачење.

ТАТКОТО ГО ВНЕСЕ КОВЧЕГОТ ВО ЦРКВАТА – потресни сцени од последното испраќање на Матеј од Белград за родниот Сплит (ФОТО)

Дарко Андоновски — Fri, 20 May 2022 12:56:27 +0000

Телото на Матеј Периш денеска од црквата Свети Антониј во Белград ќе биде испратено во Сплит, каде што ќе биде погребан, соопштија од белградската надбискупија, јавуваат српските медиуми. Медиумите потсетуваат дека вчера беше потврдено дека младиот човек чие тело беше пронајдено завчера во Дунав е Матеј Периш. Според Телеграф, ДНК-анализата докажала дека се работи за исчезнатиот граѓанин на Сплит. Причината за смртта е давење, покажала обдукцијата. Ќе се прави и токсиколошка анализа, но овие резултати се очекуваат за неколку недели, пренесуваат медиумите. Неговото тело го извлекле морнарите завчера наутро околу 9 часот и 30 минути. Телото е пронајдено на местото наречено Ада Хуја, кое се наоѓа низводно на сливот на Сава и Дунав, кое неколку пати било детално пребарувано. Претходно вчера српската полиција го појасни целиот случај. „Министерството официјално соопштува дека со ДНК анализа на телото, кое вчера околу 9 часот и 20 минути беше пронајдено во Дунав, на Ада Хуја, е утврдено дека се работи за хрватскиот државјанин Матеј Периш (26), чие исчезнување беше пријавено кај белградската полиција на 31 декември минатата година“, соопшти српската полиција, пренесува Телеграф. „Според прелиминарниот обдукциски извештај, смртта била ненасилна. Припадниците на министерството интензивно трагаа по него од пријавата за исчезнувањето на хрватскиот државјанин и ги преземаа сите мерки и дејствија за негово пронаоѓање и расветлување на сите факти и околности“, било потенцирано од страна на надлежните. Хрватската амбасада во Белград во соработка со семејството и српските институции ќе ги заврши сите формалности и процедури неопходни за семејството на Матеј Периш да го преземе и да го пренесе неговото тело во Хрватска што е можно поскоро, изјавиле од амбасадата за „Хина“. Таткото на Матеј ја повикал „Слободна Далмација“ од Белград. Човек кој ќе изгуби некого, како што јас го изгубив мојот Матеј, има само една надеж, а тоа е да биде што е можно поблиску до него. Тоа ќе се случи еднаш, не знам кога, но ќе се случи. Ние мора да продолжиме да живееме овде на земја до некоја нова средба“, изјавил Ненад Периш за „Слободна Далмација“. „Ништо не може да го подготви човекот за вакви вести. Денеска беше најлошиот ден во мојот живот, а надежта остана некаде како меур во воздухот. Го враќам мојот син дома, во неговиот Сплит“, додал Периш. „Барам јавноста да ја почитува нашата желба достојно да се простиме од нашиот Матеј во кругот на семејството. Ги молам луѓето и јавноста да го разберат ова и однапред им се заблагодарувам за разбирањето. Лично не одбивам никакво сочувство од никого , но едноставно сакам да бидам во мир и во мир да се збогувам со мојот син“, изјавил тој. Матеј исчезна ноќта меѓу 30 и 31 декември. Истрчал од клубот каде последен пат бил виден, трчал низ белградските улици, се обидел да запре такси, а потоа, како што беше пренесено на одредени снимки, се спушта по скалите кон Сава. Но, не се гледа дека влегол во вода, пишуваат медиумите во соседството. По ова како што анализираат истите, беше започната голема потрага, а српската полиција со недели вршеше увид во Сава и Дунав. Истрагата беше проследена со бројни шпекулации, но и теории на заговор.

Разголени манекенки рекламираат мртовечки сандаци – Провокативно облечени убавици во шокантна реклама

Ристе Здравков — Fri, 04 Feb 2022 09:51:14 +0000

Погребниците од руската компанија "Horonim.ru" од Москва ангажирале полуголи манекенки за да продадат повеќе ковчези. Кампањата која ја започнале на социјалните мрежи веројатно ќе им се одбие од глава, бидејќи реакциите се во главно негативни. „Имаме сопствен персонал од квалификувани работници, кои ја надгледуваат организацијата на погребите во секоја фаза - од документацијата до обредот“, пишува во описот на кампањата на социјалните мрежи, иако не е јасно дали и манекенките се дел од перосналот.

View this post on Instagram

A post shared by HORONIM.RU | Ритуальная служба (@horonim.ru)

Контроверзната реклама привлекла големо внимание, но не на начинот кој тимот веројатно го очекувал. Луѓето на социјалните мрежи го изразиле својот бес поради неа. Додека еден корисник напишал дека рекламата е "невкусна и навредлива", други ја означиле како "богохулие". „Ова е ужасно, вистински хорор е што луѓето ги изгубија сите граници. Светот полуде“, напишал корисник. Некои напишале дека погребот е нешто приватно и дека не заслужува вакво рекламирање. „Зошто ни се потребни голи жени за да рекламираме нешто толку приватно и мрачно? Тоа е невкусно и навредливо за оние кои треба да ги погребаат своите сакани“, додал корисникот, пренесува "Indy100".

Се сликала покрај отворениот ковчег на својот татко – кога ќе видите како беше облечена надоле ќе подзинете, особено ќе се ѕверите во овој детаљ

Дарко Андоновски — Wed, 27 Oct 2021 18:31:42 +0000

Инфлуенсерка од Флорида ги згрозила корисниците на социјалните мрежи со бизарна фотографија од погребот на нејзиниот татко. Џејн Ривер од Мајами на Тик Ток е вистинска ѕвезда, а откако претходно само објавила дека нејзиниот татко ветеран починал, ги згрози сите откако неколку дена потоа објави како позира пред неговиот отворен ковчег во капелата. Работите да бидат уште полоши, девојката не била соодветно облечена. Таа носела црн асиметричен краток фустан со длабоко деколте, чорапи и чизми на високи потпетици, а својот „погребален стајлинг“ го надополнила со свежо стилизирана фризура и дискретна шминка. Додека позирала покрај отворениот ковчег, ја подигнала ногата и погледнала надолу, како да е во некој од ноќните клубови, а под фотографијата се простила од својот татко велејќи дека и бил најдобар пријател.

Исполнета големата желба на српскиот актер – во ковчегот засекогаш со него ќе го носи овој детаљ од кој многумина занемеа

Дарко Андоновски — Thu, 21 Oct 2021 11:52:35 +0000

Српскиот актер Марко Живиќ беше погребан пред два дена на новите гробишта во Белград. Претходно беше одржана и комеморација за овој голем уметник во белградскиот театар, а на истата беше откриено и еден непознат детаљ поврзан со погребот на актерот. -Ние костимот на Марко од претставата „Лет над кукавичкото гнездо“ го ставивме во ковчегот. Тој на 27 и 28 август ја имаше својата последна одиграна улога во оваа претстава и беше поздравен со громогласен аплауз како и секогаш, раскажа еден од колегите на Марко. Инаку со ова е исполнета една од големите желби на актерот да носи со себе секаде еден детаљ од неговата омилена претстава. Тој во едно свое гостување зборуваше и за тоа колку е горд и радосен на оваа улога. -Горд сум на оваа улога и убавата екипа. Ова е единствениот костим кој ќе го однесам дома, многу сум сврзан за улогата на господинот Мартиниј, бидејќи тој е олицетворение на повеќето луѓе денес. Тој е многу тажен човек суштински, ја замолив управата кога оваа претстава ќе се симне од репертоарот да го откупам костимот и да го имам засекогаш во мојот орман, рече тој.